تجربتى فى صيانة 10000 لانوس
مش هطول عليكم هى تجربة سيئة جدا ....
مبدئيا طبعا حجزت قبلها بأسبوع للصيانة وكان عندى شكوى مهمة وهى وجود طقة ف الطارة عند بداية لفها والباور تقيل فحددت الميعاد ورحت قبل الميعاد بساعة ونص وكنت شايفلى واسطة هناك وكان فرع اسكندرية الصحراوى فدخلت ع مدير المركز قابلنى مقابلة مش بطالة ونزل معايا وعينلى مهندس ركب معايا العربية علشان يشوف عيب الباور وخرجنا برة التوكيل ع الطريق رايح جاى بتاع 7 كم وكل اللى جاى علية مفيش حاجة اقولة يا سيدى الصوت باين انت بس مش حاسس بية علشان مش عربيتك يسكت شوية ويقولى مفيش المهم احتديت ف كلامى وقلتلة انا اشتريت العربية دى ع الزيرو وانا اول واحد اركبها وعارف اية الطبيعى فيها واية مش طبيعى ...المهم قالى هنشكف عليها ونشوف فسلمنى للمهندس اللى واقف يستلم العربيات فانا سئلتة صوت الدركسيون دة اية فلقيتة بيحرك الطارة برقة كدة وطبطبة فمسكت الطارة من ايدة ولفيتها قولتلة الصوت اهو انت مش سامعة قرد بقلة ذوق وقالى سبنى اشوف شغلى فسكت :(وقعد يشوف الطارة وسئلنى على الملاحيظ وقلتلة عليها وكان من ضمنها زنة فى التابلوة مع الطريق وقالى خلاص هنشوف واللازم هنعملة ولو ف علبة دركسيون العربية هتبات قلتلة بلغنى بدرى علشان انا مشوارى بعيد وكان الكلام دة الساعة 11 ..... فضلت متابع العربية من بعيد وصليت الظهر ونزلت تابعتها تانى ولمحت الصنايعى اللى كان شغال فيها جاى ناحيتى فسئلتة العربية فيها اية قالى عاوز اغير فلتر هواء وبنزين فقلتلة غيرهم مفيش مشاكل المهم طمنى على علبة الدركسيون قالى فعلا الدركسيون فية طقة وصوت بس دة من عمود الطارة لان العمود جوة حافظة بيلف جواها فكانت القفزان بتاعتها ضيقة فوسعناها شوية وخلاص هنركب الفلاتر قلتلة انت راجل احسن من المهندسين اللى شغالين عندك ربنا يباركلك وجت الساعة 2 لاقيت المهندس بيقولى موضوع التابلوة دة محتاج يوم كامل يعنى العربية هتبات فاتنرفزت طبعا يعنى العربية عندكم من الساعة 10 وجاى الساعة 2 تقولى محتاجة يوم من اولة انتوا حاجة تقرف ..... فقلتلة مش هعملها وقفل الحساب وكان الحساب 445ج زيت وفلاتر ومصنعية ... وحسبى الله ونعم الوكيل نسيت اقولكم لبست مطب ع الدائرى العربية كلها اتنفضت ربنا يستر
