عربيه عندي تحت البيت بقالها كتير اعمل ايه علشان اعرف صاحبها
وبرضو انا اتسرق مني عربيه وحاسس بالناس الي بيتسرق منعم عربياتهم ربنا يكفيكو الشر
بس يا ريت حد يفيدني وانا هدور عليه وان شاء الله هجيب صاحبها
عربيه عندي تحت البيت بقالها كتير اعمل ايه علشان اعرف صاحبها
وبرضو انا اتسرق مني عربيه وحاسس بالناس الي بيتسرق منعم عربياتهم ربنا يكفيكو الشر
بس يا ريت حد يفيدني وانا هدور عليه وان شاء الله هجيب صاحبها
فى ظل الظروف اللى تمر بها البلاد أنصحك إنك تروح لآقرب قسم شرطة تابع لمحل سكن حضرتك ( وممكن تتصل بالنجدة على رقم 122 وتبلغ لو مش فاضى تروح ) وتاخد رقم العربية المركونة وتبلغ عن وجود العربية دى من فترة دون تحرك قدام بيتك وهما يتصرفوا لو مسروقة بتبقى كل البلاغات عندهم ومين عارف مش يمكن يكون فيها مخدرات ولا معمول بيها مصيبة ومرمية تحت البيت
بالظبط كدا,, ونصيحة مني متنشرش أي حاجة عنها, ولا صور ليها ولا العنوان,
لأن فيه مواضيع كان يقولك فيها حط هنا صورة أي عربية مركونة بقالها فترة ومهجورة أو مسروقة, عشان أصحابها يشوفوها ويوصلولها.!!!
وتلاقي ناس ربنا ينتقم منهم يتابعو المواضيع دي ولما يعرفو أن العربية مركونة وملهاش صاحب بيروحو يسرقوها بسهولة, لأن مالهاش صاحب أو علي الأقل مش من المنطقة ولو حد سألهم بتعملو أيه وهيا بتتقطر ولا بتتشال علي ونش هيقولو عربيتنا وعطلانة.!
في القسم لما بيكون معمول بلاغ هيقدر يوصل أصحابها الحقيقين ليها ويعرفوهم مكانها,
أو يتحفظ عليها لحد ما يتعمل بلاغ لو لسه متعملش, دا نادر أن حد يسترق منه عربية وميعملش بلاغ.
فأحسن حل أنك تكلم شرطة النجدة ومتنشرش حاجة عنها هنا ولا علي أي مكان,
خد ارقامها و بلغ عنها فى اقرب قسم شرطه
بلغ شرطة المرور نفس الحوار حصل معايا ومستني واحد صاحبي ظابط يرجع من السفر هديله نمرة العربية يكشف عليها في المرور ويجبلي بيانات صاحبها واكلمه علي التليفون ولو ما فيش تليفون هاروحله البيت علي العنوان وطبعا هخليه يكشف عنها في القسم لا يكون مقتول بيها واحد ولا بيتشال فيها سلاح ولا مخدرات وياسلام لو الاخوان مفخخنها وانا بحوم حول العربية عشان اعرف مين صاحبها
يا جماعه مشكور ليكم جدا علي تفاعلكم ده وان شاء الله نكون سبب ان اي حد ترجع ليه عربيته
وانا هبلغ القسم واقلهم عليها
ويمكن يلاقو صاحبها بس الواحد كان عايز يساعد اكتر من كده بس هي لو طلعت في مخدرات
ولا حاجه
يبقي كده راح في داهيه
وشكرا ليكم مره تانيه وانا هروح ابلغ هم في القسم واقول ليكم انا عملت ايه
مرت بموقف زي موقفك كده وروحت بلغت في القسم
وقالي العربية مش متبلغ بسرقتها ولا حاجه
وطلعت العربية كانت عطلانة وصاحبها راميها
فممكن جدا يكون صاحبها رميها بس
اللى بيتعمل ده شىء ممتاز لمساعده الغير .... وحتى العربيه لو صاحبها سايبها اصلا مهمله بردو هو تصرف ايجابى من صاحب الموضوع .... شكرا .