الموضوع: لخبراء الضخامة : بتعملوا ايه او بتاكلو ايه علشان تربو عضل. !!

المشاركة الأصلية كتبت بواسطة 4fun14

-الناس اللى اعرفها بيفهموا فى الجيم كويس بيعملوا الاتى:
1-يخسوا الدهون بمعدل بطىء..يعنى ف خلال 3 شهور مثلا ينزلوا الدهون الزياده
2-يناموا كتير
3-يتمرنوا قليل
4-يشيلوا اوزان كتير فى عدات قليله "يعنى مثلا 8*3" بس باوزان
5-بياخدوا قبل التمرين كرياتين
6-بيشربوا مياه كتير خصوصا وقت التمرين
7-بعد التمرين ياكلوا لحمه ويحبسوا ب whay protien
--
ومش دايما بتجيب نتيجه سحريه يعنى اجسام زى جسمى كده صعب يبان عليها التمرين..وناس تانيه ف شهر واحد تحس انه اختلف

1-تخسيس الدهون كمان بيفرق بمعدل الحرق والسن وكمية الدهون نفسها
وفي العادي من 4-6 كيلو في الشهر معدل مقبول
2- النوم بالليل مهم لأي حد عالاقل 8 ساعات
3- التخسيس مش عايز تمرين قليل خالص بالعكس الكارديو بيكون قاسي خصوصا بعد ماتاخد عالحركه
4- كلام الاوزان ده برضه مش صحيح خصوصا للي بيخسس
6- شرب المياه ضروري جداااااا, بس مش في اثناء التمرين, في التمرين يادوب هتاخد شفطه بعد كل مجموعه مثلا عشان ريقك ماينشفش, لكن الفكره انك بتشرب حوالي لتر مياه لكل 20 كيلو في وزنك, ولو زادت شويه مش مشكله
يعني انت هتروح التمرين شارب مياه كفايه على فترات عشان مايحصلكش dehydration وانت بتتمرن
7- بعد التمرين لو عندك مكمل whey او iso مافيش مشكله تشربه, المهم تكون حاجه سريعة الامتصاص يعني يفضل اللحمه تخلليها بعدين, وعموما ماتكترش منها, الافضل طبعا الاسماك واللحوم البيضاء

وفي الاخر مافيش جسم صعب انه يبان عليه التمرين
الاجسام مش زي بعض اه لا في تقبل التمرين ولا التغذيه
لكن في اساسيات لو اي حد مشي عليها ان شاء الله هيعمل فرق

المشاركة الأصلية كتبت بواسطة LeitoSR

الله ينور يا أستاذ عبد الخالق,
ياريت لو تحط برنامج غذائي لزيادة الوزن bulking for skinny
يعني كام كالوري في اليوم الواحد مفروض ميقلش عنها, علي كام وجبة 6 صغير ولا 4 متوسطين للناس اللي عندهم ال ميتابوليزم عالية.
وياريت لو تدي أمثلة للوجبات ويكون فيها أيه وأيه اللي ممكن يتاخد معاها في اول شهرين قبل ما الواحد يبدأ في المكملات اللي زي الواي بروتين,

شكراً,

بنورك يافندم
بص
الهارد جينر انسان طبيعة جسمه كده
بالاضافه انه احيانا بيكون عصبي حبتين, حركته كتير وسريعه شويه
فاحنا هنعمل ايه ؟
هنعكس معادلة اللي بيخسس, وحاول تكون باااارد في حياتك (على فكره بتفرق جدا)
بس ده مش معناه الافراط في السكريات مثلا
احنا عايزين نزيد عضل برضه
لكن بما انه هيبلك شويه في الاول
هيكون في نسبة دهون بسيطه جدا
بالنسبة للوجبات هتعتمد على النشويات (الكارب) مع البروتين
بالنسبه للعدد
انت ونفسك
يعني انا من فتره قريت مقال عن الموضوع ده بيقول ان ممكن النتيجه واحده لو ظبطتها بس
انا ماعرفش انت وزنك كام طبعا لكن اذا فرضنا ان تغذية وزنك بتكفيها 2000 سعر, فانت محتاج توصل ل 3000 حتى لو بالتدريج (لو كنت انت مش أكيل يعني)
امثلة الوجبات
بطاطس مسلوقه مع بيض مسلوق (للفطار), وحليب كامل الدسم
(لو تقدر تشرب عصير موز بلبن, او اي حاجه في البيت قبل التمرين بنص ساعه يبقى ممتاز)
شوفان بعد التمرين (ممكن تقطع عليه موز وتحط عليه عسل)
الغدا رز او مكرونه, مع سلطه خضراء, ومصدر بروتين (فراخ, سمك, لحمه)
وجبة العشاء زي ماتحب وممكن تحط فيها بيض مسلوق برضه
لو اتعشيت بدري يبقى كورن فليكس بحليب كامل الدسم قبل النوم, ولو هتتعشى متأخر خلي الوجبه دي عالساعه 7 مثلا

بالنسبه للمكملات فانت طبعا محتاج مكملات زيادة الوزن
ودي بتكون فيها نسبة كاربوهيدرات معتبره
بالاضافه للبروتين
زي السيرياس ماس وبرو كومبلكس جينر

المشاركة الأصلية كتبت بواسطة leitosr

ألف شكر علي الرد,
وأنا بطبيعتي دلوقتي هادي جداً عن زمان, مش عصبي زي الأول أيام ما كان حال البلد متوتر ولا بعصب بسرعة في الزحمة,, فمفيش مشكلة من الناحية دي دلوقتي.
وبقيت بنام كتير ودا اللي مخليني مش عارف أزيد.

عايز أعرف الطريقة الصح لعمل الشوفان,, أنا كنت قريت طريقة وبعملها وهيا إني بغلي اللبن وبيبقي كوبايتين مثلاً
وبحط عليه 6 معالق شوفان كبيرة ومعلقتين عسل كبيرة لحد ما يتقل بعد كدا أحطة في أطباق,
هل دي الطريقة الصح ولا فيه طريقة تانية أفضل ؟
لأني شوفت في فيديوهات علي اليوتيوب ناس بتضربة في الخلاط مع الواي بروتين وتسيبة في التلاجة للصبح عشان تاخد علي الفطار, بس كدا هوا مسواش الشوفان أصلاً, أزاي بياكلوة كدا من غير ما يتسوي ؟

وبالنسبة المكملات اللي قلت أني محتاجة لزيادة الوزن ممكن أبدء بيها علي طول وهتكون مش مضرة علي الجسم ولا تتعب الكبد أو الكلية لو الجسم محرقش كل ال intake اللي هدخلهوله,,
وهل برضه أبدء بيها دلوقتي عشان أساعد الجسم يزيد شوية, ولا أخليها بعد شهرين علي الأقل زي ما نصحت أحد الأخوة هنا ؟
لأني دلوقتي مش بحس ولا بشوف أي فرق مع التمرين زي زمان,,
بالنسبة ليا الوزن 60 والطول 173 فهل أبدء بيهم من دلوقتي واللي أنت نصحته كان وزنه زايد وعايز يخس ؟

وأيه المكملات اللي تنصحني بيها دلوقتي لزيادة الوزن من غير ضرر ؟

وبالنسبة للبروتين هل الواي بروتين أوبتميوم أفضل,,
ولا السيريس ماس والبرو كومبلكس عشان الbulking ؟
وياريت بما أن حضرتك عنك خبرة بالموضوع دا تقولي الأماكن المضمونة عشان أنا مش بثق في الجيمات اللي بتبيع المكملات ولا البروتين وبعض الصيديلات فيهم صيدلانية معندهمش ضمير برضه.

السيرياس فيه اعلي نسبه كربوهيدرات و من بعديها البروكومبلكس و فيه حاجات كتير جداا من فيتامينات
بس فيه نوعين بروكومبلكس واحد جينر وواحد عادي بس مش فاكر انهي اللي فيه كربوهيدرات اعلي
الواي في كذا نوع بس المنتشر الجولد و ده يعتبر بروتين صافي بس

لو انت نسبه الدهون قليله عندك و رفيع اوي و حتاج نسبه دهون عاليه يبقي خليك الاول في السيرياس

المشاركة الأصلية كتبت بواسطة leitosr

ألف شكر علي الرد,
وأنا بطبيعتي دلوقتي هادي جداً عن زمان, مش عصبي زي الأول أيام ما كان حال البلد متوتر ولا بعصب بسرعة في الزحمة,, فمفيش مشكلة من الناحية دي دلوقتي.
وبقيت بنام كتير ودا اللي مخليني مش عارف أزيد.

عايز أعرف الطريقة الصح لعمل الشوفان,, أنا كنت قريت طريقة وبعملها وهيا إني بغلي اللبن وبيبقي كوبايتين مثلاً
وبحط عليه 6 معالق شوفان كبيرة ومعلقتين عسل كبيرة لحد ما يتقل بعد كدا أحطة في أطباق,
هل دي الطريقة الصح ولا فيه طريقة تانية أفضل ؟
لأني شوفت في فيديوهات علي اليوتيوب ناس بتضربة في الخلاط مع الواي بروتين وتسيبة في التلاجة للصبح عشان تاخد علي الفطار, بس كدا هوا مسواش الشوفان أصلاً, أزاي بياكلوة كدا من غير ما يتسوي ؟

وبالنسبة المكملات اللي قلت أني محتاجة لزيادة الوزن ممكن أبدء بيها علي طول وهتكون مش مضرة علي الجسم ولا تتعب الكبد أو الكلية لو الجسم محرقش كل ال intake اللي هدخلهوله,,
وهل برضه أبدء بيها دلوقتي عشان أساعد الجسم يزيد شوية, ولا أخليها بعد شهرين علي الأقل زي ما نصحت أحد الأخوة هنا ؟
لأني دلوقتي مش بحس ولا بشوف أي فرق مع التمرين زي زمان,,
بالنسبة ليا الوزن 60 والطول 173 فهل أبدء بيهم من دلوقتي واللي أنت نصحته كان وزنه زايد وعايز يخس ؟

وأيه المكملات اللي تنصحني بيها دلوقتي لزيادة الوزن من غير ضرر ؟

وبالنسبة للبروتين هل الواي بروتين أوبتميوم أفضل,,
ولا السيريس ماس والبرو كومبلكس عشان الbulking ؟
وياريت بما أن حضرتك عنك خبرة بالموضوع دا تقولي الأماكن المضمونة عشان أنا مش بثق في الجيمات اللي بتبيع المكملات ولا البروتين وبعض الصيديلات فيهم صيدلانية معندهمش ضمير برضه.

الطريقه اللي انت كتبتها للشوفان صح
بس كوبايتين لبن كتير
بص هو دلوقتي بيتباع معد للاستخدام زي الكورن فليكس كده
فبالنسبه للمقادير مش فاكر بالظبط بس هتكون كوبايه مثلا مع الكميه اللي انت ذكرتها
بس شوف
انا كنت بقول بالنسبه لحد جديد عالحديد يستنى شهرين على ماياخد عالموضوع وكده
لو انت كده كده كنت بتلعب زمان واستمريت فترات كويسه
ممكن تلعب اسبوعين وبعدين تبدأ في المكملان لو حابب (والاكل تهتم بيه زي ما اتفقنا عشان المكملات مش عصايه سحريه هي بتكمل التغذيه بس)
بالنسبه للافضلك انت
السيرياس او البروكومبلكس جينر
الواي جولد (الاوبتيمم) مش مكمل زيادة وزن
حاول تلتزم بالجرعه بس بتاعة الجينر ايا كان النوع
وان شاء الله هتلاحظ نتيجه حلوه
انت مش بتلاحظ نتيجه في التمرين بس عشان التغذيه اقل من المجهود وكمان انت طبيعة الحرق عندك عالي

طبعا بالنسبه للمكملات عشان اكون صريح معاك
نظريا في حاجات فعلا اقضل من حاجات
لكن مش معنى كده انها هتكون افضل ليك (ايا كانت المنتجات باور او زيادة وزن او حتى حرق دهون) في حاجه ممكن تعمل معاك شغل عالي ماتعملوش معايا انا وهكذا

بالنسبه للأماكن
في تجار بيجيبوا الحاجات دي من بره وبيبيعوها عالنت وكده تقابله في مكان تتفقوا عليه
وفيه محلات فتحت في مصر وليهم فروع كمان
شوف انت اللي يريحك بس لا الناس تفكرني بتاجر ولا حاجه

المشاركة الأصلية كتبت بواسطة 4fun14

5-بياخدوا قبل التمرين كرياتين

متأسف بس نسيت حاجه
الكرياتين بعد التمرين
او بعد الصحيان
دول احسن وقت ليه
وياريت لو معاه حاجه مسكره
عسل ابيض مثلا تاخدلك معلقه بعد الكرياتين
او عنب احمر

المشاركة الأصلية كتبت بواسطة chicobon

قبل المكملات نفسي الاقي جيم يكون المدرب الي فيه حابب يدرب الناس و يشجعهم انهم يجو الجيم نفسي ابتدي علي شهر 11 انزل الجيم بس الاماكن الي اعرفها اسعرها اما غالي اوي زي جولديز او اماكن وقعة محدش بيعبرك يبقي لو حد يعرف جيم كويس ياريت ينصحني بيه

و مين قالك ان الجيمات النضيفه ذي جولدز و فيتنس المدربين بيتابعوا معاك
ولا الهوا
اخرك مثلا تسألوا علي حاجه
لو عايزه يتابعك بتدفع اللي فاكره حوالي 200 جنيه و تبقي حصه واحده برايفت المدرب يقف معاك