السلام عليكم
حد يعرف معني ايه ان لمبه علامه التعجب تشتغل
اصلها اشتغلت عندي فوق الساعه وبعد كده اختفت وشويه واشتغلت
حد عنده سبب ليها
عرض للطباعة
السلام عليكم
حد يعرف معني ايه ان لمبه علامه التعجب تشتغل
اصلها اشتغلت عندي فوق الساعه وبعد كده اختفت وشويه واشتغلت
حد عنده سبب ليها
لمبة فرامل اليد ... حاول تتاكد انها مش مرفوعة
كده عندك نقص فى زيت الفرامل ولازم تكشف عليه وتشوف لو ناقص تروح لفنى يكشف على التيل
السلام عليكم
انا كنت مسافر من 3 ايام الاسماعيليه
وفي نص الطريق سمعت تيل الفرامل بيصفر
فقلت مش مشكله وكملت طريقي
المهم بعديها بيشويه سمعت صوت عالي من التيل وفي نفس الوقت بحس باحتكاك عالي في العجل لدرجه انه مسمع في الدركسيون.
فوقفت علي جنب ونزلت بصيت بس مفهمتش حاجه وبعدها دورت وطلعت ولقيت الصوت والاحتكاك اختفي وشويه ورجع تاني.
بعد ما وصلت فكيت العجل وفكيت التيل وبصيت عليه
لقيته ان في تأكل فيه من اكتر من حته وغير مستوي ( كأن التيل في خرابيش في اكتر من حته)
فصنفرته علي الاسفلت ( علشان شفت ميكانيكي بيعمل كده مره زمان) ورحت مركب التيل تاني ( عملت كده في الفردتين)
السؤال : هل ده معناه ان نوعيه التيل سيئه ؟ وهل يجب تغييره ؟
وايضا لاحظت حاجتين كمان :
1- خرطوم زيت الفرامل الشمال اللي واصل للتير فيه قطع لاكن مش بيسرب زيت : فهل لازم تغييره ويتكلف كام ؟ وهل ممكن انا اغيره ولا تغييره صعب ووديه لميكانيكي ؟
2- لقيت الطنبوره الشمال مش ثابته في مكانها وبتتحرك في ايدي ( انا فاهم ان لازم الطنبوره تتحرك كأن العجله بتدور) لاكن انا اقصد ان الطنبوره بتتهز في ايدي وكمان لاحظت ان فيه مسمار مثبت الطنبوره خارج لبره شويه بس انا حاولت اربطه كان تقيل قوي : ايه الحل للقصه ديه ؟
انا اسف علي الاطاله بس كنت عايز اشرح المشكله بتفاصيلها.
وشكرا للجميع
واضح إن عندك مشلكة فى الفرامل وأنصحك بشدة بالتوجه لفنى وعمل الصيانة اللازمة . الفرامل مفيش فيها هزار والمرة اللى فاتت ربنا عداها على خير . وكنت أتمنى أفيدك فى موضوع الأسعار لكن الحقيقة معرفش عن قطع غيار السكودا حاجة ممكن حد من الأعضاء يفيدك بنوع تيل نضيف وسعره ومكان شراءه .
من سردك للمشكلة هتحتاج تغير تيل الفرامل وهات فى نوع تركى نظيف بس مش عارف سعره كام وكمان محتاج خرطومين زيت فرامل علشان الخرطوم مش شرط يبقى مشقق من برة بس وممكن من جوة الممر بتاعه مش بيوصل الزيت كويس ومشكلة الطنابير شوف لو فيها ريجة وعايزة يتمسح عليها عند الخراط
شكرا للجميع
انا فعلا اشتريت خرطوم الزيت امبارح ب 25 جنيه
بالنسبه للتيل انا كنت شاري التركي من 3 اسابيع تقريبا او اقل
بالنسبه للطنبوره هشوف حد يبص عليها.
انا النهارده هنزل اركب خرطوم الزيت واشتري تيل تاني واركبه.
ادعولي المهمه تتم بنجاح :M_yes[1]:
معرفش انتا ليه حتغير خرطوم الباكم الخرطوم دا لو فية تنفيسة حتلاقى الفرامل سايبة الزيت بينقط منه انما ما دام لا ترشيح على لاكورات الخرطوم يبقى تمام على فمرة كل الفليشياوية خراطيم الباكم مقشرة من الخارج ودا بيوحى انه مقطوع وهو مش مقطوع!!!!!!!!!!!!!
اما الطنابير دى بيبقى ليها مسمار تثبيت بيتفك بمفك جى ام ودا فقط مسؤليتة تثبيت الطنبورة عند تركيب الفردة فقط وبعد كدا سلام ملهوش اى فايدة فى مسك الطنبورة بعد ربط ال4 مسامير بتوع الفردة ولو المسمار دا مش موجود عادى بس حتتعب شوية وانتا بتركب الفردوة....
الطنابير بنعرفها انا فيها مشكلة من اييييييييييييييه لو جيت تمسك فرامل وجدت اهتزاز فى السيارة بتنطط يعنى بكدا يبقى لابد من فك الطنابير وعمل الخراطة اللازمة لها انا عملتها فى الشغل على فكرة مش معضلة فقيت الطنبورتين ووديتهم المخرطة ورجعت ركبتهم والوقت كل ماخدش معايا ساعة زمن....*
التيل بقى التيل بيتلف لو الطنابير بها عيوب اما لو الطنابير ممسوحة كويس ودورة الفرامل مظبوطة يعنى مفيهاش هو خالص وطبعا انا مش حشرحلك طريقة اخذ الهواء من دورة الفرامل لان المفروض انك تعرفها من دروس سلسلة علم نفسك ولو مش عرف اكتبلى هنا وانا اشرحلك تانى ازاى تسحب الهواء من دورة الفرامل....*
الاستاذ صقر
الخرطوم مش مقشر لأ الخرطوم في قطع بعرض الخرطوم بعمق 2 مم او 3 مم تقريبا
وهو اه مش بيجيب زيت
بس اعتقد انه من الافضل تغييره.
اما بالنسبه للطنبوره : انا شايف انه فيه مسمار كبير شويه بيكون مكانه بين مسامير الفرده
ولما بهز الطنبوره لبره وجوه بلاقي ان الطنبوره بتتحرك فهل المسمار ده لو اتربط هو اللي هيحل المشكله
علي ايه حال هحاول اصور الطنبوره وارفع الصوره علشان الكلام يبقي اوضح.
وشكرا
عاوز اقول لحضرت ان خرطوم الباكم دا قطرة الفارغ لا يتجاوز ال2 ميللى فقط شوف بقى الخرطوم عندك تخين ازاى الخرطوم دا حوالى ثلاث طبقات الخرجة لو انقطعت عادى يمشى ....
طيب المهم عاوزك لما تفك الخرطوم القديم بلاش ترمية لأنى متاكد انك حتركبة تانى بعد تلف الخرطوم الجديد فى وقت قياسى....
قولتلك المسمار اللى بنتكلم عليه بيثبت الطنبورة على السورة حتى يسهل تركيب الفردة والمسامير فدا بعد تركيب الفردة خلاص عاوز اقولك انا كان عندى طنبورة مسمارها مكسور داخل السورة وماكنش فى اى مشكلة الا انى اسنتر الفردة على الطنبورة وتثبيتها لربط مسمار واحد ثم اقوم بربط الباقى....