السلام عليكم ورحمة الله وبركاته
أنا قررت أجيب جيلي ان شاء الله واتوكل على الله ... فى حد يحب يقدم نصيحه ؟
عرض للطباعة
السلام عليكم ورحمة الله وبركاته
أنا قررت أجيب جيلي ان شاء الله واتوكل على الله ... فى حد يحب يقدم نصيحه ؟
نصيحة مني اصبر شوية لحد ما غبور يصلح العيوب الي في العربية ولو مش فارق معاك العيوب يعني هتقدر تستحملها لحد الصيانات خلاص توكل علي الله وموفق في الشراء بأذن الله
اصبر شوية لحد مايضبط غبور العربية بمعنى حاليا عيوب فظيعة فى الدوكو اخرها عند اخى زى بقع غائرة وسقف مبقع و لازم يترش و مشكلة كباس التكييف ولمبة الشيك والطنابير وبكرة الكراس الداخلية بتتكسر والكاسيت .............................
دة الذى انا فاكرة لو شايف دى مشاكل بسيطة و هاتقدر تتعايش معها و موش هاتعكنن عليك دوس و مبروك
متابع معاكو
سيبك من كلام الناس
ادخل على نادى ملاكها عالفيس وهتلاقى قايلين العيوب قبل المميزات
يا اخى كلام الناس دة هو الواقع بكل حيادية صدقنى الذى يشوف غير كدة يبقى موش عارف بيعمل كدة لية صدقنى فيهم ناس كتير على صفحة الفيس بيعملوا عند غبور ودة واضح لدرجة انة فيهم ناس لم تنكر ذلك طيب اذن اين الحيادية انا شخصيا من كثرة الشكر فى العربية و رغبتهم فى تجاوز العيوب بدات اشك انه فية ناس بتتغزل فيها من منطلق انا وقعت واوقع غيرى علشان تنتشر وتتوافر قطع الغيار
طيب هى فى المجمل عربية كويسة وعلى قد فلوسها بس بعد مايتلافوا عيوبها ويضبطوها لانها برة هايلة ولا توجد بها العيوب دى
انا كنت ذكرت قبل كدة مشكلة البقعة التى ظهرت فى سقف اخى بعد 1000 كيلو فقط وتحتاج لرشة طيب عربية زيرو و ترش سقف صدقنى انا عندى لانوس 2000 ولغاية دلوقت لم ارشها طيب مفروض الصناعة تتقدم و لا تتاخر وبعدين حتى لو المشاكل بسيطة انا شايف شخصيا انها قمة العكننة لما كل شوية مشكلة حتى لو بسيطة
انا باتخيل لو انت عاوز تشترى سلعة معمرة فى البيت يوجد غالى و رخيص حسب ميزانيتك بس مثلا لو ها اشترى الرخيص ليعمر نصف مدة الغالى و انا مقتنع بكدة هل دة يعنى انى كل اسبوع اخذها و اجرى بها للتوكيل للاصلاح هل كدة منطقى
بالذمة شوفتوا حد يقولك فى ثبات الالمانى و يقارنها ب ام دبليو ولا بالاوكتافيا باى منطق دة اة هى ثباتها كويس موش وحش احسن التى فى فئتها ولكن حرام المقارنة باسماء جبارة
انا جاي اقولكم انا صرفت نظر اخيرا وهجيب افيو ان شاء الله مع ان الجيلي شكلها كنت مقتنع بيه اوي اوي
صديقي المواطن
لا تشعب نفسك وتوكل على الله ما دمت.نويت.الشراء فإثبت على رأيك ولا تتذبذب العربية.ليست إختيارا سيئا وأحسن من غيرها كتير
ودمتم للنضال
لا افيو اية يا باشا انت تخليك في الامجراند احسن من الافيو .. الافيو ليها مشاكل كتير و المحرك هورس باور قليل 83 حصان و التكييف بتاعها بيموت العربية يعني لو هنقارن بين عيوب العربيتين يبقي الامجراند تتفوق احنا كل الي بنقولة اصبر شهر ولا شهر ونص لحد ما غبور يصلح عيوب العربية وكمان عشان الانفلات الامني الي احنا فية دة متبقاش خايف علي العربية وكمان لان سوق البيع حاليا واقع فالمنتظر انخفاض اسعار جميع السيارات وانت اولي بالفلوس الي هتتوفر .. انا الامجراند في دماغي علي فكرة رغم كل العيوب الي فيها دي بس مش هشتريها غير لما عيوبها تتصلح لانها بجد عربية جميلة وغبور ظالمها ومجاتش من الانتظار لشهر ولا اتنين
ياعم اتوكل على الله .. السيارة فى جده السعوديه زى الرز ....
اللي بيجيب عربيه زيرو بيدور علي راحه الدماغ لولا و ثانيا علي الاستمتاع بالعربيه
للاسف الايمي عيوبها كتير و مخليه اللي يخيبها يفكر كتير في المشاكل اللي فيها و للاسف المشاكل دي كلها من صنع التقفيل المصري و الموترر الضعيف و التوكيل السئ لكن العربيه لو مستورده كانت هتبقي نمره واحد في مصر حتي لو وصلت ل 100 الف جنيه
مافيش فرق بين تقفيل صينى ومصرى . العربيه بالكامل جديده تستورد قطع جاهزة مافيش الا تربيط الاجزاء وشكرآ . علشان محدش يتكلم اى كلام .العربيه ممتازة هنا فى السعوديه ومحققه سوق عالى بسبب الامكانيات والصالون كبير مقارنه باى عربيه نفس الفئه والسعر ممتاز ومنافس اى سياره . دا انا حتى سامع ان توكيل السعوديه احتمال المصنع الصينى يخليه يستوردها من مصر على اساس توفير سعر النقل والسيارة واحده . العربيه فى مصر الان بالكامل صينى وبعدين فين عربيه بالكماليات والصلون والشكل الفخم دة بالسعر دة . وتصميم العربيه سويدى من شركه فولفو من اعرق صانعى السيارات فى العالم .. اتوكل على الله واسال اى حد فى جدة فى السعوديه ويقولك حجم انتشار العربيه اد ايه . حتى اللميوزين بقى اميجراند علشان السعر والفخامه
طيب قول وربنا ان التقفيل المصري تجميع اجزاء وبس :36_8_1[1]:
اولا معني ان عربية تقفيل مصري ان القانون بيجبرك تحط 40% علي الاقل من العربية مكونات مصرية يعني تقريبا نص العربية مكونات مصرية و الحاجة الي من بلادها هية الشاسية و المحرك و الفتيس رغم ان واير الفتيس مكون مصري بس ما علينا والله اعلم اية الصيني واية المصري في العربية
يا افندم ...العربيه فيها مكون مصري و من اردأ لانواع
السياره تقفيلها من جوه فضيحه في مناطق مفارقه عن بعض
السياره 1500 و في الخليج 1800
هل السياره عند حضرتك علي طول لمبه التشيك شغاله و فبره التنك اتكسرت و التكيف سئ و العربيه سيئه في المطالع و وير الفتيس بيتكسر لو هي كده عند حضرتك في السعوديه اكيد محدش كان جابها ولا ايه
واضح انة حضرتك فى السعودية و لم تشوف السيارة فى مصر فعلى اى اساس بتقول لة اشترى
هو العربية عندك فى السعودية حد اشتكو من الدوكو الذى بقع فى سقف عربية اخى وهو سئ بكل المقاييس ولا حد اشتكى من التكييف ولا الفبرة و لا الواير بتاع الفتيس ودة كارثة لوحدة و لا بكرة الكرسى التى اتكسرت عند كثيرين ولا الطنابير ولمبى الشيك والكاسيت وبعض البطاريات
لو هو متقبل الكلام دة الف مبروك علية السيارة و بالتوفيق
سؤال ياجماعه هو ليه احنا بينضحك علينا كده حسبى الله ونعمه الوكيل ايام ماكانت العربية بتاعتى لسه فى الضمان
كان فاضل شهرين من بعد 3 سنوات وغيرت المساعدين +علبة دريكسيون +كالون امامى شمال
وكان فى مهندس عملت معاه مشكله فى الفرع عشان المساعد اليمين وقال خلاص نشيل علبة الدريكسيون قولتله ان شاء الله فى السيما وعملت شكوى للمهندس ده ولماروحت تانى قال انته عملت ليه شكوى جيت تانى ليه قولتله غصب عنك وعن اى حد ادخل اى فرع بمزاجى انته ناسى انك بتاخد مرتبك منى ولاايه وكان يومه اسود مفكر انه بيدفع من جيبه من الاخر ياجماعه اللى شايف عنده مشكله عليك وعلى حماية المستهلك
انا مش عارف اللى يقول ده فى السعوديه bmw طيب ياعم الناس اللى بتشتكى دى فاضيه مش وراها اشغال والله حاجه تجيب الضغط
raedegypt ياباشا قولت ليك من زمان ارائك الخزعباليه خليها لنفسك و بلاش تفتى فى الى انت متعرفهوش
انت مش عايش فى البلد دى و متعرفش عنها حاجه
ياجماعه انا اعرف واحد فى المصنع قالى ان كل مكونات الفيرنا بتبقى صينى وان الامجراند احلى منها بس زى ماقال الاخ ميدو نصبر شويه وانا ليه رأى تانى اننا نجمع بعض ونروح نقابل مدير المبيعات للشركه ونديله اسامينا يعنى حوالى عشرين واحد مثلا ونقوله اننا العشرين عايزين نشترى العربيه بس اللى معطلنا واللى مخلينا ممكن نتجه لعربيه تانيه هى المشاكل اللى فيها فلو انت عايز تخسر زباين مضمونين متصلحوش العيوب . ولو عايزنا نشترى يبقى تنقل لمديرينك الرسالهبتاعتنا وانا متأكد انه ساعتها هينقل الرساله لمديرينه مفيش شركه مش عايزه تبيع .. والا انتوا ايه راييكم
من اسبوع فابلت واحد معاه جيلي ايمي عند ممدوح مبروك غطاطي ...كنت بسال علي سعر جنط للاوبترا
المهم ....لقيته بيشتري 4 فرد عجل ...سلمت عليه و عرفته بنفسي و سالته عن رايه في العربيه بدعوي اني بفكر اجيبها للمدام قالي ايه بقي ؟؟؟؟؟
اولا ...الراجل جايب العربيه من 3 اشهر وعامل 2300 كيلو
لمبه التشيك نورت مرتين ولسه منوره ...بس مش ماثره علي حاجه تاثير نفسي وبس
الفتيس فيه عضه مع النقل
لمبه ال abs نورت و راح التوكيل وطفوهالوا و قالوا له عيب كمبيوتر
في زرارينفي الكاست باظوا
لحد الوقتي والراجل مش متضايق ايهﻻاللي ضايقه بقي .....العجله الماميه يمين صحي لقاها نايمه قام حط الاستبن و طلع علي بتع العجل الراجل بص علي العجله لقي قطع غريب و مكان لشئ زي مايكون لحام في المطاط الراجل وراني عجلتين كده ...تحس ان في مكان زي فواصل البلاستيك بتاعه لعب الاطفال و الراجل طلع علي غطاطي و جاب 4 فرد جداد و قالي انا بمشي دائري للتجمع مرتين اسبوعيا و بخاف يحصل حاجه
الراجل بيشكر في الفرامل جدا و الثبات عاجبه جدا ....علي فكره هو كان معاه نوبيرا وشايف ان ثباتها احسن من النوبيرا ...و طبعا شكل العربيه عاجبه وعاجبنا كلنا و بالنسبه للتوكيل فهو شايف انهم متعاونين بس المشكله في الزحمه
انا عامل موضوع اسمه ..فكره ...لو عملنا اللي فيه هنوصل لحقيقه الايمي وشكرا
العربية مع ابن خالى بقالها معاه ٣ شهور ولا شكوى منها . الله اكبر زى الفل وعامل١٥٠٠٠ كيلو. عربيةممتازة وعيبها الوحيد الكراسي . موبيكاالمحطة....