معاك حق ياصديقي ... عارف كتير من الشباب لمن بيطلقوا
يااااااااه. بيحس بالانتعاش وبالحرية. عارف الي شطف راسوا بشامبو بيرت بلاس بالنعناع او. عامل زي ايه. عارف لمن تروح اسكندرية وتنزل البحر على طول والمية ساقعه وحلوة وتحس بالحرية والانتعاش ... بتبقى فرحان جداً. وكانك بتقول ياااااه اخيراً كابووس وانزاح ... وتلاقي صحابك بيقولولك كويس انك خلصت منها وانتا تقولهم معاكم حق ... بس فعلاً الفرحة دي بتنهار بسرعه بعد اسبوع اول ما تشوف كمية المواعين في المطبخ. ولمن تفتح التلاجة متلاقيش حتى طبيخ بايت من امبارح ... فتطر. تتصل تطلب ديلفري وتفرح بالاكل. وتقول يااااه وحشتيني يا مطاعم ... لكن برضو الفرحة دي بتطير بسرعة لمن تلاقي مرتبك من بعد النفقه مش هيجبلك غير وجبتين كومبو ومن غير بطاطس كمان وحطينلك ظرف كاتشب تقولش عينات بيدوقوك طعم الكاتشب وتبقى محتار ياترى ظرف الكاتشب ده للبطاطس ولا للهمبورجر !!!
وتفضل عمال تلعن وتسب وانتا عمال تفكر في ظرف الكاتشب ازاي توزعوا بشكل عادل بين الاتنين وبعد ساعه ولا ساعتين تقول يانهر ازرق ايه الهبل الي انا بفكر فيه ده !!!! وكل شوية شريط الذكريات بيطاردك من فيديو لفيديو ومن مكان لمكان ... هوبا تعمل نفسك ممعكش خبر وتقول. خليني ارجع افكر في ظرف الكاتشب احسن علشان انساها ههههههههه. بس بمجرد ما يخلص ظرف الكاتشب. ترجع تفتكرها تاني .
عجبني واحد من الجيران ... طلق مراتوا ورمالها ورقتها وخدت طبعاً العبش نزل جاب مرتبتين ومخدتين من التوحيد والنور وبقولك كان بينام على الارض ومفيش شهرين تالاته. لقيتوا فرش البيت تاني واتجوز ولا على بالوا حاجة ... هو صحيح ان مراتوا القديمة كانت انضف وبنت ناس والجديدة كل يوم رميا الزبالة على السلم وحاجة ما يعلم بيها الا ربنا. لكن سبحان الله لغايت دلوقتي مسمعناش صوتهم :)
ربنا يهدي سرهم. قادر ياكريم ويسعدهم ويعرفهم ان في اختراع اسمو كياس زبالة سودة كبيرة مش شنط كارفور وهيبر وتيجي القطط تفرشها على السلم :) ... وتحياتي
المفضلات