ظبط الزوايا والدنجل

**bmya** · 17-09-2013 01:55 AM

السلام عليكم

عربيتي السيريون خرط الطنابير بتاعتها ومن بعدها وانا حاسس ان العربيه زواياها مش مظبوط في حدفه هل في علاقه بين الزوايا وخرط الطنابير الاماميه ؟
تاني حاجه انا عمري ما ظبط زوايا اصلا للعربيه من يوم مشترتهاا من الزيرو من 2008 وعاوز اروح اظبط زوايا وعربيتي طبعا دونجل خلفي هل العربيات الدنجل بيكون لها ظبط زوايا خلفي ولا بتظبط امامي فقط

**saddam** · 17-09-2013 02:59 AM

صديقي المواطن
إنت مجرم في حق عربيتك وفي حق نفسك إزاي من 2008 مش بتظبط زوايا كده العربية.بتحدف والطارة بتلف والكاوتش بيتاكل والفرامل تحدف إنت في مصر أقل واجب 3 أشهر وتعمل ظبط زوايا ألكتروتي وترصيص عجل ولو بتحبها أوي كل شهرين أعادك الله لجادة.الصواب وكمان كل 10 آلاف تغير الفرد مكان بعض بطريقة إكس إلا لو كان فيها سهم الفردة
ودمتم للنضال
ملحوظة بعد ظبط الزوايا لو فضلت تحدف في الفرامل فخد هوا الفرامل

**bmya** · 17-09-2013 04:54 AM

بس انا عمري ما حسيت ان العربيه بتحدف او مش مظبوطه وبمشي سرعات عاليه وفرامل جامده ومكنتش بتحدف
ولا الكاوتش بيصرخ مع المفات و اليوتيرن !!
وبعدي اخي المواطن ات مردتش على باقي السؤال هل العربيات اللي لالتعليق الخلفي بتاعها دنجل او تعليق متصل لها ظبط زوايا ولا بنظبط امامي فقط