الموضوع: استفسار عن افضل مكتب لتعليم السواقه في مدينة نصر

السلام عليكم ...

كنت عايز اسأل على افضل مكتب يعلم السواقه في مدينة نصر .. في مكتبين هما ايزي كار وكنوز كار ناس قالولي انها مكاتب تجاره مش للتعليم فلوس وبس يعني غاليين جدا في اسعارهم واغلب الحصص بتضيع في اماكن فاضيه علشان استهلاك وقت وضياع للحصص ويخلو الواحد يضطر انه ياخد عندهم كورس تاني ويدفع تاني مش بيبقى في تعليم في اماكن زحمه او كباري او اي حاجه من المفروض الواحد يتعلم يمشي فيها وهو بيتعلم السواقه .. فلو حد عنده مكتب كويس ومضمون في مدينة نصر يفيدني بيه ..

انا اللي اعرفهم مكتبين عند مدرية المنهل .
1- المريم : مجربتوش قبل كدة بس بشوف ناس كثيرة جدا بتتعلم عنده و عنده عربيات Mitsubishi
2-مركز مدينة نصر: و ده في تقاطع شارع حسن مامون مع مصطفي النحاس - عربيات 128
انا جربته و من اول يوم مشاني في مصطفي النحاس بعد التاكد في مكان فاضي اني باعرف امشي و احود و اقف طبعا. :)

عموما اظن ان المدارس ده بتشتغل بالاتفاق .. بمعنب اني من و انا باحجز اتفقت مع الراجل
اول يوم صبح في شارع خلفي و لو كنت كويس يبقي عمومي - ثاني يوم صبح في شوارع مدينة نصر كلها - ثالث يوم ليل قي شوارع مدينة نصر - رابع يوم كباري و طرق سريعة -خامس يوم تدريب اختبار القيادة

وربنا معاك