معايا فيرنا 2013 عاملة 2000 كيلو , صوتها عالى من جوة وبحس بصوت الموتور بغباء , هل ده

**bassam92** · 20-09-2013 11:03 AM

انا عملت صيانة الالف من شهر , وحطيت زيت 10000 , ومع ذلك الصوت مش مريح , مع العلم
انا كنت راكب قبليها (((( لادااا))) يعنى صوتها جرار زراعى بس مش دى الفكرة , الفكرة ان
صوتها مزعج سواء فاتح الازاز او قفله , والكلام ده من اول الغيار التالت للخامس , وطبعا بعد ال100 بتبقى مقرفة
معلش اصل الواحد جابها بدم قلبه وتحويشته , وكنت متخيل انها هتبقى هادية وارتاح وانا راكبها , بدل لادا الجرار
على العموم اذا ده كان صوتها الطبيعى مع انى مش مقتنع , فا ربنا يعوض عليا
ولعل وعسى تتغير ..

**saddam** · 20-09-2013 11:49 AM

صديقي المواطن
موضوعك بسيط إشتري مجموعة عوازل من السبتية حسبة 300 جنيه وتروح.لسروجي بيحترم نفسه وتديه 200 أو 300 جنيه حيفصل لك العوازل في صدر الغربية وتحت الطبلوه والكبوت والشنطة واﻷربع أبواب واﻷرضية حتبقه معاك عربية خرساء أكثر من العربيات أم مليون جنيه والتوكيل مش حينفعك في حاجة نهائي خالص بتاتا وكفى.الله المؤمنين القتال
ودمتم للنضال

**baherhassan30** · 20-09-2013 02:03 PM

المشاركة الأصلية كتبت بواسطة saddam

صديقي المواطن
موضوعك بسيط إشتري مجموعة عوازل من السبتية حسبة 300 جنيه وتروح.لسروجي بيحترم نفسه وتديه 200 أو 300 جنيه حيفصل لك العوازل في صدر الغربية وتحت الطبلوه والكبوت والشنطة واﻷربع أبواب واﻷرضية حتبقه معاك عربية خرساء أكثر من العربيات أم مليون جنيه والتوكيل مش حينفعك في حاجة نهائي خالص بتاتا وكفى.الله المؤمنين القتال
ودمتم للنضال

فكرة هايلة جدااااااا
بس ياريت لو حد عملها يقولنا حس بفرق فعلا ؟؟؟؟

**nbabad** · 21-09-2013 01:13 AM

المشاركة الأصلية كتبت بواسطة saddam

صديقي المواطن
موضوعك بسيط إشتري مجموعة عوازل من السبتية حسبة 300 جنيه وتروح.لسروجي بيحترم نفسه وتديه 200 أو 300 جنيه حيفصل لك العوازل في صدر الغربية وتحت الطبلوه والكبوت والشنطة واﻷربع أبواب واﻷرضية حتبقه معاك عربية خرساء أكثر من العربيات أم مليون جنيه والتوكيل مش حينفعك في حاجة نهائي خالص بتاتا وكفى.الله المؤمنين القتال
ودمتم للنضال

متابع للإهتمام لإني بأعاني من نفس المشكلة ( بس مش بالدرجة إللي بيقول عليها ! ) وخاصة الصبح بدري والدنيا لسه هادية وأنا طالع الشغل بحس إني دورت جرار زراعي أو طلمبة رفع المياه بتاعة الأراضي الزراعية !!
عموماً في ناس نصحوني في صيانة الـ 5000 أحط زيت كاسترول 10000 علشان تخليقي وقالوا إنه هايهدي الصوت كتير ، وناس تانية قالوا تغير الزيت وتغير فلتر الهوا وتجيبه سبور هايفرق أوي ..

طبعاً أنا لسه ماجربتش الحلين لحد الآن .. لكن لو فكرة المواطن صدام سهلة وهاتجيب نتيجة أكيده يبقي ليه لأ ! ، وأكيد العوازل ديه هاتساعد برضه في رفع كفاءة التكييف ..

فياريت أخونا المواطن صدام يقولنا طقم العوازل ده بنجيبه منين وشكله إيه وفين هوه الصنايعي المحترم إللي ممكن يركبه ؟ ولك جزيل الشكر أخونا المناضل