Question عضعضة او تحجيرة بحسها في دواسة الفرامل في الفرامل المفاجئة علي سرعات سيفيك

**egyptiaaan** · 20-09-2013 02:33 AM

لاحطت لما بدوس فرامل مفاجئة علي سرعة ان بدال الفرامل تحت رجلي بحس زي ميكون بيروح و ييجي زي العضعضة كده او التحجيرة انا لسة مغير تيل الفرامل قدام من 500 كم و اللي ورا لسة قدامه حواي 3000 كم
تفتكرو دي الطنبورة؟؟؟؟؟ عاوزة تتمس او تتغير ولا ممكن حاجة تانية؟؟؟؟
و متشكر مقدما

**saddam** · 20-09-2013 03:17 AM

صديقي المواطن
لو بترج معاك.على سرعات في الفرملة.فالتيل لا علاقة.له بالمرة والقصة أن الطتابير حصل فيها خطوط أي تحفرت وأحيانا لما.تكون.سخنة وتدخل فيها بميه فتتلوح منك والنصيحة تغير طنابير أما لو خرطتها فده علاج عظيم وناجح بس صغب جدا إنك تلاقي خراط قي مصر يعرف يخرط طنبورة واحد من كل 20'خراط يعرف يخرط طنبورة.بطريقة علمية ودمتم للنضال

**Ahmed Amin** · 20-09-2013 06:44 AM

ياباشا دي طبيعة عمل ال abs ودا اللي بيسموه نبض pulse في الدواسة لما الفرامل بتمسك وتسيب عشان متعملش locking والكاوتش يقفش وتسحب بيك علي الأسفلت.
انت معندكش أي مشاكل,,
ومنصحطش بالخراطة برة, عشان لو خرطت هتاكل جزء من الطنابير اللي هوا لعب في تصميمها و هيخليها تسخن أكتر بعد كدا مع الأحتكاك بالفرامل,,
وكمان معظم مكن الخراطين فيه بوش ودا ممكن يبوظ لك الطنابير وتضطر تغيرها كلها لو اتخرطت بميل,
لأنها هتعمل معاك دبة ورجرجة علي السرعات وأنت ماشي في خط لو أتخرطت غلط,

**Ahmed Amin** · 20-09-2013 09:10 AM

اللي بيعمل pulse في الدواسة وبيرفعها وتحس انها بتخبط دا ال ABS, ودا الطبيعي,
وعمرها ما بتوصل 20 مرة في الثانية!! مين قالك أنو مفروض 20 ؟؟

احساس عمل ال abs الطبيعي دبتين او 3 في الثانية في دواسة الفرامل لما بتدوس عليها بقوة لحد الأخر خالص.
وهتحس أنها مشتغلتش كويس فعلاً عن أنك تمسك فرامل قوية بس من قبل ما يشتغل,,
بس هيا دي طريقة عملة,, عشان يحمي اللي مبيعرفش يسوق من أنه يحصلة locking وميعرفش يسيطر علي العربية.
بس كأداء من رأيي هوا سئ طبعاً في الفرامل عن أني أدوس فرامل بقوة قبل ما تبدأ تكلبش في حالة ان مفيش abs او في حالة أنو يشتغل لو فيها.

تحياتي