الموضوع: التقرير المبدئى لاستخدام زيت ماتور زادو xado، ابيزا 94

تسلم ايديك يا مهندس حسام ربنا ينفع بعلمك يا رب .. خلاص ان شاء الله هفكر فى مياة الهيبو دى

تقرير 6100 كيلو

المقياس: أقل من الــ mini ولمبة الزيت منورتش !

اللزوجة: خفت أكتر ولكن لسه متماسكة.

اللون: اغمق بس مش فحمه.

ملاحظات:

- كنت قلت فى التقرير السابق ان كان فى تنشيع زيتن وانا مسحته طبعا عشان اتأكد ان التنشيع ده مش جديد، ومفيش تنشيع من ساعتها.

- بخصوص التشتيت الحرارى كويس جدا، لأن على الرغم من تسريب المياه اللى كان عندى الا انه محتفظ ببرودة الماتور بالشكل المناسب، وده بعد قعد أنقط (بالسوبر جلو) مكان تسريب المياه ومبقتش تنقط، والحرارة بقت كويسه الحمد لله، ده مبدئيا لحد ما اروح الميكانيكى.

- لاحظت ان كل ما الزيت بيخف ويبقى قليل كل ما صوت الماتور بقى اهدى بكتييير عن الأول، انا زودت زيت امبارح وبردوا الصوت هادى ولكن العربية تقلت سنه بسيطة، غير ما الزيت لما يبقى على الحروكروك

تقرير 7000 كيلو، زيت زادو 10/40 بيعمل 8آلاف إلى 10

المقياس : اقل من mini عند الكيلو 6900 يعنى قبل ما أكسر السبعه

اللزوجة : خفت أكتر ولكن لسه لزج

الرائحة : ريحته طبعا اتغيرت وبقت جااااز

اللون : لسه غامق زى التقرير اللى قبله ولكن مش فحمه

صوت الماتور: ماشاء الله هادى جدا، الا فى حالة ان الزيت ينقص جامد زى ما هبين لكم فى الملاحظات الجاية، فاسمع صوت تاكيهات وضخامه فى صوت الماتور كأن فيه هواا

ملاحظات

- اعلى سرعة ليا وصلت لــ 140 وممشتش عليها كتير، أقل السرعات طبقعا بسبب التزاحم ومشيت عليها كتير التانى والتالت وبالكتير الرابع فى حالا التسارع والتباطؤ

- أول ظهور لصوت التاكيهات لما الزيت نقص ولكن صوت خفيف بس مستمر بعد مشوار طويل، وبعد تزويد الزيت الصوت راح، وأحيانا تلاقيه ظهر واختفى على حسب ولكن بعد المشاوير الطويلة والجرى بالعربية

- التشتيت الحرارى أصبح ضعيـــــــف، والمروحة اشتغلت كتير جدا

- تسخين العربية سريع والسحب مش بطال ولكن ليس على الكفاءة المطلوبة ومش عارف ده بسبب طقم الدبرياج ولا الزيت .. لأن السحب ليه اسباب كتيرة

- نقصان المياه بقى لا يذكر خالص بعد ما نقطط على مكان التنقيط بالسوبر جلو لحد ما اروح للميكانيكى اطمئن ، لانى مش مستعد خالص اليومين اللى فاتو دول.

-مفيش تنشيع زيت زى اللى ذكرته قبل كده على ما أظن وأعتقد اللى اسعفنى بعد فضل الله، موضوع برودة الجو .

- الجركن اللى معايا وفيه الزيت اللى بزود منه، لسه فاضل فيه كتير تقريباً اقل من علامة نص لتر بشوية خفيفه !!!!.


تقبلوا تقديرى واحترامى

تقرير 8000 كيلو، زيت زادو 10/40 بيعمل 8 آلاف إلى 10



المقياس : مزودتش زيت والمقياس مظبوط على نص المؤشر بالظبط !!!!!!

اللزوجة : خفيف ولكن مش ميه

الرائحة : جااااز

اللون : غامق جدا ولكن لما احط على ايدي يبان ليه لون فاتح شوية

الماتور: ماشاء الله هادى جدا على السلانسيه الا فى بداية التسخين او لما اجرى جامد واحرق على الغيار بحس ان الصوت بدا يعلى شوية عن السابق بس مش اوى، السحب كويس، مفيش تنشيع زيت، لاحظت فقط انى لما ادور تبطل تانى كل شوية بمعدل 3 مرات فلازم اسايسها وادوس جامد شوية لحد ما تلقط وتستمر فى الدوارة، مش عارف ده بسبب البرد ولا لاء، والكاربيراتير عندى مش مخنوق زى الفل ..

ملاحظات

- اعلى سرعة ليا وصلت لــ 140 وممشتش عليها كتير ومحاولتش احرق على الغيارات، التسارع والتباطؤ قل شوية بسبب الحالة المرورية اصبحت الى حد ما كويسه

- صوت التاكيهات اللى كان بيظهر ما الحرارة بعد المشاوير الطويلة مبقاش يظهر

- التشتيت الحرارى مش عارف احدد بسبب البرد الشديد، احيانا درجة الحرارة كان بتوصل بيا لنص الشرطة التخينة اللى بعد الزيرو ! ( عايز اركب ترموستات كوعه وخايف مش عايز الحرارة توصل للنص، بيدخلى صهد جامد فى الصيف .. وخايف ليضرب الجوانات ولا اى خطر بقى ).

- تسخين العربية مقارنة بالجو اللى احنا فيه سريع وكويس على الرغم من التبطيل اللى فى الأول وده الجديد.

- نقصان المياه بقى لا يذكر خالص لكن ان شاء الله اروح للميكانيكى اطمئن.


- الجركن اللى معايا وفيه الزيت اللى بزود منه، لسه فاضل فيه كتير تقريباً اقل من علامة نص لتر بشوية خفيفه !!!!.

- بفكر عند التغيير القادم انتقل للتخليقى الكامل، او ممكن نجرب زيت تانى زى فيسكو او اكاسترول سامع الاعضاء مبسوطين منهم، وهنا ممكن نقدر نحكم على الزيوت لأن المقارنة هتكون بين زيوت مختلفة أمام عربية واحدة وطبيعة سواقة واحدة وظروف واحد فنقدر نميز بين الزيوت.

تقبلوا تقديرى واحترامى

المشاركة الأصلية كتبت بواسطة muslimmeskeen

إزيك يا محمد باشا.. أنا محمود :)
التدرج اللي الزيت ماشي بيه من خلال تقاريرك يدل إن فعلاً تكنولوجيا المرممات في الزيت ده اشتغلت عندك.. وظابطة الأداء مع الموتور.. وزي ما قال سابقاً د.المناهري (من أكثر الناس على المنتدى دراسة لخواص الزيوت وأدائها) إن هتلاحظ دور المرممات في الموتور من بعد الـ 3000كم.. يبدو أن الزيت فعلاً مناسب للمحركات اللي عاملة كيلومتر عالي فعلاً..
وفي سؤال.. إجمالي الزيت اللي زودته كدة من ساعة الغيار ده.. وحتى الآن أد إيه؟
وبنظرتك انت الموتور هو اللي كان بياكل الزيت (مقارنة بالزيوت السابقة)؟, ولا نسبة البخر في الزيت عالية؟ ولا بسبب الشوية اللي رشحوا من الجوان سابقاً؟

منور يا محمود باشا الموضوع

بخصوص كمية الزيت اللى زودتها حتى الآن قيمة حوالى اربع مرات فى كل مرة قيمة نص سم ع المقياس بتاع الماتور، يعنى بالبلدى ( بق زيت ف كل مرة)، وباقى معايا اقل من نص لتر بحاجه بسيطة، والجركن 4 لتر والعربية بالفلتر بتاخد 3.5 لتر

الماتور هو اللى كان بياكل زيت طبعا والبخر فى الزيت لا يذكر، انا كنت حاطط شل 15/50 يعنى تقيل جدا وكنت بسمع صوت التاكيهات والماتور تقيل وفى نفس الوقت كان احيانا بينقص بردوا، فمعنى ان الزيت مينقص بسرعة كده مع انه نص تخليقى يبقى اعتقد كويس بس مش عايز اسبق التققيم النهائى للاعضاء بعد الـ 10000 ربما نغير وجهة نظرنا.

بالاضافة الى الزيت اللى كان بينشع من الجوان ده فرق بردوا، وكمان ان اللى حطلى الزيت كان فوق المقياس بكتير فده كان ضاغط على الموتور جدا وكنت بجرى فى السفر جامد فربما ده سبب التنشيع والحمد لله معملش حاجه فى البوجيهات .. لكن عموما مع كل الف كيلو بينقص بقيمة نص سم تقريبا

انا نسيت اقول حاجه انه بقى يوفر معايا ف البنزين !!

تقرير ممتاز
وشكرا لحضرتك على متابعة الموضوع

تقرير 9000 كيلو، زيت زادو 10/40 بيعمل 8 آلاف إلى 10



المقياس : على أول شرطة الـ mini

اللزوجة : خفيف لكن لما كشفت عليه بعد الفجر كان لزج بردوا مش ميه

الرائحة : جااااز

اللون : خودوا الصور دى وقرروا انتو




الماتور: الصوت على شوية فى آخر ال 9000 او لما دخلت على ال10000 لكن مفيش صوت تاكيهات ، هو الصوت عالى بس فى اول التدوير بعد كده كويس.

ملاحظات

- تعمدت أحرق على الغيار، والحرق عندى انى ما انقلش النقله الا بعد ما اجيب 3 فى الـ rpm وكنت بجرى بالعربية، ع 120 أو 130 ومشيت ع ال120 كتير، التسارع والتباطؤ زاد بردوا بسبب الزحمه لمسافات طويلة.


- التشتيت الحرارى: مش بطال بس المروحه اشتغلت كتير خصوصا فى اليومين اللى كانوا مش برد دول.

- تسخين العربية مقارنة بالجو اللى احنا فيه سريع وكويس وربما ده نتيجه لان الزيت بقى خفيف.

- الجركن اللى معايا وفيه الزيت اللى بزود منه، لسه فاضل فيه زيت الحمد لله

- بقى فى توفير فى البنزين


تقبلوا تقديرى واحترامى