-
انا راجعت على القراية و لقيتها مظبوطة
للأسف
انا قيمة الاستهلاك نفسها مش طبيعية
يعني أكتر من 2000 كيلوا
و الشقة مقفولة لحد الساعة 5 كل يوم
و مافيش و لا سخان كهرباء و لا ميكروويف هو تكييف 3 حصان بيشتغل 6 ساعات تقريباً و يمكن اقل
هو كدة في لعب بيحصل ايه بقى مش عارف
هل ممكن هو يلعب في قراية العداد
و هل يمكن اقدم طلب مثلاً ان حد يجي يفحص الشقة كلها و يشوف الاحمال
انا مش عايز اسرق كهرباء
يعني الموضوع ده مستبعده تماماً حتى الان
بس لو الوضع فضل كدة
انا هخرج نص الشقة بره العداد
-
هو اللعبة اللي حصلت ان ال 2000 كيلو المفروض يتوزعوا على 3 شهور انما هما حسبوهم استهلاك شهر واحد..
يعني مثلا 2000 ك على 3 شهور يبقى استهلاك الشهر 660 كيلو تقريبا ب 125 ج × 3 شهور = 375ج
اما لو اتحسبوا استهلاك شهر واحد يبقى 740 جنيه
احسبوها على الملف المرفق سابقا..
-
فاتورة الكهرباء
روح شركة الكهرباء و إطلب تشريح الفاتوره على المده الزمنيه
-
اه حلو موضوع تشريح الفاتورة ده
-
أنا برده الفاتورة جاتلي الشهر ده أكتر من 600 جنيه واستهلاك 1424 ك.و ويبدو إن ده اتجاه عام الشهر ده للحكومة عشان تغطي على خسايرها وإفلاسها وديونها من قوت الشعب الغلبان لأن حضرتك مش أول ولا تاني ولا عاشر واحد يشتكي من فاتورة الكهربا الشهر ده بالذات ولو دورت في النت هتلاقي شكاوى بالآلاف وفي ملايين مدفعوش الفاتورة واسأل المحصل وهو هيقولك
حسبنا الله ونعم الوكيل
نصيحتي متدفعش الفاتورة ومحدش هيقدر يقطع الكهربا عنك أو أضعف الإيمان روح الشركة واعترض على المبلغ والاستهلاك وهاتلهم فواتير الشهور اللي فاتت وقولهم يشرحوها وينزلوك لشريحة أقل ويقسطوها كمان على كذا شهر
-
للاسف السبب الاساسي فى الموضوع دا هو الكشاف والحركة القذرة دي كان برضوا بيعملها البوسطجي فى جوابات الناس , يقعد علي القهوة ويولع فى الجوابات اللي مفروض يوصلها للناس ,صدفت الظروف وكنت قاعد مع بسطجي وقالي حوار الجوابات دي وتخيل بقله حرام عليك يا اخي ما يمكن في الجوابات دي فيها حاجة مهمة , يقلي هو انا حيعدي علي كل بيت واطلع لكل شقه يعم كبر
حسب الله ونعم الوكيل فى كل واحد مش بيراعي ضميرة في شغله
-
هي ظاهرة عامة لدى المعارف والاصدقاء .. فاتورة شهر 9 أرقام خزعبلية جنونية سواء من حيث الاستهلاك أو قيمة الفاتورة ... أنا شخصيا كان استهلاكي طوال فترات الصيف الحارة جدا من أشهر 5 حتى أول شهر 8 حوالي 500 - 550 ك.و وأفاجأ فاتورة شهر 9 ان الاستهلاك حوالي 1100 ك.و تقريبا رغم اني في شهر 8 ( اللي بنتحاسب عليه في فاتورة 9) كنت مسافر وقافل الشقة 15 يوم ..... والغريب ان القراءة في آخر شهر كانت مضبوطة لما بصيت على العداد ......
فمش عارف الحقيقة هل هما فعلا بيضربوا قراءات قليلة كام شهر كده ويجوا في آخر شهر يلسعوا القراءة المتينة ولا ايه اللي بيحصل بالضبط ......
-
تم حذف المشاركة للخروج عن اطار الموضوع
مشرف 6 ب
1.50am
21/9/2013
-
ياريت منضخمش الامور و نضعها فى نصابها الحقيقى..... سبب القصة دى هو الكشاف اللى معندوش ضمير و بيعمل قراءات جزافية عشان الناس تخرج من شريحة استهلاكها للشريحة الاعلى و الفرق يصب فى مصلحة شركة الكهرباء و كلنا عارفين ان حوافز الموظفين فى الكهرباء بتيجى من القصة دى لدرجة ان فى ناس بتدفع الاف الجنيهات فى وسايط عشان تجيب تعيينات فى الكهرباء لان فلوسها حلوة و كله من عرقنا احنا
ادى كل الحكاية و ياريت الناس لا تتكاسل عن حقوقها و تروح ادارات شركات الكهرباء و تشتكى عشان يتعدلوا
-
انا كان الطبيعى فى عز الحر مع التكيف ٦٠ - ٨٠ جنيه ومعدل ٦٠٠ كيلو فى الشهر
امبارح جت الفاتورة ٦٠٠ كيلو برضه بس الفيمه ١٢٠ جنيه بدل من ٦٠ يعنى الضعف
ربنا يستر
Content Relevant URLs by
vBSEO 3.6.0 PL2