أسعار ومواصفات لانسر بومة وشارك 2009

**masriano** · 08-11-2008 06:11 PM

اول حاجة .. شكرا جزيلا ليك يا بشمهندس على كل المعلومات اتلى بتوفرهلنا هنا في المنتدى..

بس في حاجة بجد انا مستغربها ومش فاهمها ..

دلوقتى اللانسر بومه 2009, 1600 مكتوب انها ب 102..ودا من التوكيل شخصيا و 2009.

ليه بقى جبتها من المصرية -سعرها الكاش: 107000 !!! - و2008 !

حتى لو الفروق بين 2008 و 2009 غير جوهرية..

بس ان الفرق يبقى 5000 جنيه بحالهم ..

فا مش فاهم هل المصرية بيغلوا في سعر العربيه كده؟

مع العلم انى جيبت السريون من عندها برضه وكانت عامله 75 الف , في رنجها وسعرها العادى اول مانزلت .. كان لسه شكلها الجديد دا نازل اصلا.

مستغرب المعرض دا وبحسهم بيافوروا في حاجات كتير بصراحة, ومش فاهم ايه سر حماس ابويا انه يجيب 3 عربيات من عندهم !!

لانوس - سيريون واخيرا اللانسر.

**مصراوي جدا** · 08-11-2008 08:34 PM

عيب نظام المنتديات انها مش بتسمح لك تعدل حاجه في كلام كتبته زمان يعني لك فقط عدة دقائق بعد كتابة الموضوع او الرد بتاعك تعدل فيه او تضيف انما بعد كده خلاص

فده سبب ان الأسعار المكتوبة في اول صفحة من الموضوع كانت بتاريخ 8 سبتمبر وكانت اللانسر 1600 مانوال فعلا بـ 102 ألف ثم في صفحة 5 يوم 20 اكتوبر زادت الأسعار واصبحت العربية بـ 104 ألف (زادت 2000 جنيه) ثم في نفس الصفحة يوم 27 أكتوبر زادت الأسعار تاني 2000 جنيه واصبحت الآن بـ 106 ألف وده لموديل 2009

بخصوص المصرية للسيارات فاللي اعرفه ان اعتمادهم الكلي والجزئي بيكون على تقسيط العربيات مع سيتي بنك وبالتالي هم حريصين كل الحرص انهم يبيعوا لك العربية قسط مش كاش مهما حاولت

فعموما دلوقتي سعر العربية من التوكيل 106 لموديلات 2009 ومفيش موديلات 2008 خالص في التوكيل وغريبة حتى ان المصرية لسه عندهم 2008