مصر-غانا

**Mohamed_Hamid** · 16-09-2013 02:18 PM

أسفرت قرعة المرحلة النهائية للتصفيات المؤهلة لكأس العالم 2014 بالبرازيل عن وقوع المنتخب الوطنى فى مواجهة غانا ليتأهل الفائز فى مجموع المباراتين مباشرة إلى المونديال.

أقيمت القرعة ظهر اليوم الاثنين بمقر الاتحاد الأفريقى بمدينة 6 أكتوبر فى حضور كبار مسئولى الكاف برئاسة عيسى حياتو وهانى أبوريدة عضو المكتب التنفيذى فى الاتحادين الأفريقى والدولى والجزائرى روراوة، بالإضافة لجمال علام رئيس الاتحاد المصرى وبوب برادلى المدير الفنى للفراعنة.

وأسفرت القرعة عن وقوع المنتخب الجزائرى من منتخبات التصنيف الأول فى مواجهة بوركينا فاسو من التصنيف الثانى.

كما أسفرت عن وقوع المنتخب التونسى من منتخبات التصنيف الأول فى مواجهة الكاميرون.

وأسفرت قرعة الدور الأخير عن وقوع المنتخب النيجيرى، بطل أمم أفريقيا فى نسختها الأخيرة، والواقع ضمن منتخبات التصنيف الأول فى مواجهة إثيوبيا.

كما يلاقى المنتخب الإيفوارى من منتخبات التصنيف الأول السنغال.

ومن المقرر أن تقام مباراة الذهاب أحد أيام 10 إلى 15 أكتوبر على ملعب غانا بينما تقام مباراة الإياب فى مصر خلال الفترة من 11 إلى 19 نوفمبر.

[url=http://www1.youm7.com/News.asp?NewsID=1252368&SecID=12]

ياترى هنوصل ولا زى كل مرة؟! انا نفسى اشوف مصر فى كأس العالم كمان مرة قبل ما أموت؟ صعبان عليا اللى ملحقوش ايطاليا 90 اكيد حاسين بالحرمان اكثر منى ومن اللى لحق ايطاليا 90 ايام القناة الأولى والنقل عن طريق اتحاد اذاعات الدول العربية ياااااااااه

**Omar.Shawki** · 16-09-2013 03:36 PM

انا رأيى ده احسن فريق هنلاعبه من التصنيف الاول سواء غانا او نيجيريا والحمد لله بعدنا عن تونس والجزائر وكوت ديفوار وربنا يسهل ونطلع لكأس العالم بقه :)

**ahmedteam** · 16-09-2013 04:09 PM

انا شايف ان الاحسن لنا نقابل فريق منظم و حتى لى كان قوى

علشان تبقى المنافسه ف الكوره و اللعب والتكتيك فقط

لو كسبنا او خسرنا يبقى بالكوره مش بحاجه تانيه

احسن ما تقابل فريق زى تونس او الجزائر و تفضل تهاتى معاهم طول المتش و حرقه دم

**hugan** · 16-09-2013 04:16 PM

ممكن نبدل مع نيجيريا
وناخد اثيوبيا و نديها غانا
ارزاق
فعلا غانا ارحم من تونس والجزائر
الشمال الافريقي بيلعبونا وكان في تار بايت بينا وبينهم

**Mohamed_Hamid** · 16-09-2013 05:49 PM

المشاركة الأصلية كتبت بواسطة ahmedteam

انا شايف ان الاحسن لنا نقابل فريق منظم و حتى لى كان قوى

علشان تبقى المنافسه ف الكوره و اللعب والتكتيك فقط

لو كسبنا او خسرنا يبقى بالكوره مش بحاجه تانيه

احسن ما تقابل فريق زى تونس او الجزائر و تفضل تهاتى معاهم طول المتش و حرقه دم

معاك حق بنبقى احسن منهم وبيكسبونا فاكر كأس اﻷمم 2006 خدنا البطولة واتعادلنا مع المغرب أسوأ فرق البطولة يومها واحد مغربى دى فرصتكم تكسبونا وبرضه معرفناش وادى الجزائر التصفيات اللى فاتت. بس غانا جامدة برضه. ربنا يسهل :)