انضحك عليا في عمليه نصب اعمل ايه ؟

**sasamh** · 19-09-2013 03:58 AM

المشاركة الأصلية كتبت بواسطة a3sar

ان شاء الله هاعمل زي منتا بتقول واضح انك خبره :d
بس مش هاعرف اخد معايا حد من اصحابي لاني مش عايز افضح نفسي في الموضوع ده
وشكرا يا باشا علي النصايح دي كلها

غلط غلط
فضيحة اية وبتاع اية
انت ممكن اى واحد من صحابك يحصل معاة نفس الموقف ويطلب مساعدتك
لازم تاخد معاك كل اصحابك وحبابيك بس زى ما قلت لك محدش يفتح بقة بكلمة وهو واقف ولا حد يهزر مع حد ولا حد يكلم حد يعنى يبقوا واقفين زى الاصنام وبيبصوا على المحل وبس كدة
تانى اهو بشرحلك (( يبقوا واقفين زى الاصنام وبيبصوا على المحل وبس ))
وهقولك على الاسباب والتفاصيل

لية الحشد دة ؟؟؟؟؟؟؟
عشان لما انت تعمل حركة الورق دة هوة هيتغاظ منك بس هيفتكر شكل الحشد اللى كان واقف فهيحط فى دماغة ان الناس دى لبش
لكن من غير الحشد دة هيفتكر انك شاب جامعى وفيسبوكى وبتعمل كدة عشان متضايق منة

تانى حاجة لما الناس تكون واقفة زى الاصنام هوة مش هيقدر يكون فكرة عن طبيعتهم
لكن لما تلاقى دة عمال يتكلم مع دة ودة بيهرج مع دة ودة بيرغى مع دة ............من طبيعة الكلام الناس دى بتفهم شخصية اللى قدامها لكن لما يكونوا واقفين زى الاصنام مش هيعرف يكون اى فكرة عن شخصيتهم وهيبدأ يقلق
.................
وبعدين الناس دى مصارينها برة وستين ما يكون شمال عندة عربيات ناس يخاف عليها
لكن لو رحت لوحدك هيقول عليك شاب فرفور وحدانى وهيستقل بيك
واتفق مع الراجل معرفتك دة ان الكلام كلة يخلص فى دقيقتين تلاتة يعنى ميقعدش يتكلم كتير وانت متقلوش حضرتك ويا فندم والكلام المحترم دة
..................
البس الوش الحديد وبقك ما يتفتحش بكلمة

**يارا** · 19-09-2013 05:46 AM

ربنا يعوضك

وكما تدين تدان وربنا مش هيسيبه

وانت حقك هيرجعلك ولو بعد حين

والحمد لله ان لينا رب

**S O P H O S** · 19-09-2013 02:27 PM

معلش يا باشا
وبلاش تكبر الموضوع لان في شرط جزئي
ومحدش بيتعلم ببلاش

**M.FOUAD** · 19-09-2013 06:10 PM

بص يا باشا لو عايز الحق و المفروض دة ميزعلش ان فلوسك مترجعلكش
انت دفعت عربون عربية على اساس انك حجزتها ليك لو مكنتش عايزها او لسة هتفكر متدفعش فيها جنية مش تيجي بعد ما فكرت ترجع تقول عايز العربون
الغلطة غلطة الراجل اللي معاك هو المسئول انة يجيبلك فلوسك زي ما دبسك في عربونها
و الراجل لو رجع الفلوس يبقى ذوق منة
االموضوع دة مش بيحصل في العربيات بس بيحصل في كل حاجة الراجل دة كان ممكن يجيلة بيعة اعلى و احسن من اللي باعلك بيها بس هو ملتزم معاك بعربون و مباعش

**fathi 0101** · 19-09-2013 07:57 PM

بص يا اخ اعصر انا عارف انك متغاظ من الموقف اللى حصل ده
بس انا هقولك حاجه سواء رجعت 300 جنيه
أو رجعت 500 جنيه كلهم
أو مرجعتش منهم حاجه خالص
انت الكسبان
علشان اللى عند ربنا مبيروحش

**A3SAR** · 20-09-2013 02:49 AM

المشاركة الأصلية كتبت بواسطة m.fouad

بص يا باشا لو عايز الحق و المفروض دة ميزعلش ان فلوسك مترجعلكش
انت دفعت عربون عربية على اساس انك حجزتها ليك لو مكنتش عايزها او لسة هتفكر متدفعش فيها جنية مش تيجي بعد ما فكرت ترجع تقول عايز العربون
الغلطة غلطة الراجل اللي معاك هو المسئول انة يجيبلك فلوسك زي ما دبسك في عربونها
و الراجل لو رجع الفلوس يبقى ذوق منة
االموضوع دة مش بيحصل في العربيات بس بيحصل في كل حاجة الراجل دة كان ممكن يجيلة بيعة اعلى و احسن من اللي باعلك بيها بس هو ملتزم معاك بعربون و مباعش

انا دفعت العربون الساعه 11 بليل وتاني يوم الصبح سحبت البيعه
يعني هو ملحقش يرفض مشتري
وانا علي حق لان حتي التاجر قال انها فبريكه وطلعت عامله حادثه يعني هو مش امين
كان مفروض مرجعش فلوسي لو العربيه فعلا زي مقال عنها وانا رجعت في البيعه لاسباب تانيه
بس للاسف الغلط عند الراجل المعرفه اللى ورطني
الحمد لله علي كل شئ