الموضوع: اللياقه البدنيه

السلام عليكم ورحمه الله وبركاته
ناس كتير مننا يا عايز يخس ومش عارف ازاى او عايز يزود جسمه شويه ومش عارف ازاى
انا هحاول انى اكتب الموضوع دا بتجربه انا عديت بيها وكنت بقرا كتييير اوى فى الموضع دا فا انا عايز اقول نتيجه البحث فيه
طبعا انا مش خبير فى المجال دا انا بس عايز افيد ببعض المعلومات اللى استفدها ياعنى احتمال يكون فيها حاجه غلط وحد يصصحلى غلطى

مبدئيا كده لازم تعرف انت عايز ايه بالظبط
ياعنى وزنك زياده وعايز تخس ولا وزنك قليل ونحيف وعايز تزيد وعايز تزيد وخلاص ولا عايز تزيد عضل صافى ولا وزنك طبيعى وعايز تشد جسمك
خلينا نمسك الموضوع حاجه حاجه
دا موضوع هيفيدك فى انك تعرف جسمك محتاجج ايه وكمان العناصر الغذائيه لمعظم الاغذيه
http://ar.wikipedia.org/wiki/%D8%BA%D8%B0%D8%A7%D8%A1
ودا موقع لحساب الطول مع الوزن
حاسبة مؤشر كتلة الجسم (BMI)

1-وزنك زياده وعايز تقلل وزنك

عليك وعلى السويدى وانزل الجيم حاول تحرق سعرات حراريه عاليه وكمان ماتحرمش نفسك اوى من الاكل بس لازم تبقى عارف انت بتاكل ايه وامتى ياعنى ماتكلش اكل فيه دهون وسكريات اكتر من احتياجات جسمك http://ar.wikipedia.org/wiki/%D8%BA%D8%B0%D8%A7%D8%A1
وهتبقى مركز فى تمرينك انك عايز تحرق دهون وليس التضخيم
[OVERLINE]
2-نحيف وعايز تزيد
أ-تزيد وخلاص
ودا طبعا انا لا انصح بيه اى واحد بس العمليه انك باختصار معدل الايض عندك مرتفع ودا بيؤدى انك تحرق معدل كبير جدا من الطاقه يوميا ودا عادى انك مهما تاكل تلاقى انك مش بتتخن خالص وممكن يبقى راجع لعوامل وراثيهه او انت بتفكر كتير وعلى فكره مجرد التفكير اصلا فى حاجه او مشكله دا يستهلك طاقه منك اكبر من اكنك تعمل مجهود عضلى
فعليك وعلى الاكل والتمرين الكويس بس حاول ماتطولش فى التمرين اكتر من ساعه ياعنى ركز اوووووى فى تمرينك واوزانك والعب مجموعات ليله بس بتركيز طبعا لانك مش هتطول فى التمرين علشان جسمك يستفاد وفى نفس الوقت ماتوصلش لمرحله الاوفر لود ويبدا جسمك فى الحرق زياده

ب-عايز تزيد عضل صافى
دى بقى اصعب مرحله فعلا لانك المطلوب منك حاجات صعبه ومكلفه
مبدئيا انسى حاجه اسمها دهون او اى صوره من الاكل فيها نسبه دهون ودا بيساعد انك تقلل نسبه الدهون فى جسمك لاقل نسبه ممكنه ودا بدوره يؤدى الى اظهار العضله حتى لو صغيره جداااااااا وكمان هتلاقى العروق بدات تبان ياعنى اول مرحله ان اكلك كله بدون دهون وكمان هتاكل نسبه بروتين عاليه شويه ياعنى لبن بيض لحوم (ابيض او احمر على فكره على حسب فصيله الدم ياعنى فى فصيله تستفاد من الاحمر اكتر والعكس) طبعا معدل النوم اليومى مش اقل من 8 ساعات وباليل مش النهار ونوم متواصل وتبقى مركز اووووووى فى التمرين وتنوع فيه
انا اصلا دا نوع جسمى ودا النظام اللى كنت ماشى عليه لمده سنه وكنت وصلت لمرحله حلوه اوووى مبدئيا كان ليا فى الاسبوع نص كيلو لبن كنت اخد كوبايه الصبح وبعديها بساعه تقريبا كنت افطر عادى فول وبيض وعلى العصر مثلا كنت اكل اى حاجه فيها كروهيدرات وغالبا كان اى حاجه فيها رز او مكرونه علشان دا بيدى طاقه فى التمرين وكنت اروح على طول انزل التمرين طبعا بعد الاكل بساعتين اخد التمرينه التمام اوووووى بس مش ازيد من ساعه بس فى الساعه دى كنت ببقى مركزززز اوى فى التمرين وبعدين اروح اخطف كوبايه لبن على ما احضر الاكل وبعديها بحوالى نص ساعه تقريبا اكل وقبل النوم كنت باكل جبنه قريش الموضوع دا ماكنش مكلف اوى بالنسبه للى الناس بتتكلم عليه مش افترى ياعنى علشان الفلوس باردوا بس كنت وصلت لنتيجه مرضيه جداااااااا
3-وزنك طبيعى وعايز تشد جسمك
دا الوضع الطبيعى بتاع معظمنا وعليك وعلى الاكل الصحى وعلى التمرينات وكمان السويدى وحاول تنظم يومك كويس وتنظم مواعيد اكلك كويس اووووى
وعلى فكره المكملات الغذائيه مش مضره بالجسم خالص ولا حتى على المدى الطويل هى بس بتعوض النقص والقيم اللى مش هتعرف تعوضها بالاكل الطبيعى مش اكتر زى مثلا الواى بروتين والسرياس ماس والاحماض الامينيه
انما المنشطات فهى مضررررره بصوره كبيره جدا اذا اسئ استخدمها وهى اصلا للناس اللى بيدخلوا بطولات بقى والكلام دا
الموضوع دا من مجهودى الشخصى ويارب اكون افدكوا