الموضوع: عيب و لا مصيبة و لا عار ولا مشكلة فى الايمجراند

المشاركة الأصلية كتبت بواسطة dedi

طيب من العنوان اختاروا انتم و احكموا على المشكلة
اليوم اتصل اخى بى العربية موش راضية تاخذ اى غيار و الفتيس موش قابل و طبعا فى الصعيد لا توجد مراكز خدمة لها المهم اتصلنا بالميكانيكى جاء و اعطاها غيار من خلال الفتيس خارجيا عشقها و طبعا على غيار واحد لغاية الورشة المهم فكينا عصاية الفتيس والفرش حولها و العديد من القطع و الصواميل شئ مبكى و محزن لعربية زيرو لم تكمل 3000 كيلو تعتبر لسة بتلين المشكلة من احد الوايرين المسؤلين عن نقل حركة الفتيس للواير للفتيس نفسة فى نهاية الواير حلقة بلاستيك مفرغة بتعشق فى بنز للعصاية هذة الحلقة اتكسرت شكلها من نوعية سيئة و زبالة ورديئة بكل المقاييس صدقونى سعرها لا تساوى 5 قروش يعنى كان ممكن يصنعها من حديد بداخلة بلاستيك او حديد او بلاستيك بنوعية افضل
الميكانيك شاطر بمعنى الكلمة و عمل اختراع لها بس دة موش موضوعنا
5 ساعات شغل وفك و تركيب وحرق دم وتعطيل و لو لا قدر الله حدثت و اخى مسافر على الطريق لا شبكة موبايل و معة الاسرة
انا صورت الاجزاء التى فكت و الحلقة المكسورة علشان ماحدش من بهوات صفحة الفيس يكذب الذى حدث و اخى سوف ينزلها على الفيس لانة الذى يحدث دة عار بامانة
بامانة دة اسمة اية ياناس عربية زيرو و سقف معيوب من الدوكو و دوكو العربية فى مجملة زفت و طنابير زفت بكرة الكرسى التى كسرت و العديد من المشاكل الاخرى و اخيرا مشكلة اليوم يعنى منطقة الفتيس مشكلة لا تتفك قبل مرور 4 او 5 سنوات على الاقل ياناس عربية زيرو زيرو زيرو زيرو يعنى جديدة يروح يفك كل المسامير و الصواميل و كل المشاكل الله يسامحك يا غبور
وفى الاخر تلاقى بعد كل الكوارث ناس بتسال اية رايكم فيها على راى واحد صديقى قال لى صديقك انصحة حتى العصر و بعد كدة يبقى وزة او ادفعة للغلط علشان مافيش فايدة خلاص العربية زى الفل و الموش عاوز يستنى اصلاح عيوبها يروح يشترى و مبروك الواحد اتخنق وزهق
على راى الميكانيكى كل واحد و قع او اتورط عايز الكل يشترى علشان يبقى لها سوق و قطع غيار
المصيبة انة كل المشاكل دى لم نسمع عنها برة مصر و شخصيا مازلت صابر و مستنى لو اصلح المشاكل سوف افكر فيها او شكرا

ما هى ظروف العطل ؟
( المسافة المقطوعة قبل العطل مباشرة - نوعية الطرق - متوسط السرعة - خبرة اخيك فى السواقة - اى علامات او اصوات غريبة من السيارة قبل العطل بايام او وقت اكبر او اقل )

هل السيارة مازالت فى الضمان ؟
هل اعلمت التوكيل بالعطل ؟ و لماذا ؟
هل طلبت صيانة السيارة من التوكيل ؟ و لماذا




اشكرك حضرتك مقما على الافادة من المشاراكات و نقل الخبرات.