الموضوع: التقرير المبدئى لاستخدام زيت ماتور زادو xado، ابيزا 94

تقرير 10000 كيلو، زيت زادو 10/40 بيعمل 8 آلاف إلى 10



المقياس : تم اضافة زيت فى الكيلو 9300 !! وفى الكيلو 9800 وفى الكيلو 9950

اللزوجة : خفيف

الرائحة : جااااز

اللون : اسود، ولما بمسحه بالمنديل، بيبان لون فاتح شوية بعد ما المنديل بينشف. ولكن بردوا غامق.

الموتور: الصوت اصبح غير مريح ، مش ناعم ، فى نهجان ( هـ هـ هـ هـ ) ومش على وتيرة واحدة، وأحيانا اسمع صوت تاكيهات، هدى شوية لما زودت الزيت اللى عندى كله مع الظبط على المقياس.



ملاحظات

- أعلى حرارة للعربية بتبقى 70 والمروحه بتشتغل وتنزل الحرارة لقبل 50

- نص عدد الكيلوات كان فى أيام حر، والنص التانى كان فى أيام برد جدا.

- لاحظت انى لما احرق ع الغيار، معدل تزويد الزيت بيبقى اسرع، ولما تكون السواقة هادية بدون حرق، معدل التزويد بيكون مناسب.

- التشتيت الحرارى: فى الأول كان ممتاز، وفى آخر 3 آلاف كيلو كان ضعيف خصوصا على السلانسية المروحه تشتغل كتير وفى الجرى الموتور بيبقى تلاجه.

- الجركن اللى معايا وفيه الزيت اللى بزود منه، انتهى تماما عند الكيلو 9950.

- بفكركم انى العداد عندى كاسر ال 220000 كيلو

- استخدام يومى من الشيخ زايد لمدينة نصر والعودة ما استخدام داخل المدينة نفسها يوميا بمعدل اجمالى 90 كيلو/يوم

- الزيت تقريبا فضل متماسك اللزوجه لحد 8000ك وبقت خفيفه ولكن مش سائلة، لكن بداية من 9000 بقى خفيف وتم تزويد زيت أكتر من 3 مرات فى الآلف الأخير.


نصايحكم سريعاً:

- اتصل بزادوا يجيبولى نفس الزيت ولا اجيب زيت تخليقى كامل، ولا اغير واجيب وولف ويجيو لحد البيت يغيروا الزيت ولا اجيب نوع تالت ولا اعمل ايه.

- هل شايفين ان الزيت كان كويس بعامل خبرتكم ولا لاء .؟

- اى نصايح اخرى ؟

تقبلوا تقديرى واحترامى