الحرامي بيعمل شوبنج .

**Imhotep** · 19-09-2013 10:25 AM

واحد صاحبى رجعتلهم عربية ابوه بعد 8 شهور من سرقتها...... اللى ربنا يريده يكون و قدر الله و ماشاء فعل...... و كله هينضف ان شاء الله..... الامن بيحاول يعمل اللى عليه حتى لو اتأخر زى ما بيحصل دلوقت مع الارهابيين فى كرداسة و لسه متوفى اللواء مساعد مدير امن الجيزة..... بس ان شاء الله كل البلطجية و الحرامية و الارهابيين ملهمش مكان فى البلد دى...... و فوضى كتير من بتاعة اخر 3 سنين لسه هتاخد وقت عشان تتلم

**mr_vampire** · 19-09-2013 11:03 AM

فوضي اخر 3 سنين محتاجة كتير عشان تتلم !!!!!

طب وفوضي ومليشيات الداخلية من البلطجية اللي كانو معروفين ليهم بالاسم وكانو بيستخدموهم واللي شوفنا عينه منهم فالايام اللي فاتت ... وفساد الداخلية من الداخل في 30 سنة. كانت محتاجة اد ايه عشان تتلم ؟؟؟؟؟؟؟؟؟؟

**احمد المصرى** · 19-09-2013 12:13 PM

يخدوا دبابه واحده من ال نزلوا بيها كرداسه على كام عسكرى برضوا من بتوع كرداسه وينزلوا على المناطق ال فيها عربيات مسروقه ولا هما مش بيعرفوا يتعاملوا غير مع بتوع كرداسه بس !!!!!!!!!!!!!!!!!!!!!!!!!!!!!

**mr_vampire** · 19-09-2013 12:34 PM

ميقدروش. بجانب انهم عصابات مسلحة والشرطة معاهم مسدسات مية مداها صغير. بس برده ميقدروش يخسرو رجالتهم اللي بيقفو معاهم وقت الزنقة.

مينفعش يتحركو عشان يرجعو عربيات مواطنين عاديين عشان لما عربيات مشاهير تتسرق ترجع في نفس اليوم وبالتليفون.

**ashekwalaa** · 19-09-2013 03:04 PM

الوضع مخزي جدا ... والله أنا من أسبوعين اتصلت بالشرطة عشان اتعرضت للتثبيت في الشارع ... وأقسم بالله ماجوش لحد دلوقتي ... الراجل خد بياناتي كلها وقاللي هنيجي ونشوف الواقعة ... وانتهى ... مش عاوز أتكلم سياسة بس بجد البلد في الناااااااااازل ... والنفاق ملى الدنيا ... والمعايير اختلت ... والأولويات اتقلبت ... والقوة والجبروت بيستخدم ضد ناس معينة .... وبنبقى كتاكيت ضد ناس تانية ... وبنطبق الحد الأدنى بشكل مسرحي ونيجي للحد الأقصى نخاف من الحيتاااااااااااان فنكش ... ونعمل لجان تملا مصر واللي يخترق الحظر يتفشخ .. وطول النهار مفيش عسكري مرور في شوارع وميادين مصر ... قرف .. قرف .. قرف .. المشكلة مش ثورة ولا انقلاب ولا بلا أزرق ... المشكلة شعب عنده انفصااااااااااااااام ، وعايز الثورة متعديش جنب باب بيته ولا تتعرض لمصالحه الشخصية وتولع مادام أنا مستكنيس

**amrezzat82** · 19-09-2013 03:56 PM

ربنا ينتقم من كل من تخاذل فى شغله أو آداء واجبه..و يهلك الظالمين
آمين..

**Terrible_DaRsH** · 19-09-2013 05:58 PM

المشاركة الأصلية كتبت بواسطة أحمد كمال

ما هو لو بنت عمة حضرتك اسمها بانجو كانت العربية زمانها رجعت من بدري ...... بس الحمد لله انها اخت فاضلة مش بانجو و العوض على الله في العربية و ربنا يردها لها احسن رد

نسميها بانجو ونرجع العربية هههههه.

مازال البحث مستمر، انا اتسرق منى بطاريات بالهبل حتى من تحت البيت كمان :)

الحرامية فى البلد دى