طلب تسعير لانسر كرستاله موديل 2000
السلام عليكم ورحمة الله وبركاته
يا جماعة انا بقالى اسبوع بلف على كرستاله
وكل ما اروح السوق مفيش حاجه تعجبنى
دلوقتى صاحبى عندهم عربيه كرستاله موديل 2000 بيقولى انو ممكن يكلم ابوه فيها
انا عاوز منكم حد يسعرهالى علشان محسش انى ظلمتو او هو ظلمنى
العربيه خالتها كالاتى
العربيه فبريكه دواخل ما عدا حته ف الحوض تحت البطاريه من ميه البطاريه خاف الصدايسرح فيها
فى حته بارومه تحت الاستبن فى الشنطه
فى كوبلن بيطقطع عند الملفات على العاصى
كرسى السواق محتاج يتفرش تحس انو ملووح (مش عارف بقى يتغير ولا يتفرش)
الموتور بياكل زيت بس مش كتير العربيه اول ما تدور بتطلع دخنه بيضه لحد ما تسخن وبعد كده تظبط (مش عارف بقى عاوزه طقم شنبر ولا والوش عاوز يتظبط)
الازاز الامامى فى شرخ بس ده بقالو يجي 8 سنوات او كتر مش بيأثر لانو ف الطبقة الخارجيه
غير كده بقى
العربيه بقى لسه مرشوشه كلها خارجى نظافه مفهاش معجون
الفوانيس الاماميه والخلفيه نظيفه
العربيه عامله 240 الف
العربيه كامله glx تكيف ممتاز سنتر ووحده رفع وكاست كينود وسمعات
الكوتشات من 3 سنوات يعنى هتمشى كام شهر