صوت طقطقه محسوسه في الدريسكيون

**last love** · 18-09-2013 07:52 PM

السلام عليكم اعضاء المنتدي الكرام

انا معايا النترا 2010 ماشيه 40 الف
حصل معايا لما بلف الدريكسيون لفتين مش للاخر بحس بطقطقه في الدريكسيون (محسوسه غيرمسموعه) وخاصه لما بلف الدريكسيون شمال
وبحسها اكتر لو ماشي على طريق متكسر او نازل من مطب او طالع حته عاليه ولافف الدريكسيون طبعا
رحت لواحد بتاع عفشه ركبها جربها ونزل بص تحت قالي دي عايزه تربيط الصواميل فاكه خالص قلتله ربط ولما ربط حسيت بالصوت ده تاني فانا هروحله تاني ان شاء الله بس انا قلت اسئل اتطمن منكم اولا وثانيا اكون على درايه بالموضوع اذا المشكله دي مرت على اي حد منكم يفيدني واكون شاكر له ولكم جميعا

**Haitham Basha** · 19-09-2013 01:10 AM

شوف يا غالي هتعمل الآتي إن شاء الله :
1- طربت عفشه و تأكد إنو ربط البطاحات .
2- لو بعد التربيط الصوت مرحش تشيك عند العفشجي و يكون كويس مش أي كلام على صليبه الدركسيون و دراعين سكاترة
3- لو برضو الصوت مرحش يبقى قطمة الدركسيون يا إما بقى هتطلع زي ناس كتير و تبقى علبة الدركسيون بس إن شاء الله تتحل مع التربيت ....!!!

**last love** · 20-09-2013 09:07 PM

شكرا على الرد والاهتمام اخ هيثم
انا رحت لعفشجي تاني غير الاولاني ركب وجربها قالي طبيعي مفيهاش حاجه علشان اعملهالك
قلتله فك وشوف خلينا نتطمن
لما بص وشاف قالي من السكاتره بتعملك صوت بسيط وربطلك عليها معرفش هوا ربط فيها ايه
المهم قالي عادي متقلقش خليك وراها لحد ماتتهلك خالص وتبقى تغيرها بعدين
ايه رئيك في الكلام ده؟

**Haitham Basha** · 20-09-2013 11:10 PM

على الرحب و السعة يا باشا ... طب الصوت راح شوية و لا لسه موجود على العموم هيا ممكن تتصلح و المشكلة إنها غالية على شان تتغير فلو الصوت راح يبقى تمام مرحش يبقى تتفتح و تشوف المشكلة فيها إيه بس لو العمود الصلب هو الي فيه مشكله يبقى لازم كلها تتغير ...شوف و طمني يا باشا

**Hussein_Ramdan** · 20-09-2013 11:12 PM

بص يابرنس انا تقريبا كنت اول واحد اشتريت اللنترا الجديدة فى المنتدا
والحمد لله بردو المشكلة الى انت بتحكى فيها دى لفيت بيها على فرع ابو رواش وفرع قليوب
وبعد طول مدولات وافلام وقصص
غيرو علبة الدريكسيون
المهم بعد ما غيروها لقيت نفس المشكلة روحت عملت نمرة هناااااااااك جامدة طلع الفنى قالى ابوس ايدك لو انت قولت ان المشكلة لسة بعد ما هو غير العلبة هياخد خصم
المهم بعد افلام كتير لم تحل المشكلة
ههههههههههههه
وبعت العربية بس مش عشان العيب دة
عشان كانت غليت وجاتلى باعها حلوة فيها

**last love** · 21-09-2013 03:52 PM

المشاركة الأصلية كتبت بواسطة haitham basha

على الرحب و السعة يا باشا ... طب الصوت راح شوية و لا لسه موجود على العموم هيا ممكن تتصلح و المشكلة إنها غالية على شان تتغير فلو الصوت راح يبقى تمام مرحش يبقى تتفتح و تشوف المشكلة فيها إيه بس لو العمود الصلب هو الي فيه مشكله يبقى لازم كلها تتغير ...شوف و طمني يا باشا

الصوت خف جدا اخف من الاول بكتير ويكاااد يكون ظاهر ومحسوس في الدريكسيون
اللي عايز اتاكد منه بس لما العفشجي قالي خليك وراها لحد ماتتهلك خالص وتبقى تغيرها في مشكله في الكلام ده ولا غلط؟
والسكاتره في التوكيل عامله كام عندك فكره؟

**last love** · 21-09-2013 03:56 PM

المشاركة الأصلية كتبت بواسطة Hussein_Ramdan

بص يابرنس انا تقريبا كنت اول واحد اشتريت اللنترا الجديدة فى المنتدا
والحمد لله بردو المشكلة الى انت بتحكى فيها دى لفيت بيها على فرع ابو رواش وفرع قليوب
وبعد طول مدولات وافلام وقصص
غيرو علبة الدريكسيون
المهم بعد ما غيروها لقيت نفس المشكلة روحت عملت نمرة هناااااااااك جامدة طلع الفنى قالى ابوس ايدك لو انت قولت ان المشكلة لسة بعد ما هو غير العلبة هياخد خصم
المهم بعد افلام كتير لم تحل المشكلة
ههههههههههههه
وبعت العربية بس مش عشان العيب دة
عشان كانت غليت وجاتلى باعها حلوة فيها

مشكله كبيره لما حد يغيرلك حاجه مش محتاجه تتغير وهيا سليمه

عامه مبروك على بيعها وربنا يرزقك بعربيه مبتعطلش ان شاء الله

**Haitham Basha** · 22-09-2013 06:20 PM

المشاركة الأصلية كتبت بواسطة last love

الصوت خف جدا اخف من الاول بكتير ويكاااد يكون ظاهر ومحسوس في الدريكسيون
اللي عايز اتاكد منه بس لما العفشجي قالي خليك وراها لحد ماتتهلك خالص وتبقى تغيرها في مشكله في الكلام ده ولا غلط؟
والسكاتره في التوكيل عامله كام عندك فكره؟

هو ممكن تفضل وراها لحد ما تجيب أخرها بس ده ممكن يأثر على حاجات تانية و بالنسبة للسعر مش عارف و الله بس كلمهم و شوف و نصيحة غيرها أحسن و ريح دماغك و اشتري عربيتك و نفسك ...