ممكن حد يفهمنى موضوع الباي بال؟؟؟؟؟

**fepsceasar** · 16-09-2013 04:37 PM

هل الباي بال مسموح به وبقى قانوني فى مصر ؟؟
ايه مزايا الاشتراك فى باي بال؟؟
انا ممكن احول فلوسي للباي بال من خلال كريدت كارد؟؟ طب اقدر استرد فلوسي ازاى من حساب باي بال؟؟؟؟

**Hobgoblin** · 16-09-2013 04:46 PM

باي بال - ويكيبيديا، الموسوعة الحرة

**أبو آسر** · 16-09-2013 06:07 PM

المشاركة الأصلية كتبت بواسطة fepsceasar

هل الباي بال مسموح به وبقى قانوني فى مصر ؟؟

الpaypal مسموح بيه في مصر تدفع منه بس بمعنى إنك هتستعمله زيه زي الفيزا أو الماستر كارد بعد ما تربط الفيزا بحساب الباي بال

المشاركة الأصلية كتبت بواسطة fepsceasar

ايه مزايا الاشتراك فى باي بال؟؟

مزايا الاشتراك إنه آمن بمعنى إنك مش بتدخل بيانات الفيزا في كل موقع عايز تدفع منه كل اللي بتعمله انك بتدخل إيميلك المربوط بالباي بال بس وعند الدفع بيحولك لموقع الباي بال نفسه تكمل إجراءات الدفع منه من غير ما تضطر تدخل بيانات الفيزا بتاعتك في أي موقع تاني ممكن يكون معرض للقرصنة وسرقة بيانات الفيز

المشاركة الأصلية كتبت بواسطة fepsceasar

انا ممكن احول فلوسي للباي بال من خلال كريدت كارد؟؟ طب اقدر استرد فلوسي ازاى من حساب باي بال؟؟؟؟

أيوة بتشحن حسابك عادي من خلال الكريديت كارد لكن متقدرش تسحب منه فلوس وتحولها على الكريديت بس دي مسألة وقت لحد ما يدرجوا مصر ضمن الدول اللي بتسمح باستقبال الأموال عن طريق الباي بال لكن ممكن سحب الأموال من الباي بال عن طريق وجود شخص موثوق في دولة يسمح فيها للباي بال بالسحب وتحوله رصيدك على حسابه ويسحبه من هناك ويحولهولك على ويسترن يونيون

موضوع مفيد
كيفية فتح حساب فى PayPal - الخطة..أدسنس

**أبو آسر** · 17-09-2013 01:18 AM

المشاركة الأصلية كتبت بواسطة fepsceasar

تسلموا يا رجالة
طب استفسار اخير هل انا بحدد المبلغ من الفيزا اللى بيبقى رصيد فى الباى بال ولا بيسحب لحد ليميت كارت الائتمان؟؟؟؟

لو عايز تشحن حسابك في الباي بال بمبلغ معين بتحدد المبلغ اللي انت عايزه بس وتشحنه وده بيبقى رصيد في حساب الباي بال أظن بيتخصم من الكريديت كارد ويبقى موجود في الباي بال عشان لو حبيت تسخدمه في اي وقت لكن لو عايز تصرف الحد الائتماني كله بتاع الكريديت كارد عن طريق الباي بال كأن يكون مثلا الحد الائتماني 1000 جنيه وانت هتشتري سلعة تمنها 1000 جنيه من موقع معين عن طريق الباي بال فأظن ده ممكن لأني زي ما وضحتلك إن الباي بال هو مثل الكريديت كارد بالضبط مفيش فرق بس كأنه وسيط بين الكريديت كارد وبين الموقع اللي هتدفعله الفلوس حفاظا على عدم إعطاء بيانات بطاقتك لهذا الموقع
والله أعلم