-
حد ساكن فى التجمع هنا :)
السلام عليكم
فيه شقة فى التجمع مساحة كبيرة وحلوة معدية وتقسيمة ممتازة
والمنطقة كمان اللى فيها الشقة كويسة جدااا
المشكلة بقى انها دور ارضى
وزى ما انتو عارفين التجمع فيه ارضى وبدروم كمان وروف
هى ارى وبيقولوا ارضى مرتفع
بس معرفش نفسيا مش مقتنع قوى بالحوار ده
رغم انه فيه سور حولين العمارة يعنى مش ارضى على الشارع وكده
ياريت تقولو رايكم وايه عيوب الارضى ولا مميزاته ؟؟؟
شكرا لكم
-
روح شوف المكان بنفسك مينفعش تقرر على السمع بس
-
انا شفته يا باشا بس برضه لسه محتار
خصوصا ان الشقة لسه متشطبتش فيمكن الصورة لسه مش كاملة
بس حاسس ان لو حد ماشى فى الشارع هيبقى شايف لو حد فى الرسيبشن
وكمان السرقة والكلام ده
فعايز اجمع الاراء
وهل بيع الشقة الارضى بعد كده لما اشطبها وحبيت ابيع هتبقى الدنيا ازاى ؟؟
شكرا لردك
-
ماتشوف حاجه تانيه دور علوى علشان تريح نفسك من انك تعمل حديد على كل الشبابيك و الابواب و تبقى مجرح و كده
معلش علشان بدور زيك ممكن تقولى المنطقه و رنج الاسعار فيها كام
-
بص يا صديقى انا مش بحب الدور الارضى مهائى وفى ناس غاويه الدور الارضى علشان الجنينه
وهتلاقى الدور الارضى اسعاره اقل من المتكرر
السؤال بقى هى فى منطقه ايه؟
-
بلاش الأرضي عشان موضوع السرقة وهتلاقي نفسك مضطر تعمل شبابيك وبلكونات حديد للشقة كلها غير التكلفة هتحس كأنك في سجن ! وكمان ممكن تكون مجروحة زي ما انت بتقول
أحسن حاجة تشوف حاجة تاني بلكونة أو تالت بلكونة بالكتير بشرط ميكونش الأخير لازم يكون فوقك شقة مغطية شقتك كلها مش روف بس علشان موضوع الشمس متضربش في سقف شقتك وتسخنها وهتضطر تجيب تكييفات على الأقل 2.25 حصان لكل غرفة لو الغرف صغيرة و 3 حصان لو الغرف كبيرة
-
بيعها مش سهل و كمان رطوبة و أي مشاكل في الصرف بتاع العمارة ممكن يدايقك و كمان زي ما أنت قولت مجروحة. الأرضي ده حلو في مكان واحد. المصايف.
-
شكرا لارائكم يا شباب بس مفيش حد ساكن ارضى فى التجمع يقدر يقول برضه رايه ايه
والناس اللى بتسأل على الاسعار اعتقد المتر مبيقلش عن 3000
وربنا يكرم
Content Relevant URLs by
vBSEO 3.6.0 PL2