تقسيط مباشر ------- رجاء الدخول

**تامر.محمد** · 14-09-2008 11:44 AM

سلام عليكم
انا متفق مع صاحب الموضوع في نفس الطلب , مافيش تأمين , مافيش نسخة مفتاح , مافيش بنود غير منطقية في العقد , العربية تبقى بإسمي , و طبعا يكون التقسيط مباشر

و احب اضيف كمان لو حد عارف معارض بتقسط على سنة بدون فوايد

احب احييكم على المنتدى الرائع
انا متابع من فترة لكن من غير مشاركة

**drhaytham** · 16-09-2008 04:19 PM

المشاركة الأصلية كتبت بواسطة AhmedElsayed

مش عارف ياجماعة بس اعتقد الفرع بتاع المعادى ده على حد ما اذكر مش تبع دايهاتسو ده تقريبا موزع او حاجة كده
لانه ازاى دايهاتسو حتبيع عربيات تانية غير ديهاتسو؟
بس ايا كان ياريت اللى يروح يقولنا التفاصيل بالظبط وايه الشروط والمطلوب والتقسيط اد ايه وكده

أحمد السيد

انا مرة كلمتهم وقاللي ممكن اي نوع تاني لانهم شركة تمويل كمان

**amrrashed** · 16-09-2008 11:05 PM

الشركة العالمية للسيارات فرع عبداللطيف جميل شارع السودان المهندسين عند السلام شوبنج سنتر

**mostafabakry** · 16-09-2008 11:57 PM

يا جماعة فيه اخ لنا بالمنتدي عامل موضوع علي الشركة العالمية للتجارة اللي هي توكيل دايهاتسو و بيحكي عن تجربته مع الناس دي في التقسيط
اللينك بتاع الموضوع حتي نستفيد من تجربته

http://www.nilemotors.net/Nile/showthread.php?t=38754

**تامر.محمد** · 17-09-2008 02:41 AM

بصوا يا جماعة
باختصار

نستبعد كونتاكت , لأن في توبيك تاني هنا عرفنا ان مافيش تأمسن حلال في بلدنا للأسف , و كونتاكت بيشترط عليك انك تأمن , سواء عندهم او عند غيرهم
و كمان بيشترط انك تعمل له له توكيل بالعربية, و النقطة دي رفضت شرعا , و الكلام عنها في توبيك تاني هنا

اعتقد كمان ان العقد بتاع معرض عبد اللطيف جميل كان عليه اعتراضات شرعية

يبقى كده فاضل المعارض اللي بتقسط مباشر , مع النظر للتفاصيل
كذلك المعارض اللي بتقسط سنة بدون فوايد
اعرف منهم المحمل اللي في مدينة نصر
بس مش عارف تفاصيله ايه