و هي اسواق مصر ايه الا تجار نصابين و شوية ناس تانيين
عرض للطباعة
و هي اسواق مصر ايه الا تجار نصابين و شوية ناس تانيين
هو فعلا موجود بس بسعر اعلى ولسه منزلش رسمي
انا اتصلت بتريد لاين قالولى متوفر بالحجز فقط والنسخة ال 16 جبجا اللون الأسود ب 7950
الأبيض ب 8200
الذهبى 8950
بضمان سنة
نفسى افهم اللون الأبيض اغلى ليه من الأسود المفروض العكس وخصوصا ال space grey الجديد شيك جدا عن الأبيض
والدهبى بناتى شوية
لا الكلام ده في الخليج برضه
الجراي ارخصهم
الابيض اغلي
و الذهبي اغلي من الابيض و بفرق حلو كمان
هينزل مصر رسميا يوم 5/12/2013
لم يتم تحديد السعر حتى الان
كل الألوان هتبقى بسعر واحد.
لا ى غالى ايفون 6 قدامه سنه على الاقل كده هتستنى كتير
بس انت مستنيه عشان شاشته هتكون اكبر ولا لسبب تانى ؟
انا هجيب ايفون 5 اس ان شاء الله بس بفكر دالوقتى فى حاجة تانية انى اجيب ايباد مينى 2 عشان استفاد من الشاشة الكبيرة بس لسه متردد !!
اللى مخلينى افكر فيه شاشة ايفون 5 اس بالنسبالى صغيرة شوية وعاوز شاشة اكبر بس مش عارف هل هقدر اتعامل مع شاشة ايباد مينى 2 ال 8 بوصة كموبايل ولا لا؟؟
سعر الموبايل الرسمى اتحدد
6666 للنسخة ال 16 جيجا وكل الالوان بسعر موحد
7555 للنسخة ال 32 جيجا وكل الالوان بسعر موحد
---------------------------------------------------------------------
بخصوص iphone 5c
سعر الموبايل الرسمى اتحدد وهو بسعر موحد لكل الالوان وبسعة تخزينية واحدة هى 16 جيجا
السعر 5299
متوفر فى جميع شركات الاتصالات بضمان عام من يوم 5/12/2013 وممكن الحجز من الان
انا كعايا ايفون 5s. بقالو حوالي شهر وتقريبا معالجين فيه معظم مشاكل ال 5 العادي واهمها مشكلة الهيكل والتجاريح اللي كانت بتحصل غير ان البطارية اقوي ممكن اقول ٣٠٪ عن ال ٥ العادي والصوت اعلي وطبعا اسرع بس السرعة مش ملحوظة قوي
في حاجتين مهمين قوي الناس نسيتها خدمة مابعد البيع و خاصية find my iphone و icloud عموما
خدمة مابعد البيع مش محتاجة كلام بس للاسف ابل مالهاش فرع في مصر الجهاز لو اخر يوم في فترة الضمان بتتصل باقرب فرع من فروع ابل تاخد ميعاد وده غالبا بيبقي في خلال من يوم ل ٥ايام ولو الجهاز في اي مشكلة بيتغير بواحد جديد وانت واقف من غير حتي ما تحاول تطلب منهم والضمان عالمي انا واحد صاحبي كان مشتري جهاز من مصر وكان طالع اجازة في ايطاليا وزرار الباور بتاع الجهاز كان بيعلق خدته وروحت فرع ابل من غير ميعاد وهما زوقين منهم دخلونا كشفو علي سريال نيمبر الجهاز كان لسه فيه ١٠ ايام قبل الضمان مايخلص خدو منه الجهاز وخد واحد جديد في خلال ١٠ دقايق من غير مما يطلب اصلا وانا عن نفسي ليا عشرات التجارب معاهم لان ده مجال شغلي
بعكس مثلا توكيل نوكيا او سامسونج اللي في نفس البلد وسئ جدا لابعد الحدود لدرجة ان في اجهزة ممكن تتاخر بالشهر
نيجي بقي لل icloud وده من ضمن مميزاته ان لو جهازك اتسرق تقدر تحدد مكان الجهاز وتبعت رسالة علي الجهاز برقم تليفونك وبالعربي كمان حتي لو الجهاز اتعمله سوفت وير تقدر تعتبره حتة حديدة
الموبايل هينزل بكره ان شاء الله وهشتريه
بس محتار في الألوان جدا
اسود ولا دهبى ولا فضى ؟؟؟؟
الحمد لله ربنا كرمنى وجبت الموبايل نسخة ال 16 جيجا اللون جراى
بس هو متوفر فى فودافون وموبينيل واتصالات اغلى ب 6666
وفى تريد لاين ب 6950
وموجود على موقع جوميا ب 5999 سعر موحد لجميع الالوان وكلها متوفرة