الموضوع: الحرامي بيعمل شوبنج .

المشاركة الأصلية كتبت بواسطة al-farooq

عصابات مسلحة بجد ايه ، يعني الداخلية والجيش هما اللى مسلحين بهزار!
طيب بلاش شرطة ، انت مشفتش الاباتشي وهي بتأمرك على البحر وتهزر مع الناس ، مينفعش تاخدلها جولة على الأوكار دي يعني!

لا ..المتظاهرين هم اللى مسلحين بهذار
انما الاوكار دى مش بتهذر..ويمكن حد منهم يتقتل,وكل ده عشان خاطر ايه حضرتك؟عشان يجيبلك عربيتك؟اكيد هيقولولك ادفع فديه 20-30 ولا نموت عشان خاطر شويه حديد

مش دفاعا عن الشرطة و لا حاجة لانهم بلاويهم كتير و محتاجين اعادة تأهيل للجهاز بالكامل..... ده بس قبل ما حد يجنح بالموضوع للسياسة

لكن العمليات اللى كلنا عايزينها و نفسنا انها تحصل عشان يستتب الامن و يتم القضاء على البؤر الاجرامية..... التخطيط و الاعداد لها بياخد وقت طويل..... و ده السبب فى تأخيرهم عن دخول كرداسة كل الوقت ده لان العملية محتاجة تخطيط محكم لانها وسط منازل مدنيين سهل جدا المجرمين ياخدوهم دروع بشرية و تكبيد القوات المهاجمة خسائر كبيرة فى افرادها او فى الرهائن...... كرداسة كمان لها ظهير صحراوى كبير فى ابو رواش و قرى اخرى زى ناهيا...... كل ده محتاج تأمين و عمل مشترك مع الجيش

كل ده بدأ يحصل واحدة واحدة و البؤر دى ان شاء الله هتنتهى بمرور الوقت...... وادى خبر للناس اللى هنا من الشرقية ياريت تقولنا نظام المنطقة دى ايه:
الأمن والجيش يشنان حملة موسعة لمداهمة أخطر بؤرة إجرامية بالشرقية
http://www.youm7.com/News.asp?NewsID=1260993

ربنا يوفقنا جميعا