فيلم تصليح العربيه -فيكترا بى -تجربه مريره للافاده
السلام عليكم يا شباب . يارب تكونو بخير..
الموضوع ان انا كنت اشتريت من فتره فكترا بى و للاسف كانت مش عربيه تماااااااااااما رغم الكشف بس مكانش من ناس متخصصه ودى المشكله .. لااااااااااازم الكشف عند حد بيفهم فيها عشان محدش يحصلله لاقدر الله زيى ويلبس فى عربيه متوفيه ويفضل يصحى فيها زى مانا عانيت ومازلت ..!!
دى الفواتير باختصار من عند صابر فى شهر 4 اللى فات ماعدا الاخيره حصلت مؤخرا...وباعتذر عن التاخير فى رفعهم ..
الهدف من الموضوع حاجتين ..
اولا :افكركم وأأكد على اى حد بيفكر يشترى عربيه بضروره الكشف الدقييييييييق على العربيه من حد متخصص ويفضل مركز معتمد او التوكيل طبعا ..
تانى حاجه : معرفه اسعار قطع الغيار ولو تقريبا ... مع العلم انه هو اللى جاب الحاجه طبعا مش انا ...واكيد فى هامش بيطلع للمركز .
فى حاجات جت بعد كده بس مش من عنده فى خلال الفتره اللى فاتت افتكر منها
جوز مساعدين خلفى استيراد 260 ( فى الصوره هتلاقو مساعدين خلفى 550 هم امامى بس اتكتبت غلط )
جلب خلفيه 4*70 و 2 *80 = 440
طنابير امامى جديد 280 وتيل ب 90 (مش فاكر الانواع للاسف )
زرار انتظار جديد 75
هوايه تكييف - 30
ترموستات اصفر 125 - ترموستات ازرق فيات 45 بس ماشتغلش بعد ماكنا بوظنا البينات بتاعته فمعرفتش ارجعه .. دول اللى فاكرهم دلوقتى واعتقد ان ماخفى كان اعظم !!
http://img713.imageshack.us/img713/5306/0mbk.jpg
http://img855.imageshack.us/img855/1419/gy98.jpg
http://img853.imageshack.us/img853/3403/t0b7.jpg
http://img31.imageshack.us/img31/6461/s63d.jpg
محتاج اعرف رايكم فى الاسعار وهل هى طبيعيه ولا مبالغ فيها .. مش عشان اندم هو كده كده فات الاوان بس اهو للعلم وعشان محدش ياخد فكره غلط عن سعر حاجه برده ...
النتيجه .. العربيه طبعا بقت حاجه تانيه الحمد لله اطمنو :)) ..بس مازال فيها شويه حجات كده هانتناقش فيها ان شاء الله فى مواضيع تانيه ..
وفى الاخر احب اشكر جدا استاذ احمد فهمى لأنى كلمته من هناك ووصى عليا وكتر الف خيره فعلا لولاه كنت توهت اكتر مانا .. رغم انى شبه متاكد انه مش فاكر الموضوع اصلا لأنه بيعمل الخير و يرميه البحر بمعنى الكلمه .. وكل الاعضاء ماشاء الله فيهم الميزه دى .. لوجه الله ومحدش منتظر حاجه ..
كان نفسى بجد اوى يكون استاذ طنانى فتح مركزه ساعتها ..بس الحمد لله علقه وراحت.. والحمد لله ان المشروع كمل على خير لأن هيفرق معانا كتير بعد كده ان شاء الله
واستاذ فادى باعتذرلك جامد عن انى معرفتش اعمل تقارير او صور للحاجات اللى حصلت لأن 90 فى الميه للاسف مكنتش باكون موجود وهم شغالين ..بس ملحوقه ان شاء الله فى اللى جاى ..
فى الاخر ارجو انكم تدعو للواحد بظهر الغيب ان ربنا يعوض عليه عشان الواحد اتظبط فى الموضوع دا جااااااامد اوى !! بس محدش بيتعلم ببلاش...
هقولها تانى وعاشر يا جدعان الكشف ع العربيه كويس عند حد بيفهم اهم من اى حاجه قبل الشرا ..وبلاش تتسرع ..
دمتم بود واسف للاطاله ..
تحياتى .. م / محمد بدر