مشكلة خطيرة جدا فى جين تو موديل 2012 وللاسف مشكلة توكيل وصيانة وضمان
بسم الله الرحمن الرحيم
السلام عليكم ورحمة الله وبركاته
معايا بروتون جين 2 موديل 2012
روحت يوم الاتنين الصيانة الدورية العادية بتاعت العربية ,,, وتمت وبعد ما خرجت من مركز الصيانة ... لمبة الايرباج منورة ومش بتتفطى
الكلاكس بيشتغل لوحده والعربية مطفية !!!
وبعد كدة الكلاكس فصل تماما
ولعت النور,, النور كله قعد يرعش نور التبلوه و نور الفوانيس ...
روحت الصيانة يوم الثلاثاء 17/9/2013 مهندس الصيانة قال الجزء المسئول عن الكلاكس والنور والايرباج عطلان و حيتغير ولما قريت على المنتدى تقريبا الجزء ده اسمه كلوك سبرينج وعشان يتفير .. ولازم موافقة الضمان .. هل من المعقول ان العطل حصل بسبب الصيانة .. وابقى متضر استنى الضمان يوافق على تغير الجزء ده ..!!!!!!! اعطل نفسى عشان سوء صيانة والمشكلة من الصيانة ,.. وافضل مستنى التوكيل والضمان لحد يأما يوافق على تغير الجزء ده ياما لا ...
غير ان مدير مركز الصيانة فرع جسر السويس طبعا مش موجود ...
دلوقتى هما قالوا حيبعتوا ميل للضمان يسالوه ياخدوا الاوكى على تغير الجزء ده والكلام ده اتعمل يوم التلات 17/9/2013
كلمت مركز الصيانة بتاع اوتو ماجد بتاع صيانة (هيونداى-بروتون...
طبعا خدمة العملاء واحدة بتتكلم من طرف مناخيرها ومش تايقة تتكلم مع حد !!! سئلت قالت لسة الموافقة مجتش
دلوقتى ايه المفروض اعمله .. اعمل محضر فى القسم ان العربية كانت عندهم وطلعت بعيب خطير زى ده الايرباج كدة ممكن فى اى وقت تنفجر فى وشى .. والعربية من غير كلاكس !!! طبعا انا راكن العربية مش بتحرك بيها عشان خطر
ولا اروح لحماية المتسهلك !! ؟؟ مش عارف اعمل ايه .. حقى ضايع والتوكيل هوا السبب !!! وانا الى عمال اكلمهم واهتم بلموضوع
اما العربية تبقى زى الفل وتخش وتطلع من عندهم بعيب زى ده !!!
حد يقدر يساعدنى فى المشكلة ديه ؟؟ ايه الخطوات الى مفروض اعملها ؟؟؟؟؟
