انا عايزه ابيع عربيتي,,متبهدله ,,ياترى تجيب كام

**memo2000soft** · 19-09-2013 10:24 PM

المشاركة الأصلية كتبت بواسطة أبو إياد

ايه الاسعار دى ياجماعه
ماينفعش تقييم اى سعر الا لما العربيه تتشاف لو العربيه سليمه سعرها معروف انما بالوضع ده لازم تتشاف
والصور ممكن تقرب الموضوع صوره عامه لحاله الصالون والصاج الخارجى والشنطه والحوض
اما الموتور والعفشه والتكييف معروف تكلفتهم
لو حد يفتكر البومه اللى كنت عاملها على ايدى مغيره سقف واربع ابواب ورفرفين وكابوت واللى اشتراها عارف الكلام ده طبعا واشتراها باقل من سعرها الطبيعى ب 7 الاف فقط لا غير
فاستحاله العربيه تتقدر الا بعد المعاينه
ومافيش كريستاله ب 31 دى ابدا فى الدنيا

+11111

**محمد أنور** · 20-09-2013 04:53 PM

متقلليش عن 43

**أبو إياد** · 20-09-2013 05:02 PM

انا رائيى اطلبى اقل من سعر السوق بحوالى 5000ج لان العربيه محتاجه مصاريف وشوفى الرقم اللى هاتسمعيه يناسبك ولا لا ؟ وساعتها هاتسمعى اكتر من رقم وبكده تكونى اتاكدتى من الرقم الفعلى لحاله العربيه لكن لو طلبتى سعر تقديرى من حد مش هاتسمعى الا الرقم المناسب ليه مش المناسب للعربيه

**ايه اسامة** · 02-10-2013 08:49 AM

ياجماعه معلش بس استفسار,,هو انا معلش مش بعرف ارد على البرايفت لأني كنت بعمل دراسه جدوى بس لموضوع البيع ,,بس فيه حاجه,,انا الدخنه بتاعت العربيه ساعات يبقى فيه وساعات كتير لا,,والدخنه خفيفه مع التحميل,,وسمعت انه الصبابات او كاوتش الصبابات ممكن ياكل الزيت بسرعه اوي كده وخصوصا لو مش فيه دخنه جامده وخصوصا لو البوجيهات بتقطع...انا مش اعرف غير الميكانيكي اللي عملي العمره,,وخايفه اروح عند ميكانيكي يبهدلني معاه وده اللي هايحصل عشان انا مش عندي خلفيه جامده ومش بعرف اخد وادي معاه,,, ده فعلا ممكن يكون كاوتش صباب او صباب,,ح يجاوبني عشان يبقى عندي خلفيه لم اروح