السلام عليكم
كنت من فترة مروحة الريداتير باظت .. المهم غيرتها بمروحة تيمبرا الحرارة بقت تزيد اوي .. روحت لميكانيكي غيرها بمروحة كذا سرعة .. المشكلة دلوقتي المروحة يا اما تشتغل في و قتها و متعديش نص الامبير بس لما بيبقي في زحمة شوية بتعدي يا اما تشتغل متأخره و دي بتبقي مشكلة اكبر .. طبعا مع التكييف المشكلة بتبقي كارثة
إحتمال يكون العيب من الترموستات مش من المروحة لآنه هو اللى بيتحكم فى موعد تشغيل وإغلاق المروحة حسب درجة الحرارة لو المشكلة فى المروحة ما كنتش أشتغلت أصلاً
انا بردو فكرت في الترموستات .. غيرتها .. بردو في الاول اشتغلت في معادها و بعدين بقت تهيس
up للضرووووووورة
المروحه اللي حضرنك مركبها دلوقتي هي الاصليه بتاعت البرافا زي اللي باظت و لا لأ
صديقي المواطن
تركب.ثرموستات 72 إلى 82 إيطالي نظيفة ثم تركب كتاوت مستقل للمروحة وتاخد المروحة.وتنزل التوفيقية وتروح للتاس اللي عندها فرش في شارع زكي وتقول له جربلي المروحة دي وإديني وحده أقوى منها وحيحسبهالك ب 130 جنيه لو كبيرة والصغيرة ب 100 ودمتم للنضال
لا هي مروحة كذا سرعة بس مش الاصلية .. بالنسبة للترموستات انا جبت الاصلية اللي هي 89 - 92 تقريبا
طول ما الاصليه مش راكبه مش هتقدر تحكم على المشكله صحاقتباس:
المشاركة الأصلية كتبت بواسطة m_a_h_m
انصحك تجيب المروحه الاصليه بتاعت البرافا - دورة التبريد نظام مينغعش يتلعب فيه
دي برافا مش 128 ممكن اجيبلها اي حاجه و خلاص
انا رحت لميكانيكي تاني و قالي لا المروحة متعملش كدة .. المشكلة النهاردة لقيت العداد فجأة نط لل H قلت يمكن العداد بايظ نزلت من العربية و فتحت الكبوت لقيت في مية خارجة من القربة بس المية باردة و الماتور بارد كنت جنب البيت روحت هناك احسن يحصل مالا يحمد عقباة .. و انا بركن بقي لقيت عداد ال rpm بيطلع و ينزل و الماتور يزيد و يوطي ركنت و نزلت لقيت مية بردة نزلت من القربة قفلت و طلعت و مش طايق نفسي لا انا عارف حاجة و لا حتي الميكانيكية عارفين حاجة .. انا مش عارف اعمل اية بجد اتخنقت ؟؟؟؟؟؟؟؟؟
بص هي ليها كذا حاجه وبحكم الخبره في السيينا ممكن يكون دوره التبريد واخده هوا ولو مش كده يبقي في حاجه في دوره التبريد فيها مشكله يا اما تسريب او الريدياتير عايز يتغير او ما سوره بدوره التبريد انسدت وحتلجه تغيير نصيحه مني غير دوره التبريد كلها واحده واحده انا عنلت كده في السيينا اول ما جبتها وفضلت معايا ثمان سنوات زي الالف وربنا يوفقك
لا منا فكرت في حوار الهوا دة و خدت منها هوا .. بس انا شاكك في حاجة مش ممكن تكون طرمبة المية ؟؟؟؟؟؟؟؟
يا جماعة عايز ميكانيكي بيفهم يكون قريب من المعادي .. انا سمعت عن واحد في صقر قريش .. عايز اعرف عنوانة بالتفصيل و رقم تليفونة .. او اي حد بيفهم في المعادي لان العربية مش هينفع تمشي كتير
السلام عليكم
اولا يافندم انا معايا ماريا الاخت الكبرى لعربية حضرتك
انا بس عايزك تاخد بالك من المروحه اللي انت اشتريتها وتعد الريش بتاعتها وتقارنها بعدد الريش في مروحة العربية الاصلية هتلاقي الاصلية بتاعة حضرتك فيها عدد ريش اكتر وده طبعا بيساعد علي تبريد افضل .
تاني حاجه الاعرض اللي حضرتك بتوصفها دى اعراض وجود هوا في دورة التبريد ... انا عارف ان حضرتك قلت انك راجعت علي الموضوع ده لكن اللي انت راجعت عنده فتح امامك مخرجين لاخراج الهواء ولا مخرج واحد علشان العربية دة ليها مخرجين لازم يتفتحوا ومش كل الميكانيكية بيبقوا عارفين كده .
ونصيحتي لحضرتك انك ماتخليش اى ميكانيكي يفتي في العربية دى بالذات لان الفتي فيها بيكلف فلوس كتير .
انا عموما باعمل صيانتي عند صابر اللي في مدينة نصر اللي كان في القومية واللي شغال في اوماترا لو تحب اوصفهولك او اديك رقم تليفونه وعموما المعادى من مدينة نصر مش بعيد اوى يعني انا جنبك من الفسطاط وباروحله واريح دماغي.
عزيزياقتباس:
المشاركة الأصلية كتبت بواسطة m_a_h_m
نفس مشكلتك حصلت معايا كان عندي عربيه بولونيز وكانت زي الفل مافيش مشاكل خالص
فجاه كنت ماشي بالعربيه لقيت مؤشر الحراره داخل علي الاحمر بس العربيه ماشيه تمام نزلت شوف القربه لقيتها عاديه وبعد شويه المؤشر ينزل وفضل يطلع وينزل ويرقص ولاحظت كمان ان عداد ار بي ام برضه بيرعش ويهتز
المشكله كانت في كابل الارضي العام اللي مثبت اسفل السياره كان مهزوز بمجرد تثبيته الدنيا اتظبطت
الله يمسيها بالخير البولونيز كانت معايا وكانت عربيه اكتر من محترمهاقتباس:
المشاركة الأصلية كتبت بواسطة abdoumahros
و الله ياريت تكتب عنوانه و رقم تليفونهاقتباس:
المشاركة الأصلية كتبت بواسطة toteda
طالما كان فى التوكيل اكيد راجل فاهمhttp://www.nilemotors.net/Nile/image.../glasses12.jpg
رقم تليفونه 01063610448
وهو في الشارع اللي امام باب المدينة الجامعيه لجامعة الازهر بنين
ربنا يكرمك و تتحل المشكلة. و ابقي لتأكد أن السرعتين بتوع المروحة تمام و الثرموستات كمان.
متشكر لردكاقتباس:
المشاركة الأصلية كتبت بواسطة toteda