شكرا م/هانى Speed Service

**Ayman-Ahmed** · 17-09-2013 10:47 AM

السلام عليكم ورحمة الله وبركاته

اخباركوا أيه شباب نايل موتورز.أتمني الجميع يكون بخير.

للمرة الكتير شكرا للمهندس هانى ووقفته معايا لشراء مساعدين وصيانة ال85000.

لو كان حد متابع موضوع مساعدين العربية عندى واللى كان يتلخص في الأتي :

-عدم اتزان في العربية وحتى على السرعات القليلة (كانت مراجيح ).

-لو باخد ملف العربية بتميل جدا ناحية الشمال وده لان المساعد الشمال امامى كان محجر.

-ارتفاع العربية ورا قل من الناحية الشمال وده لان المساعدين اللي ورا نعموا جدا.

وهنا كان لازم شراء اربع مساعدين جداد.

بعد اللف الكتير وأيه الأفضل واتصالات كتير للمهندس هانى اللي بكل ادب وذوق كل مرة يعرفني ليه ده وحش وليه ده كويس استقريت على الأصلي بتاع هيونداى.

-تمن المساعدين في التوكيل حوالى 2960 جنيه.

-تمن المساعدين عند موزع معتمد 1980 جنيه.

-تمن المساعدين المونرو ووكيلهم غبور برضه 1000 جنيه ومش موجودين.

-مساعدين KYB معرفتلهمش سعر لأنهم مش موجودين.

توكلت على الله وجبت من عند الموزع المعتمد ومتفرقهمش عن الأصلي.

طلعت على المهندس هانى وبعد تمام التأكد من الجودة تم التركيب وكانت المفاجأة بالنسبة لي أن المساعدين اللي كانوا فى العربية Mando مش هيونداى ومفيش عليهم علامة هيونداى من اصله.الله يسامحك يا اللي في بالى.مع العلم ان المفروض العربية كورى بالكامل.

-بعد ما خلصنا جربنا العربية سمعنا صوت دبة خفيفة / رفه.رجعنا شيلنا مانع التراب وكان السبب الحمد لله.ورجعنا ركبنا تانى بعد ما عرفنا الصوت منين.

-تكلفة تركيب المساعدين = 160 جنيه وده لتركيب الأربع مساعدين.مع ضمان 3 شهور/ 5000 كم.

النتيجة :

كل المشاكل السابق ذكرها اختفت والحمد لله .

وأي استفسار عن اماكن بيع او موزعين او محلات متخصصة هيونداى تحت امركوا.