تقرير تحديث سوفت وير و ضبط زوايا كيا ريو 2013 فى التوكيل eit
بسم الله الرحمن الرحيم
----------------------
ازيكم يا نمور طبعا كله فاكر المشكله الاولى الى عندى بتاعه الزوايا من الموضوع ده :
http://www.nilemotors.net/Nile/377256-a.html
وبعد الاستشارات و الذى منه .... تم الاتصال بالتوكيل EIT و حجزت معاد انهارده الساعة 10 فى فرع ابورواش .... و كنت رايح وايدى على قلبى الصراحة لانى عارف نظام التوكيلات ... المهم
وصلت الساعة 10.40 بسبب زحمه الطريق و دخلت ركنت و دخلت الاستقبال ... الانطباع الاول ليا لانى اول مره اروح التوكيل من ساعه ما اشتريت العربيه ... كنت متوقع توكيل خرافى طبقا لعدد العربيات الى بشوفها ... لاكن المفاجأه انو طلع مش صرح زى ما انا كنت متوقع و كان لازم الدنيا توسع شويه المهم ....
دخلت على الاستقبال و نادوا على رقمى دخلت على المهندس / سلطان ... و خد الرخصه وراح لف حوالين العربيه و شويه حركات التشك دى ... المهم قولتوا عاوز اظبط زوايا و شرحتله القصة قالى تمام .... و بعدها جاءت اللحظة الفارقه .... الشيطان لعب فى دماغى و قالى اسأل على السوفت وير رغم انى الحمد لله 9عربيتى سحبها ممتاز و استهلاك البنزين كويس ... المهم سألته قالى ايوه فى ابجريد للسوفت بتاع الموتور بيحسن السحب و بيقلل الاستهلاك ... قوتلوا خلاص اعمل تشك بالكمبيوتر على العربيه لو لقيت الى فيها اخر سوفت وير ماشى .... لقيته قديم نزل الجديد .... سبتلهم العربيه و ايدي على قلبى لانى بخاف جدا من القصص دى و خصوصا انى متعاملتش مع التوكيل خالص قبل كده المهم العربيه فضلت من 11 للساعة 1.15 مركونه محدش معبرها !! و دى اكتر حاجة ضيقتنى جدا جدا جدا ..... انى اقعد 4 ساعات علشان زوايا :nosebleed: العربيه دخلت الساعة 1.20 !!! حاجة سيئه بجد
المهم شويه ولقيت العربيه طالعه بره التوكيل و بتجرى اتخضيت لقيت المهندس من نفسه جاى بيقولى العربيه تمام و خصلت بس المهندس طلع يجرب على الطريق علشان ياخد القريات الجديد لايف بالكمبيوتر بعد السوفت وير الجديد ... :satelite:
العربيه رجعت و رحت ادفع الحساب وفعلا دفعت 235 جنية السوفت وير + ظبط الزوايا ...
http://img600.imageshack.us/img600/4325/qhbj.jpg
و طلعت اجرب وانا خايف لا تكون العربيه باظت جوه و كانوا عاملين حركه شياكه و غسلوا العربيه من جوه و بره ...
بس الحمد لله ماشاء الله ماشاء الله ياجماعه العربيه بقت حاجة تانى خالص السحب بقه تحفه اكتر ما كان و لسه موضوع استهلاك البنزين الصراحة لسه مجربتش هفول بكره و اجرب ان شاء الله و الزوايا ماشاء الله على الشعره ....
كل الشكر للمهندس / سلطان و لتوكيل كيا EIT ......