عرض للطباعة
السلام عليكم ورحمه الله وبركاته
هو اللاب دا بكام
http://www.laptopspirit.fr/wp-conten...6-6192sf-2.jpg
لانى اكتشفت ان دا اللى شوفته فى سيتى ب 4200
ودا الى شفته فى السخاوى ب 3400
http://used.az/published/publicdata/...9_big3_enl.jpg
وانا اصلا عايو الاول مش التانى ومالقتش زييه فى السخاوى فيترى يعمل كام والاقيه فين
وأحنا فهمنا أيه كدا من شكل وضهر اللابين دول كدا ؟؟؟؟؟
فين موديل الأجهزة ؟؟
ياريت لو عايز تاخد رأيي حد فيهم,, تذكر موديل كل جهاز فيهم من الجهازين اللي بتقارنهم ببعض.
ومواصفاته زي ما أخدتها من المكان اللي هتشتري منه,,
عشان الموديل الواحد لأي جهاز بتكون مواصفاته مختلفة من مكان لأخر,, وبينزل بكارت شاشة مختلف وبروسيسور مختلف ورامات مختلفة علي حسب سعرة.
فياريت تشوف وتذكر موديلين الأجهزة,, ومواصفاتها بالتفصيل,
وتقول أنت عايز الجهاز لأيه وأستخدامك هيبقي عليه أيه عشان أقدر أفيدك بالأفضل ليك.
HP ProBook 4530
[url=http://www.startimes.com/?t=29997152]
first one :hp pavalion dv6
second one: hp probook
الاول شوفت ب 4200 فى سيتى core i3 -4ram-500 hd-1506"
التانى شوفته فى السخاوى 3400 نفس الامكانيات و ال i5 منه ب 4300
انا بقى عايز الجهاز الاول ومش لاقيه فى السخاوى ممكن الاقيه فين وبكام لان سيتى غااالى جدا
اول جهاز ده اعتقد انه غالى وبروسيسور i3 كمان لو هتجيب لاب ميقلش عن i5
علي أي أساس أختارت الأول وهوا بروسيسور i3
في حين إن التاني بروسيسور اعلي منه i5 والفرق 100 جنية بس.
أكيد التاني أفضل, وهيبقي فرق السماء من الأرض في الأداء,
ما هو اللاب الاول برا سيتى اكييييييييييد ارخص بفرق كبير جدااااا
انا بقى عايز اعرف هو بكام علشان اجيبه حتى لو i5 اغلى شويه ممكن اجيبه
متجبش hp ابعد عنه خالص هات توشيبا او لينوفو
علي فكرة مش هتلاقي دايماً فرق كبير ما بين الأسعار برة سيتي ستارز وسوق العصر أو السخاوي,,
أنا لما جبت اللاب كان في في سيتي ستارز أغلي من برة 100 جنيه بس, يعني مش الفرق الكبير.
بس جبته في الأخر من محل أسمه كمبيو ساينس,, هتلاقي عنده أسعار أقل من سيتي ستارز ومن كل المحلات برة,
المحل موجود في السخاوي, ممكن تروح تشوف اللابات اللي عنده, ودور علي أعلي مواصفات ممكن تاخدها بالمبلغ اللي معاك, مش شرط تجيب لاب HP
بس المهم تجيب حاجة بروسيسور i5 ورام 4 جيجا وأنت طالع, وأعلي كارت شاشة يكون متوفر في الأجهزة اللي عنده اللي بنفس رينج السعر اللي معاك
يا جماعه انا نزلت امبارح ادور على اللاب ال dv6 الاول مش لاقيه خالص
وسالت فى كمبيومى لاقيته عامل 3000 بس من غير الشاحن
هو انا ممكن الاقيه فين طيب انا دورت فى السخاوى كتيير وكله بيقلى قليل اوى لما تلاقيه
ماحدش يعرف ممكن الاقى اللاب دا فين
هوا من أمتي في لاب توب جديد بيتباع من غير الشاحن ؟!!!!
أنت ممكن تجيب من غير نسخة ويندوز مثلاً عشان يبقي أرخص,, لكن لاب جديد من غير شاحن ؟!!! ولما يفضي شحن ولا لما تروح هتشغتل عليه أزاي ؟ وهتنزل تدور له علي شاحن صيني ولا هتعدو تلف وتدور علي التوكيل علي شاحن أصلي مع العلم أنو ممكن يوصل ل 600 جنية لأنو مش جاي مع الجهاز..
أنت ماشي في سكة غلط علي فكرة,, وعايز تتعب نفسك.!
Hp مش ماركة وااو عشان تجرب وراعا,, ومن تجارب قرايبي وأصدقائي مش بيعيش زي باقي الأنواع وكل اللي شوفته مش بيكمل 3 سنين وبيكون باظ فيه يا كارت شاشة يا هارد وبيسخن, ودا عن تجارب قدام عيني عشان محدش يقولي أزاي دا دا الجهاز زي الفل معايا,
أنت لما تيجي تشتري جهاز جديد المفروض تدور علي المواصفات مش العلامة اللي علي ضهر الاب.
راجع دي أخر مرة, وربنا يوفقك في الأختيار.
اقتباس:
المشاركة الأصلية كتبت بواسطة leitosr
انا معايا البرو بوك كور اي 5 و رامات 6 رام 6 جيجا و فيجا 2 جيجا كان ب 4100 ...... بس ده كان من فتره مش عارف ايه الاسعار دلوقتي بس خليك في ال اي 5 احسن
ب 4300 دلوقتى
يا سيدى الفاضل انا بدور على براند وخلاصاقتباس:
المشاركة الأصلية كتبت بواسطة LeitoSR
المميزات اللى انا شايفها من وجهه نظرى طبعا
1- خامات التصنيع كويسه جدا ومتينه اووووى
2- انا مش عايز حاجه اعلى من ال i3 لان استخدامى للاب عادى جدا مش بروفيشنال اوووى انا بس عايزه علشان الدراسه مش اكتر ومش هستعمل برامج جاااامده اوى ولا العاب كبييره ف مش منطقى انى ادفع الف ج زياده علشان حاجه انا مش هستخدمها
3- بيتس اوديو وبصراحه متحمس جدا انى اجرب خاصيه زى دى
4- الشكل بتاعه فى منتتهى الشياكه انا نزلت لفيت كتير ومالقيتش حاجه فى السعر دا ونفس الامكانيات وبشكل شيك زى اللاب دا بالذات
لو كلامى غلط ياريت حضرتك توضح الصح ايه
ممكن حضرتك توصح لينا ايه انطباعك عن اللاب كويس ولا لا زى ما الاخوه بتقول مشاكله كتير وبيسخن ولا لااقتباس:
المشاركة الأصلية كتبت بواسطة power
تمام, أنا كنت سألتك في أول الموضوع أنت أستخدامك للجهاز هيكون عامل أزاي, بس أنت مجاوبتنش,,اقتباس:
المشاركة الأصلية كتبت بواسطة midoabdeen
فالو زي مانت بتقول أستخدامك عادي ال i3 هيقضي معاك,
بس دا مش أختيار صح, لأنك حتي لما تفتح Facebook أنهارده, وهوا بقي كل حاجة فيه dynamic وتفتح كذا tab مع بعض هتلاقي الجهاز بقي بطئ جداااا ودا هيقفلك من الجهاز والفلوس اللي دفعتها وهوا لسه جديد,,
أو لما تفتح اي منتدي عليه أعلانات شغالة بالادوبي Flash أو اليوتيوب هتلاقي الجهاز بقي بطة بعد فترة من الأستخدام,,
لأن الحاجات هتاخد من الريسورس بتاع البروسيسور بشكل عالي وهتجهده بسرعة, علي عكس جهاز ببروسيسور i5
خامات التصنيع اللي أنت باني عليها أمل كبير, مش عايزك تنخدع فيها كدا,
الاجهزة اللي بتتكلم في 3000 و 4000 خامات تصنيعها عادية, لا كواليتي ولا متانة,,
وهتلاقي بنفسك جهاز ب 5000 و 6000 نفس المواصفات بالظبط بتاع الاجهزة اللي ب 3500 و 4000 دي اللي بتبقي أمتن شوية,,
لكن كل اللي في رينج 3000 و 4000 دا عادي,
مش بحبطك وكل حاجة مع الأستخدام المعقول والمحافظة عليها بتعييش.
لأن حتي ال HP اللي ب 8000 كان مع صاحبي وبعد سنة ونص الهارد وكارت أتحرقو ورا بعض,
وتاريخ HP مع كل الناس اللي أعرفها سئ ومش أعتمادي بالمرة.
بيتس أوديو اللي بتحكي عنها, أنصحك تخلي حد يشغل الجهاز قدامك وتسمعها قبل ما تشتري,
عشان الأعلانات والكلام بتبقي حاجة,, ولما تشغل الجهاز وتسمعه بيبقي حاجة تانية,
الاجهزة اللي في رينج 3000 و 4000 سماعتها تعبانة,
الأجهزة اللي في رينح 5000 و 6000 صوتها أعلي وأفضل.
فروح مكان زي كارفور لو عندهم الأجهزة في العرض وأسمع صوته وشوفه مناسب ولا لأ.
بالتوفيق في الأختيار.
شكرا لحضرتك
معلش استحملنى بقى
انا الجهاز اللى عندى فى الشغل كورتوديو وشايف انه ممتاز ولا بيهنج ولا بيتقل
وعلى فكره انا فى الشغل ببقى هالك الجهاز جدااا ياعنى فاتح كذا برنامج والنت وباخد حاجات من النيتورك واطبع كمان ولا بيتقل اصلا
فانا شايف انه هيبقى كويس لاستخدامى ولا حضرتك شايف ايه
وبالنسبه للخامات انا بشوف الانسب فى الشريحه اللى انا بدور فيها على قد فلوسى ياعنى متهيئلى احسن حاجه فى الفئه دى من وجهه نظرى
طبعا اليتس اوديو انا مش بانى عليه الموضوع هى بس ميزه ممكن تبقى فى لاب سعرف على قد ايدى مش موجوده فى الاجهزه فى نفس الفئه
وشكرا
الجهاز معيا زي الفل ... بيسخن زي اي جهاز يعني مش حاجه اوفراقتباس:
المشاركة الأصلية كتبت بواسطة midoabdeen
يعني لو مشغل حاجه تقيله بس مفيش حاجه من اللي ناس بتقولها دي ... البرو بوك بتاع شغل
بس مش فيه بيتس اوديو علي فكره
كلام محترم وواقعى جدااقتباس:
المشاركة الأصلية كتبت بواسطة LeitoSR
وانا عندة hp dv6 core i3
وتوشيبا core i5
بصراحة فرق السما من العما لصالح التوشيبا طبعا
hp سخونه لدرجة انى ممكن اشوى علية فرخة وتهينج وتقل لما افتح كذا صفحة وبصراحة بكرهة جدا ومعتنتش بقعد علية تقريبا الا للشديد القوى
انما التوشيبا سلاسة فى الشغل ومريح ومفيش سخونه رغم ان خاماته اقل كتير من hp
الخلاصة مش مهم الماركة قد ما السلاسة فى شغل الاب اهم
وخليك فى core i5 احسن من core i3
وارشحلك اللينوفو والديل والتوشيبا
اقتباس:
المشاركة الأصلية كتبت بواسطة power
طيب ممكن موديل الجهاز اللى مع حضرتكاقتباس:
المشاركة الأصلية كتبت بواسطة ahmed12345678
انتوا كده يا جماعه هتخلونى اصرف نظر عن الجهاز ولا ايه
موديله hp dv6 3030e
واخويا اشترى من شهرين لاب ديل 5521 وممتاز جدا وتقفيلة الومنيوم بردة
وكان شارية ب5400 جنية وامكانياته هارد تيرا بايت وكارت شاشة 2 جيجا ورامات 8 جيجا وبروسيسور core i7 الجيل الثالث وسماعات hd
وفتحتين usb 3 ووزنه خفيف وسريع جدا
وطبعا فى امكانيات اقل وبسعر اقل
واللينوفو حلو جدا كخامات وامكانيات وشغل
والتوشيبا كويس بس عيبة خاماته ولوحة المفايح بتاعته تحس كدة خامتها مش أد كدة
ونصيحة اخوية خليك فى الديل او اللينوفو
واذا كنت مصر على hp فيسعدنى انك تاخد بتاعى مجانا وتبقى حجة علشان اشترى واحد جديد هههههههههههههههه
ههههههههههه
والله ماقدر اكسرلك كلمه شوف اقابلك امتى
بهزر طبعا ربنا يعزك ياباشا
وشكرا على نصيحه حضرتك
انا كان معايا hp بصراحه عمره ما زعلني لكن فجأه الفيجا ضرب وده كان جايلي من أوروبا وكان جاي ب ٢ بطاريه واحده ٦ خلايا والتانيه ٩ خلايا حتى كان جاي معاه ٢ كابل باور للشاحن وأنا بنصحك بماركة لينوفو إنزل إتفرج على أجهزتها وإختار اللي يناسب ميزانيتك مش هاتندم
انهاردة وانا راجع من الشغل قلت اعدى فى الزقازيق اتفرج على موديلات ديل 5521 لقيت
مواصفات بوسيسور core i7 ورامات 8 جيجا وكارت شاشة 2 جيجا وهارد 1000 جيجا سعره 5400 جنية
مواصفات بروسيسور core i5 ورامات 4 جيجا وكارت شاشة 2 جيجا وهارد 750 جيجا سعره 4400
مواصفات بروسيسور core i5 ورامات 4جيجا وكارت شاشة 1 جيجا وهارد 500 جيجا سعرة 4150