الموضوع: قدر الله وما شاء فعل..

الحمد لله رب العالمين على كل شىء

فرامل اللانوس الزفت بوظت الدنيا

ماشى ف كورنيش السويس بسرعه لا تتعدى 40 كم/س

ومره واحده كل مسك فرامل ... المشكله انى مهبط العربيه .. العربيه اللى قدامى من الفرامل عليت .. وانا فراملى هبطت العربيه اكتر ونزلت تحتها...

الخساير كتير جدآآآآآآ.... بس الحمد لله .... هوريكو صور العربيه وهاقلوكو اسعار الحاجات اللى جبتها
ImageShack� - Online Photo and Video Hosting
ImageShack� - Online Photo and Video Hosting
ImageShack� - Online Photo and Video Hosting
ImageShack� - Online Photo and Video Hosting
ImageShack� - Online Photo and Video Hosting
ImageShack� - Online Photo and Video Hosting
ImageShack� - Online Photo and Video Hosting
ImageShack� - Online Photo and Video Hosting

بالنسبه للاسعار وطبعا عارف انها اغلى من الحرفين

1- كبوت استيراد بالفلتو 675
2- رفرفين امامى استيراد 400
3- بابين شمال امامى وخلفى استيراد 400 ( فاضيين )
4-فانوسين امامى ( ديبو ) 350
5- صدر امامى بالقنطره ( لانه مارضيش يقطعلى الصدر بس ) استيراد 450
6- اكصدام امامى بالفوم استيراد 350
7- اكصدام خلفى بالفوم استيراد 250
8- شاسيه امامى استيراد 180
9- مصنعيه سمكرى 1500 وده شامل العتبتين كمان..


بالنسبه للميكانيكا بقه وده نفسى تفيدونى ف اسعاره

التالف :
1- سربنتينه تكيف ( اجيب جديد ولا استيراد وللعلم الاستيراد عامله 300 هنا وسعر الجديد لو سمحتو )
2- راديتير ... جديد ولا استيراد .. وهل لو جبت جديد لازم اجيب مرازح جديده ؟ ولا اشغل القديم
3- لسه مش عارف الباقى لانى هستلم السمكره النهارده وادخلها ميكانيكا

التجديد :
4- طقم الشمبر .. عايز اعرف لو هعمل شمبر بس هيتكلف كام ( الشمبر / الجوانات / مخرطه )
5- حساس الاى دى .. اجيبه جديد ( وصناعه ايه ) ولا استيراد والسعر ...
6- قاعده فتيس وعقربه
7- دواسه الفرامل كل ما اجيى ادوس فرامل اسمع صوت تخبيط ( زى صوت خبط مصمت كده حديد ف خشب )
8- حساس ال TPS اقدر اكشف عليه ازاى والسعر ... لان الميكانيكى قالى احتمال يتغير .. وللعلم لمبه الشيك مش منوره
9 بليه شداد التكيف اجيب جديد ولا استيراد وبكام..
10- الهاند بريك حاسس ان الواير اتقطع بس الميكانيكى قالى باظت وبترفع ع الفاضى .. يا ترا هيا بكام برضو

بالنسبه للصالون
نتيجه الخبطه اخويا كان ورايا لزق ف الكرسى والتلفيات كالاتى :
1- فريم العدادات وساعه التابلوه
2- درج التابلوه أو بمعنى اصح القفل بتاعه فوت
3- كرسى السواق الضهر باظ .. روحت لسروجى يغير العلبه قالى السن فوت يا تجيب علبه صينى وده غاليه وهتبوظ كمان اسبوع يا تجيب كرسى كامل ... حد يقدر يفدنى الكرسى بكام ؟
4- اخر حاجه دلوقتى التابلوه اتجرح وبقه شكله وحش .. هل ينفع ارش التابلوه أو ادهنه ؟ وهل حد جربها قبل كده ؟ وايه الماده المستخدمه ....


طبعا شكرا لكل الزملاء اللى هيساعدونى أو يدعولى اخلص من الموضوع ده

ان شاء الله تخلص ميكانيكا وسمكره واصورلكو العربيه قبل ما ادخلها دوكو وبعد الدوكو

جعله الله ف ميزان حسناتكم