السلام عليكم
بدور على فلتر British Berkefeld بعد ما سمعت ناس كتير بتشكر فيه هو و Panasonic بس مش لاقيه خالص بالرغم من أني أستعمل حاليا الفلتر المعروف أبو 7 مراحل منذ أكتر من سنتين لكن ناس قالت إنه بيجرد المياه من معادنها وخصائصها وأملاحها المفيدة وكلام كتير كده خلاني أقلق وأجرب الإنجليزي ده
حد يعرف يفيدني أجيبه منين ؟
تقريبا دي صورته
http://www.basicwaterfilter.com/13-5...ter-filter.jpg
(طبعا ال panasonic متوفر بس أنا عايز الإنجليزي :M_yes[1]: )
وشكرا
مالوش لازمة حضرتك وانا جبتة ومشاكلة كتير علطول مسدود وعايز نضافة
انا عندى ومش هاغيرلة الفلتر
ان شاء اللة ناوى على الفلتر اللى بمراحل ومش اقل من 5 مراحل
والفلتر عندى لو حضرتك محتاجة تحت امرك
ربنا يكرمكاقتباس:
المشاركة الأصلية كتبت بواسطة mastr_n
بس غريبة أنا أول مرة أسمع حد يشتكي منه ! ده في ناس بتقول إنه عندها من سنة 85 !! :U_thin1[1]:
يمكن المشكلة في المية بتاعتنا مثلا إنها مليانة رواسب كتير عشان كده بيتسد بسرعة ومحتاج نضافة باستمرار ؟
وحضرتك كنت جايبه امتى ومنين وبكام ؟
بص حضرتك فكرتة ان الشمعة بتاعتى سيراميك مسامة ضيقة جداااا وطبعا علشان المياة الجميلة بتاعتنا بيتسد كتير بالتالى المياة تضعف وعلشان تملى ازازة مياة لتر تاخلدها عشر دقايقاقتباس:
المشاركة الأصلية كتبت بواسطة أبو بودي وعمر
وعلشان تنضفة هاتفكة وبعدين تمسك الشمعة وتغسلها بسفنجة معينة وتدعك يعنى وجع دماغ
معلش مش فاكر السعر بالظبط بس حوالى 270 جنية مش غالى والشمعة بتاعتة كل 10 شهور تتغير بحوالى 70 جنية انا اشتريتة من الشرقية عند موزع معتمد
اتمنى اكون اديتك صورة كاملة والكل يستفيد
كده انت هتخليني أغير رأيي وأعمل صيانة كاملة للفلتر ال7 مراحل اللي عندي وأسيبه أو أجيب الباناسونيك وأجربه !اقتباس:
المشاركة الأصلية كتبت بواسطة mastr_n
ألف شكر على الإفادة :satelite:
ولا يهمك ودية فايدة المنتدى صراحة الواحد بيستفيد ويفيداقتباس:
المشاركة الأصلية كتبت بواسطة أبو بودي وعمر
البانسونيك كويس وكان فى موضوع عنة هنا هادورلك على الينك بتاعة
والله يا جماعة فيه فلتر مصرى اسمه تانك فيه منه مراحل متنوعة انا عندى 3 مرحلة وماشاء الله ممتاز والمية نقية جدا.وسعره مناسب حوالى 200 جنيه.
بس خلي بالك ال3 مرحلة ده يا دوب ينقي الشوائب والرمل والحاجات دي ليس إلا لكن مش بيطهر المياه لو فيها بكتيريا مثلا ومش بيغير لونها وريحتها لو مش كويسين وما شابه لذلك هو كويس في حدود سعره لكن مش عملي بدرجة 100%اقتباس:
المشاركة الأصلية كتبت بواسطة mohamed_hamid
على حد علمى هو ده بيتوقف على حسب مستوى المياه عد حضرتك يعنى انت بتقدر الموقف. انا المياه عندى طعمها من الحنفية مش كويس ومتربة كدة وريحتها مش كويسة. الفلتر ده مخليها كويسة الحمد لله. فى ناس مياه الصرف بتتسرب لمياه الشرب الرئيسية دول لازم فلتر 5 مرحلة.اقتباس:
المشاركة الأصلية كتبت بواسطة أبو بودي وعمر
اخى العزيز السلام عليكم ورحمه الله
البركفيلد انا سافرت الكويت سنه 1975 ووجدت جميع الشقق من ضمن السباكه تركيب هذا الفلتر
يعنى لو كان وحش مكنوش ركبوه.
لدى باناسونيك وشايله ولا استخدم سوى البركفيلد
معلهش انا اسف الاخ mastr_n من الشرقيه ومش عاجبوه الفلتر لانه بينسد على طول .
بصراحه انا اول مره اشوف واحد مش عاجبه هذا الفلتر بس كل واحد حر فى رائيه والمفروض يكتب شعر ويمدح فى هذا الفلتر لانه بينقذه من اضرار كثيره.
يافرحتى ان الفلتر يكون مبينسدش ويكون ليس له قيمه وتمر به الرواسب والطين.
وهذا معناه ان الميه التى تصل الى منزله كلها رواسب وطين وايضا ضغط الميه لديه ضعيف
ايه المشكله لما تفتح وتغسل الشمعه مره او مرتين فى الاسبوع
كلام منطقي :satelite:اقتباس:
المشاركة الأصلية كتبت بواسطة sas5
بس فعلا مشكلة المياه اللي عندنا في مصر خاصة بعض المناطق ممكن تجعل أجدع فلتر ينسد في أسبوعين !
أعتقد فلتر السيراميك بينقي شوائب بس ومش هاينفع المياه اللي ليها رائحه مثلا وميكروبات
قلب البركفيلد يوجد به نوعيناقتباس:
المشاركة الأصلية كتبت بواسطة memo_p910
النوع الاول سيراميك مثل الزير الفخار والقدره الفخار بتاع جدودنا فى الفلاحين
وفيه نوع ثانى عباره عن سيراميك بالاضافه الى كربون
يجب ملاحظه ان هناك فرق كبير بين فلتر ينظف المياه من الطين والتراب اللى فيها وفلتر عشان معالجه المياه وفلتر عشان اشد تنقيه
اذا المياه عندك كويسه فالفلتر العادى كويس عشان يمنع التراب والطينه اللى فى المياه
على العموم من اجل الفائده جمعت شويه مشاركت لاخوه زملاء قديمه بعض الشى ولكنها مفيده
اقتباس:
المشاركة الأصلية كتبت بواسطة ahmed a rahman
اقتباس:
المشاركة الأصلية كتبت بواسطة ahmed a rahman
اقتباس:
المشاركة الأصلية كتبت بواسطة ralliart
اقتباس:
المشاركة الأصلية كتبت بواسطة ahmed a rahman
انا مركب الانجليزى من سنتين زى الفل يشيل الرواسب لحد نص ميكرون يعنى بيشيل اقل الرواسب بالاضافه ل 5 انواع بكتيريا اشهرها الكوليرا واى كولاى وغرهم....انا شايفه مناسب جدا
تمام أوياقتباس:
المشاركة الأصلية كتبت بواسطة r_gamal1
لكن السؤال دلوقتي: أجيبه منين ؟! خاصة إني دورت عليه كتير ومش لاقيه
وهل الغيارات بتاعته متوفرة ولا شاحة زيه ؟
موجود فى اسكندريه فى المنشيه الاصلى وخلى بالك عشان فى الصينى زى قلته
معلوماتي عن الفلتر البريتش بريكفيلد :
1 - اخويا عايش في مدينه برج العرب الجديده و مركبه من حوالي 12 سنه . اللي هوه بالشمعه السيراميك . نسبه الاملاح في مياه برج العرب شديده جدا و كذلك الكلور و الرواسب .
2- كنت في زياره لأحد الفنادق في منطقه وسط البلد - القاهره .. و دخلت المطبخ بالصدفه و لقيتهم مركبينه ..طبعا الفندق فيه اجانب .. يعني اكيد اداره الفندق عارفه انها مركبه حاجه محترمه نظرا لان حساسيه غير المصري للمياه تختلف عن المصري . يعني الفلتر محترم .
3 - اخويا وراني ازاي بينظف الشمعه السيراميك و الطريقه انه جاب فرشه اسنان لعمليه التنظيف فقط .. و طلع الشمعه امامي و كان لونها اصفر اوي و فيها سواد شويه و فتح الميه و بدأ في تنظيف الشمعه بالفرشه و النتيجه ان الشمعه لونها رجع لللون الابيض بتاعها و بعدها ركبها و فتح المياه نص ساعه . و استخدم بعدها الفلتر عادي و السدد راح .
ارجو لو حد وصل للفلتر بيتباع فين يقوللي .
السلام عليكم ورحمه الله
موجود الفلتر فى شارع الفجاله واغلب محلات السباكه والادوات الصحيه الكبيره وسعره يتراوح مابين 270 - 300 جنيها
والقلب الداخلى السيراميك فقط سعره 60 - 70 جنيها
والقلب الذى به سراميك وفحم سعره 70 - 80 جنيها
وخلو بالكم القلب موجود منه صينى مضروب ويباع بنفس السعر
كان لون العلبه اخضر غامق بعض الشى فى الفتره الاخيره تم تغيير لون العلبه ليصبح اخضر فاتح
فيه محل أدوات منزلية كاتب على اليافطة بتاعته اسم British Berkfeld , و هو غالبا توكيل لكذا ماركة من الاجهزة المنزلية
موجود في شارع النزهة على ناصية نبيل الوقاد - أرض الجولف
لو سمحتم إزاي أعرف الأصلي من الصيني
أنا سألت عليه لقيته في المطبعة فيصل بـ 320 جنيه ومش معاه ضمان ومش عارف هو أصلي ولا لأ
والمشكلة إن فيه ناس بتقول ان الصيني بيتباع بنفس سعر الأصلي
فهل يوجد اي اختلاف في البيانات على الكرتونة أو الفلتر نفسه أقدر أعرف بيها إنه أصلي