السلام عليكم. عربيتي اوبل استرا 2005 1600cc العربية ما شاءاللة معايا عمرها ما قلت معايا.حسيت بزنة تحت التابلوة لما احرق ع الموتور. العربية تاخد الغيار الصوت يخف العربية اوتوماتيك.وكمان اول الدوارة صباحا اشم ريحة بنزين.رحت التوكيل في شرم الشيخ قالولي 400جنية هيفكو المنفول ويصلحوة.لفيت علي كام ميكانيكي برة التوكيل خحدش عارف حاجة واحد قالي غير زيت قلت بالمرة الزيت موبل 1 عامل 8000 كيلو حتي اتصلت بطناني اللة يباركلة صدعتة معايا واللة امبارح قمة في الاحترام قاللي انت مفتري تمشي 8000 كيلو ب موبيل 1 غيرت وحطيت شيل الترا زي طناني ما قال وبردة ناس كتير تفضل شيل والعربية بقت ناعمة اوي بس الزنة موجودة زهقت رجعت التوكيل قلت لة اشتغل بس الصوت لو ما اختفاش مش دافع فلوس قال ماشي. فك المانفول عبارة عن 3قطع غسلهم ببنزين ومسك البوابة الي جوة في المانفول وبرد منها حتة علي موتور شكلها كدة كان لها سن هي اللي بتخبط تعمل الزنة دي المهم ركب تاني وطلعت اجرب العربية لقيت وحش عليوالطريق. السحب تمام احسن من الاول تسمع صوت الموتور ال1600بروقان من غير زنة الحمد للة دفعت 250 جنية ياريت اللي عندة استفسار يسال عشان الفايدة تعم اة وريحة البنزين راحت واستهلاك البنزين قل عن الاول