السلام عليكم
إن شاء الله مقبل على شراء هيونداى الانترا 2010
العربية لو حالتها كويسة و فبريكا برا و جوا ( تقريباً أول فئة أوتوماتيك ) و عاملة 75 ألف كيلو يبقى سعرها المفروض كدة كام ؟؟
و عامة يا شباب ايه رأيكم فى العربية و خصوصأ التكييف لانه مهم جداً بالنسبة لى
و بالنسبة لقطع الغيار و الاعتمادية و الاعطال أخبارهم ايه ؟؟
و أخد بالى من ايه قبل م أستلم العربية
و شكرا ليكم مقدماً
مبدئيا العربية كانت بتنزل بمفتاحين
العربية كويسة جدا من حيث انها قوية و اقتصادية فى البنزين و قطع الغيار
التكيف كويس جدا عمرى ما اشتكيت منه
بالنسبة للسعر فده حسب الحالة بالنسبة للموتور و الحالة العامة للعربية
تاخد بالك من ايه بقى اولا تجرب العربية و تسوقها و تطلع بيها مطب و اتنين
متنساش ضرورى تلف الطارة لغايت ما توصل بيها يمين و شمال لف للاخر ده و انت واقف طبعا مهم قوى الموضوع ده عشان فيه ناس كتير بتشتكى من علبة الدريكسيون و هاتبان بالتست
العربية من وجهة نظرى مش هيجى زيها تانى و عيبها الوحيد لما يركب حد ورا تحك غير كده
العربية صفقة رابحة لو الحالة تمام
معلش طولت عليك
شكرا يا كبير على المعلومات الجامدة دى
بالنسبة للمفتاحين بيبقوا بريموت الاتنين و لا واحد بريموت و التانى من غيره ؟؟
لا شكر على واجب تحت امرك
كل مفتاح معاه ريموت
استفسر يا باشا زى ما انت عاوز