السلام عليكم

الحمدلله العربية عملت 69 الف عندي وكنت الفترة اللى فاتت بفكر اجيب انهي نوع زيت من الانواع كتير اللى بنشوفها .. بعد ماقريت الموضوعين دول توكلت على الله وقولت اجرب الـwolf وجربت كمان زيت الفتيس بتاعهم لانى كان لازم اغيره تاني لأنه لما نزل مكنش نضيف ولازم يتغير بعدها على طول عشان بقيت الرايش ينزل وفعلا نزل


http://www.nilemotors.net/Nile/36162...mw-2007-a.html

http://www.nilemotors.net/Nile/36139...bizol-gl5.html


كان عندي مشوار في القاهرة يوم السبت فكلمتهم يوم الخميس عشان عارف انهم عندهم خدمة توصيل .. بس مع الاسف يوم السبت مش بيوصلوا الزيت لازم تروح تخده

روحتلهم مكانهم في مدينة نصر الساعة 4 كده وقابلت الموظف هناك رحب بينا وحكالنا عن الشركة والتوكيل والزيوت بتاعتهم



بس مكنتش عامل حسابي اني هجيب زيت الفتيس من عندهم .. كنت هجيب الفوكس اللى قالي عليه فورميلاتور بس روحت لاقيتهم قافلين ملكوش نصيب

لاقيت عندهم كذه نوع زيت للفتيس قعدت اشوف كود الفتيس بس مش مكتوب عليه حاجة :( فقالي انا هشوفلك من على الكمبيوتر انهي واحد يتناسب مع الفتيس وفعلا جابلي النوع وجبت 5 لتر عشان فكيت الفلتر ولما رجعت بالليل اتأكدت فعلا انه مناسب للفتيس

دى مواصفات الفتيس G 055 025 A2 الكود 09G




ولاقيت عندهم كمان زيت باكم فـ جبت علبتين والعربية عندي خدت علبة واحدة بس




وشوفت عندهم فلاتر ولقط فلتر بوش فـ سألته ده لأنهي عربية قالي للسكودا فـ جبته بـ35 جنيه قبل الخصم

دفعت حوالي 760 جنيه بعد خصم الـ5% وخدت كارنيه عضوية و 3 معطرات

............

روحت يوم الاربع للميكانيكي عشان اغير الزيوت واستغرب من الزيت قالي انا مسمعتش عنه قبل كده .. فتح علبة زيت الفتيس وقعد يشمها وقالي زيت كويس ونضيف

بدأت يشفط زيت الموتور كنت حاطط شيل 10 تلاف ومكملش الـ9 تلاف ونزل محروق

انطباعي بعد الزيت بالنسبة للماتور صوت الماتور بقي هادي جداا لما كان الشيل كان الماتور صوته عالي وبينعر والسحب اتحسن كتير عن الاول

بالنسبة للفتيس النقلات مبقتش محسوسة خالص زي الاول ولا اكنه بينقل

دى خلاصة التجربة واي حاجة هلاحظها في الفترة القادمة هقولها

تحياتي