الموضوع: عايز نصيحة بخصوص شراء موبايل بشاشة كبيرة بدل الآيفون 5 !

المشاركة الأصلية كتبت بواسطة horas3000

لا اله الا الله

يا باشا هي دي ابل
بتحب تقود السوق و مش بتنجر ورا المنافسه بسهوله
في المقابل بتديك منتج بجوده عاليه و بمشاكل قليله

بالنسبه لل IOS 7
انا البطاريه مش ملاحقه عليا
عمال اشتكشف فيه سواء الايفون او الايباد
و حاسس اني اشتريت موبايل جديد
هو اي نعم يبان ان التغيير في الشكل بس
بس انا حاسس ان التلفون بقي اسرع و الحاجات بقت منظمه اكتر
ال user experience بشكل عام احلي

عموما عايز نصيحتي
شوف حاجه استعمال نظيف
اهو يكون سعرها اتكسر و لو معجبكش بيعه تاني و هتخسر حاجه بسيطه

لأ فعلا بجد التحديث الجديد غير الموبايل خالص كأنه موبايل جديد
وأنا بفكر فعلا أجيب آيباد ميني كسر زيرو أهو أوفرلي 500 - 700 جنيه ولو معجبنيش النظام هبيعه مش هخسر فيه كتير بدل ما أجيبه زيرو والبسه بس غالبا مش هيخسر يعني أهو أسيبه لعيل من العيال لو معجبنيش ما شاء الله عليهم 5 و 6 سنين بس قرود بيفهموا في النوت 10.1 أكتر مني دلوقتي ده احنا عالم خايبة ياعم !!!

المشاركة الأصلية كتبت بواسطة mido_soliman

عايز شاشة كبيره يبقى تجيب النوت3 او اكسبيريا زد الترا وغير كدة متجيبش
وبمناسبة النوت2 وكون ان مفيش فرق طبعا الكلام دة مش مظبوط واوعى تفكر تجيب نوت2 اصلا
اولا اختلاف الحجم ما بينهم يكاد يكون مش موجود على الرغم من كبر حجم شاشة النوت3 الا ان الابعاد تكاد تكون واحدة وبالعكس النوت الجديد اخف (مش عارف بتقولوا عليه كبير ازاى ؟ فى حاجة اسمها تصميم ومراعاه الحواف فى التصميم يا جماعه ودة اللى اتعمل فى النوت3 بدل الشكل المفلطح المبطرخ السخيف اللى فى النوت2 والاس3 النوت3 رجع لشكل الاس2 تانى و راعى الحواف علشان كدة الحجم مزادش )
بالنسبه باة للفوارق ما بين الموديلين فهى كتير وكبيرة مش قليلة
المعالج مبدائيا دة قصة لوحدة حتى لو مش حتحس بالفرق دلوقتى الا ان صناعه وتصميم المعالج لوحدها كفيله انها ترجح كافة الجديد ونصيحة لو حتجيب النوت3 يبقى تجيبه نسخة ال 4g حتى لو من غير ضمان لانها بمعالج سنابدراحون 800 ودة يضرب معالج سامسونج الفاشل بالجزمه( اكسينوس )
فرق الرامات مش قليل بين الاتنين على الرغم من انة جيجا واحدة بس فرق بس لو اخدت بالك من اضافات وحشو سامسونج فى النوت3 لو جيت سطبت النسخه دى على النوت2 غالبا حتبقى ماساه :)
البطاريه طبعا اكبر بكتير جدا
الشاشه لوحدها فيها اختلاف فى التصنيع حتى عن اللى موجودة فى الاس4 الموضوع مش موضوع انها سوبر اموليد يبقى كلة واحد :) فى فروقات واضافات كل سنة لازم تبقى للاحسن حتى لو مش ملحوظة فاكيد للاحسن والاهم فى التطور التكنولوجى هو قله الانبعاثات (الحرارة اللى خارجه ) واستهلاك الطاقة (عمر البطاريه)
الكاميرا طبعا فى اختلاف كبير عن النوت2

كل دة ومتكمناش عن الخصائص الجديدة للقلم واللى هى اساس سلسله النوت وبردة انا معترض على ان مفيش اختلاف كبير ؟؟؟؟ ازاى يعنى دة القلم مختلف تماما فى الحساسية والدقه والاضافات

الموبيل دة لو كان معدن كنت اشتريته من غير تفكير ولكن يبقى ال shi*t plastic :(
اة فى حاجة كمان قريتها من بعض الردود ان الموبيل حيعدى ال 6 وال 7 وكلام غريب كدة :)
يا جماعه للمرة المليون بنقولها الموبيل اللى بينزل بياخد سعر اخوة السنة اللى قبله واخوة بينزل على الاقل الف جنية مع اختلاف سعر الدولار والصرف والكلام دة المفروض ان سعرة يوم ما يضرب الدم يبقى 5500 ودمتم
الموبيل الوحيد فى العالم اللى بيبقى بالاسعار دى فى مصر هو الايفون ودة اول ما بينزل وبيكون غير رسمى كمان
غير كدة مفيش
بالمناسبه انا معايا ايفون 5 وشايف ان السوفتوير الجديد نقله كبيرة لابل وخصوصا خاصيه ال air drop لانى دى انا فعلا كنت محتاجها جدا ودى الى كانت نقصانى

كلامك مظبوط 100%
أنا فعلا يوم ما هفكر أغير الآيفون هجيب النوت 3 لكن بصراحة بعد التحديث الجديد لل ios بالرغم من إني مكنتش مستريحله في الأول لأن الإنسان بطبعه عدو ما يجهله :) إلا إني اكتشفت إنه عمل نقلة نوعية كبيرة في الموبايل وحوله لموبايل جديد !
بصراحة مش هاين عليا أغير آبل أبدا وخايف أندم على الخطوة دي خاصة إني معايا السامسونج نوت 10.1 ومش بطيق أشيله ولا أفتحه أساسا !!