السلام عليكم جميعا و لعلكم بخير
وعليكم السلام ورحمة الله وبركاتة
دلوقتي المشكلة ان مياه العربية بتنقص جامد.يعني كل يوم مثلا لازم ازود قيمة كباية كبيرة كده او اكتر كمان على حسب المشوار.
انا هحكي اللي حصل قبل المشكلة دي عشان احط الناس كلها في الصورة
1-الوصلة الشجرة اتشرخت و انا ماشي على الطريق و اضطريت امشي عليها ربع ساعة بس عشان اروح للميكانيكي و طبعا قبلها صبرت عليها تبرد شوية و زودت مياه و موشر الحرارة كان في وضعة الطبيعي اثناء المشوار لحد مغيرتها ولا زاد ولا حاجة.
لحد هنا كلام جميل
2-بعد كده بكم يوم غطاء القربة نفسة اتشرخ هو كمان.وقبل كده كانت المياه بتنقص بس انا مكنتش بمشي بيها كتير اصلا فمقدرش احكم المعدل كان ايه.بس وانا ماشي و مع اول مشوار جامد بالنهار لاقت مرة واحدة مؤشر الحرارة عدى النصف.ركنت علطول و سيبتها شوية و فكيت الغطاء و غيرته من محل و زودت مياة و مشيت.الغطاء بقى مختلف شوية عن بتاع الفابريكة.اللي جيبتة زوره قصير شوية بس بيقفل عادي و محكوم كويس على القربة.
على كلامك كدة كان عندك مشكلة فى دائرة التبريد وغالبا الدائرة واخدة هوا ودة سبب شرخ غطاء القربة ويمكن سبب شرخ الشجرة فى المرة الاولي
3-لاحظت بعد كده ان فيه رشح زيت من غطاء التاكيهات مع اني مركب الجوان التخين قوي و عمرة ما الموضوع ده حصل معايا ان الرشح كان بالمنظر ده.
غطاء التاكيهات والزيت المرشح منه مالوش علاقة بدائرة التبريد العلاقة الوحيدة ان لو التاكيهات مقفولة زيادة عن اللزوم فبتسخن العربية
4-حاسس ان العربية مكتومة و مخنوقة شوية بس هي بتجيب معايا عادي وبوصل بيها ل140 عادي يعني.بس بحس انها في المطلع كده مخنوقة.
سحبها قل مثلا
5-عشان اتاكد ان فيه تسريب ولا لا.الجمعة اللي فاتت بعد العصر نزلت و دورت العربية و شديت واير البنزين عشان ارفع الار بي ام اكن العربية ماشية و اقعدت اكتر من نصف ساعة ادور فوق و تحت و عند كل الاماكن المحتمل التسريب منها.مفيش تسريب ولا من فيبرة الرداتير ولا من طبه ولا من حاجه و لا من الغطاء.
مش شرط جايز تسريب من الردياتير والماية بتزل على أجزاء العربية مش تحت العربية
6-بدات الاحظ ان لون المياه اللي بتفضل في القربة بني كده اكن فيه زبالة او طينة.فكده بدات اقلق بجد
كدة للاسف أراض جوان وش سلندر ..... الزيت مطحن ....... قربة الماية فيها زيت
انتا محتاج ميكانيكي ياكد ان الجوان محتاج تغيير ويفك الوش يقشطة ويركب جوان جديد ويراجع على المكنة لو محتاجة اى حاجة بالمرة ...... دة لو بالفعل جوان وش سلندر
انا حكيت الاحداث بالترتيب الزمني بتاعها و يا ريت يا جماعة تدلوني لان مش بحب اشتغالات الميكانيكية و الفتي بتاعهم. و يا ريت بسرعة يا رجاله لاني هسافر يوم السبت بورسعيد و لا قدر الله مش عايز مواقف لظيظة تحصل.
ايه احتمالات اسباب المشكلة.و ازاي اتاكد من انهي احتمال فيهم هو السبب و الحل و جزاكم الله خير يا رجاله
المفضلات