كروت البنزين وفرحة المشتركين

السلام عليكم

استفسار بعد اذنكم

هو ليه ناس كتير فرحانه بكروت البنزين (الذكيه) !
ليه في ناس بتتسابق وعاوزه تلحق تطلع الكروت دي !

هو المفروض اننا نكون مبسوطين (لاني مش فاهم ومش واخد بالي ) ولا نكون زعلانين (علي متوسط استهلاك يومي 5 لتر )

هو المفروض نشوف الدعم علي البنزين ولا نزود طرق الامن علي عربيات نقل البنزين والمستودعات والبنزينات ؟

هل حل المشكله بالكروت ولا حلها بنظام لادارة الطرق ؟
هل حل المشكله بالكروت ولا بمواصلات اكثر احتراما ؟
هل .............. ؟
هل .............. ؟
هل .............. ؟


http://www.nilemotors.net/Nile/327156-5.html

محدش جاب سيرة ال 5 لتر دي !

اقتباس:

---

المشاركة الأصلية كتبت بواسطة al_manara

السلام عليكم

استفسار بعد اذنكم

هو ليه ناس كتير فرحانه بكروت البنزين (الذكيه) !
ليه في ناس بتتسابق وعاوزه تلحق تطلع الكروت دي !

هو المفروض اننا نكون مبسوطين (لاني مش فاهم ومش واخد بالي ) ولا نكون زعلانين (علي متوسط استهلاك يومي 5 لتر )

هو المفروض نشوف الدعم علي البنزين ولا نزود طرق الامن علي عربيات نقل البنزين والمستودعات والبنزينات ؟

هل حل المشكله بالكروت ولا حلها بنظام لادارة الطرق ؟
هل حل المشكله بالكروت ولا بمواصلات اكثر احتراما ؟
هل .............. ؟
هل .............. ؟
هل .............. ؟


http://www.nilemotors.net/nile/327156-5.html

---

يا باشا مفيش حاجة اسمها 5 لتر نهائي و لا في رفع للدعم و لا في حد اقصى و لا أدنى حتى للإستهلاك ... الموضوع كله لحكم محطات النزين و فرض الرقابة عليها لعدم تهريب المواد البتروكيماوية و شكراً ...

ياباشا افتكاسه ال 5 لتر دي كانت ايام مرسي بس لزوم الشغل يعني كلمه قامت بواجبها وراحت لحالها وخلاص

أنا برضه مسجلتش وماليش نفس أسجل, ومش فاهم ليه المفروض إني أسجل !
وأتمني إن فعلاً يكون فيه رقابة علي المحطات والعربيات اللي بتودي البنزين للمحطات بدل ما يطبقو النظام دا.

اقتباس:

---

المشاركة الأصلية كتبت بواسطة m.osama

محدش جاب سيرة ال 5 لتر دي !

---

اقتباس:

---

المشاركة الأصلية كتبت بواسطة haitham basha

يا باشا مفيش حاجة اسمها 5 لتر نهائي و لا في رفع للدعم و لا في حد اقصى و لا أدنى حتى للإستهلاك ... الموضوع كله لحكم محطات النزين و فرض الرقابة عليها لعدم تهريب المواد البتروكيماوية و شكراً ...

---

اقتباس:

---

المشاركة الأصلية كتبت بواسطة bmya

ياباشا افتكاسه ال 5 لتر دي كانت ايام مرسي بس لزوم الشغل يعني كلمه قامت بواجبها وراحت لحالها وخلاص

---

اقتباس:

---

المشاركة الأصلية كتبت بواسطة leitosr

أنا برضه مسجلتش وماليش نفس أسجل, ومش فاهم ليه المفروض إني أسجل !
وأتمني إن فعلاً يكون فيه رقابة علي المحطات والعربيات اللي بتودي البنزين للمحطات بدل ما يطبقو النظام دا.

---

يعني الاكيد ان مفيش حاجة اسمها 1800 لتر كل سنة؟

اقتباس:

---

المشاركة الأصلية كتبت بواسطة bmya

ياباشا افتكاسه ال 5 لتر دي كانت ايام مرسي بس لزوم الشغل يعني كلمه قامت بواجبها وراحت لحالها وخلاص

---

هو ده

من ايام مرسى وال 5 لتر اتلغوا
والفكره فكره حكومه مرسى

طيب شوفوا الجزء دة من الخبر (بتاريخ 11/8/2013 )

وكان شريف اسماعيل وزير البترول، قد اشار خلال الفترة الماضية، إلى ان الحكومة الحالية تعتزم الاستمرار فى تطبيق منظومة الكروت الذكية فى توزيع المواد البترولية على المواطنين بما يقلل من فرص التهريب فى منظومة توزيع تلك السلعة الاستراتيجية المدعمة، مضيفا انه، «توجد نية لتحديد كميات مدعمة من الوقود بالكروت الذكية خلال الفترة الحالية»، تبعا لإسماعيل.


وتنظم المرحلة الأولى من الكروت الذكية التى تم تطبيقها بداية من يونيو الماضى، توزيع الوقود من المستودعات لمحطات التموين، وكان شريف هدارة وزير البترول السابق، قد اشار خلال الفترة الماضية إلى ان المرحلة الثانية تبدأ فى يوليو وأغسطس، للمستهلكين مع عدم تخصيص كميات محددة مدعومة، وذلك لحصر الكميات المستخدمة لكل سيارة، ووضع قاعدة بيانات عن الاستهلاك فى السوق المحلية، مضيفا انه مع الانتهاء من قاعدة البيانات سيتم تخصيص كميات مدعومة لكل سيارة على ان تحصل على الوقود الزائد على المخصص بأسعار التكلفة.





3 خطوات للحصول على الكارت الذكى للبنزين والسولار - بوابة الشروق

هو عموما تحديد الكميات جاى جاى ونفرح ولا ما نفرحش ولا حتى نزعل لن يغير من الامر شيء

اقتباس:

---

المشاركة الأصلية كتبت بواسطة megaman

هو عموما تحديد الكميات جاى جاى ونفرح ولا ما نفرحش ولا حتى نزعل لن يغير من الامر شيء

---

هو ده اللى هيحصل

لحد دلوقتي ولا حد كلمني عن اي عربية
ولا حتي قريب ليا حد كلمه !

موضوع تقليل دعم البنزين من أيام مبارك مش من أيام مرسي .
الموضوع ملوش علاقة بمرسي (هو الراجل هايشيل كل حاجة و لا أيه ؟ )

=====

بصراحة المفروض الدعم يتم ازالته تدريجيا و ندفع ثمن البنزين الفعلي بس طبعا مع توفير مواصلات محترمة بأسعار معقولة و الأبقاء على دعم السولار و كل الكلام ده محتاج ناس متعاونة مع الحكومة علشان الأقتصاد يقوم .

و أنا كنت قلبا و قالبا مع النظام ده من أيام حكومة مرسي .

بس بصراحة معرفش حاجة عن الموضوع ده دلوقتي
الموضوع نام ... بقصد أو بغير قصد ............ هو نام و محدش بيتكلم عنه .

الموضوع من مصادر ثقه، انه كان من ايام مبارك ووقفه لاسباب امنيه خاصه به مكانش عاوز هيجان في الشارع
المسروع اكثر من مرحله
مرحله الناس دي اخر مرحله
هما لسه ما اشتطغلوش في المرحله الاولي بكامل طاقتها

المفروض لما المشروه يكتمل تكون هناك فتره من الوقت لدراسه السوق و يشوفوا هل الكميه اللي خرجت دخلت عربيات المواطنين و لا لأ و بعد كده يتم القرار في رفع جزئي او كلي

الموضوع لو كان جد كانوا عملوا كشك صغير قدام كل مرور كل واحد يقدملهم رخصتوا وصورة منها ويقلولوا تعال تاني يوم او بعد يومين استلم الكارت بتاعك ... انا موضوع تسجل على الانترنيت والكلام ده بصراحة مش نازلي من زور انا اهو برغم ان مشاركاتي كتير بس مبعرفش في الانترنيت حاجة ويادوبك بفك الخط في عالم الانترنيت فما بالك بسواق نص نقل ولا سواق تريلة ولا سواق تكسي. هيسيب شغلوا ويروح يقعد يعمل شات على النيت ويدخل بيناتوا. !!

اما بخصوص الدعم انهم يرفعوه .. فياريت بجد ، بالذات عن التاكتيك والموتسيكلات لانهم لايستحقوا دعم البانزين وهما سببو ازمة في البانزين. تصور ان التوك توك الوردية الوحده بياخود ٨ لتر. يعني ورديتين. ١٦ ليتر بانزين في اليوم اضرب ١٦ ليتر في ٣٠ يوم ب ٤٨٠ لتر شهرياً الي انتا لو اتنطط. لا يمكن تستهلك عربيتك كمية الليترات دي كلها. واحسب بقه شوف كام مليون توك توك !! يعني بحوالي ٨٧٣.٦ جنية شهرياً للتوك توك الواحد ، وهو بيطلع بالميت ١٠٠ جنية في اليوم يعني ب ٣٠٠٠ جنية في الشهر - ٨٧٣= ٢١٢٦ صافي ربح. بعد خصم تمن جركن زيت طيب فرق السعر ده الدولة بتدفعوا دعم للبانزين

والدولة مش بتدفع من جيبها لأ دي بتدفع من الضرايب الي بياخدوها مني ومنك. ... يعني بطريقة مباشرة او غير مباشرة انتا بتساهم من جيب ساعتك ان التوك توك يمشي في الشارع المصري !!

لذلك لازم ولابد تخفيف الدعم عن كاهل الدولة علشان الدولة بالتالي تخف من على كاهلنا. الضرايب والجمارك .
برضو الناس الي عندها عربيات ٨ سليندر و ٦ سيليندر الي بيستهلك تالت اضعاف العربية العادية ... يعني. ببساطة تصور اتنين واحد عندو عربية ٢٠٠٠ سي سي واحد عندو عربية ١٠٠٠ سي سي الاتنين بيوصلوا شغلهم بس واحد. خد حقو والتاني خد حقو وحق غيروا وماشي كانو راكب عربية بمتورين !! ... وتحياتي