نتشة في فتيس السيات ليون 2004 - ارجو المساعدة

**tarekallaithy** · 18-09-2013 07:23 PM

معايا عربية سيات ليون 2004 اوتوماتيك الفتيس في نتشة بسيطة لما بيجي ياخد الغيار , كشفت عليها كومبيوتر الفتيس معملش اي error , فهل دة زيت الفتيس محتاج يتغير زي ما الميكانيكي قال, و لا ممكن يبقى في مشكلة في الفتيس و الكومبيوتر ماشافهاش ؟؟,,, ارجو المساعدة

**iBiZa** · 18-09-2013 07:53 PM

ممكن يكون زيت بس احتياطى اكشف عند حد تانى لان الزيت مش رخيص.

**tarekallaithy** · 20-09-2013 11:08 AM

تم تغير الزيت و الفلتر , و للاسف المشكلة مازالت ماوجودة ,, الكومبيوتر مش مدي اي error بردو ؟؟؟؟!!!!!

**iBiZa** · 20-09-2013 08:55 PM

استنى عليها 1000 كيلو بعد تغيير الزيت, لو مش ظبط يبقى لازم يتحل و يتكشف عليه.

**tarekallaithy** · 21-09-2013 07:26 AM

اشكرك جدا على الرد و على تعبك,, بس لو المشكلة استمرت ,, هيكون اية السبب و حل الفتيس هيتكلف كام و اية اللي هيتعمل فية ؟؟,, و اسف جدا على الاطالة

**sala7** · 21-09-2013 08:57 PM

إديني كود الماكنه عندك و كود الفتيس ده أولا
ثانيا : زيت الفتيس ما بيتغيرش نهائيا إلا في حالة انه اتغيره مره علي الأقل بعد اول ٦٠ ألف كيلو للعربيه
زيت الفتيس ما بيتغرش إلا بعد الكشف علي حالة الفتيس الأول و ده بيكون بعد فك الفتيس بره و تفضي الزيت اللي كان فيه في مكان امين .. لو الفتيس حالته تمام من جوة يتحط زيت جديد عادي لكن لو الفتيس في تاكل في حواف الوصلات الخاصة بتروس الحركة و الجلب ترجع الزيت اللي كان فيه اللي انت شلته في مكان أمين و لو ناقص يتزود ب زيت جديد بدون مشاكل
طبعا هتقول عليا مجنون علشان بقولك تفك الفتيس بره و تكشف عليه .. بس هو ده الصح و هو ده اللي اتعلمته في سيات
الكلام ده علي ضمانتي الشخصيه و من وقع خبرتي و تجاربي

ملحوظة : الفتيس تقريبا بياخد ٦ لترات زيت

بالنسبه لمشكلتك بقا حلها بيكون في نقطتين
١- يا أما كرسي الفتيس باظ و عاوز يتغير .. و ده اللي بيخليك تحس بالنتشه او النتعه دي .. و بنصحك تغير ٣ كراسي مع بعض ( كرسي ماكينه و كرسي الجير و الكرسي المساعد اللي بيكون تحت الماكنه في المنتصف تماما .

٢- أو الجير نفسه عوز يتجفت .. بمعني انه يتفك بره العربية و يتغير فيه ٣ حجات ( سلونويد بالكامل - جلب جديده - زيت اصلي)

وأنا في الخدمة لو احتاجت أي سؤال

**hossamalsadik** · 22-09-2013 12:03 AM

الدوره التدريبية بتاعت السيات فى فولكس فاجن عمله شغل جامد يا ابو صلاح
Quality education is the best investment for your future
ربنا يزيدك من العلم ويبركلك

**SYD** · 22-09-2013 03:09 PM

توضيح
كرسي الفتيس = قاعدة الفتيس
نصيحتي ليك - حط الموضوع في دماغك بس ما تبدأش في الشغل غير لما تلاقي الصنايعي الفاهم اللي هيشتغل فيها - لأن تقريبا مفيس صنايعي فتايس كويس في مصر

تحياتي