شكر ومباركه لطنانى باشا على المركز الجديد Masters Auto Serivce
1000 *1000 لــ طنانى باشا على افتتاح المركز الجديد أن شاء الله يديك خيره ويكفيك شره يارب
نخش فى الجد بقى انا كان عندى مشكلة فى عربيتى (Lanos I 99) بتلت ساعات وساعات وفيها مشكلة بتسخن وبتسريب مياه على خفيف و وغلبت مع كل الصناعية اللى اعرفهم حتى الصناعى الخاص بى اللى دائما بتعامل معاه.
لغاية ماقبلت واحد صاحبى معاه اوبل وحكاتلة على مشكلتى وقالى على مركز طنانى باشا وكلمت طنانى بجد راجل محترم وخدوم لابعد الحدود وحددت معه معاد وروحت المركز بتاعة Masters Auto Service
فى الاول طنانى استلم عربيتى ومعاه م.احمد ابو بكر واللى ابتدى الشغل ميكانيكى بيقلوله كعبوره وبعد كده قالى ان موضوع التتليت يأما من بوجية قاطع او السلك بتاعه وفعلا قد كان...الله ينور عليك يا طنانى
وموضوع السخونية وتسريب مياه طلع ان طرمبة المياه فى الباى باى خالص وفعلا بعد مافكناها كانت الطرمبة متحلله تقريبا مفيهاش راس شابوه تانى لــ طنانى
وقالى طالما هاتغير الطرمبة اعمل سرفيس كامل للعربيه (سيور وفلاتر وسلك بوجيهات وبوجيهات) لان الطرمبى بتعدى تقريبا من على كل سيور العربية وقولت بالمره اغير زيت لانه ماكانش فاضله كتير
حوار الزيت ده بقى قلب معركة بينى وبين طنانى عنده زيت اسمه Wolf بلجيكى كده وشكرى فيه جدا بس انا دماغى حجرت وقولتلة مش هاغير غيربــ شيل وبعد اقناع طويل وصلت لاتفاق جامد انى اغير الزيت واجربة من غير ما احاسب عليه ولما يعجبى اجى فى اى وقت وادفع تمنة وطبعا طنانى باشا مضى صاحبى على وصل امانه بتمن الزيت :36_2_33: بصراحة مصلحة لانى كنت شطبط فلوس خالص وادينى ماشى على الزيت لغاية دلوقتى بتاع 200k ومش حاسس باى اختلاف عن شيل كمان ارخص.
بجد 1000 شكر لــ طنانى على الشغل الجامد ده والنضيف والمركز المتكامل فعلا مش كلام وخلاص