مبفهمش قوى فى السلاح بس نصيحه عامه ... متعتمدش على ويكيبيديا كمصدر معلومات لان اللى بيكتبها انا و انت و زينا فممكن معلومات غلط تتكتب و عادى الناس تصدقها ... دور على المعلومات من مصادرها و ويكيبيديا مش مصدر :)
رقم العضوية : 33348
تاريخ التسجيل : 18Feb2009
المشاركات : 1,869
النوع : ذكر
الاقامة : alexandria
السيارة: ........
السيارة[2]: bmw 318I e46
دراجة بخارية: ........
الحالة :
*الموضوع وما فيه انى وانا بدور عن نظم التسليح فى العالم وخاصه الدول المنتجه للسلاح وجدت موسوعه عن السلاح الروسي سواء الصناعه الروسيه الخالصه او التصنيع المشترك مع دول اخري فحبيت اشارككم الموضوع خاصه انى لقيته شيق جدا بالنسبالى سواء فى قدرات الاسلحه او الترسانه نفسها وطبعا ده اللى ظاهر ومنتشر اعلاميا وفى الغالب ان فى اسلحه تانيه غير معلن عنها.
*اولا الرابط هنا للي حابب يتفرج ويعرف معلومات اكتر السلاح الروسي - روسيا اليوم
*اللى لفت نظرى من الاسلحه بعد نظره سريعه غير تفصيليه هى :
....من المروحيات جميع فئه "كا" سواء 50او 52 او 60
....طائره التدريب "ياك 130 " لفتت نظرى كمعلومات لعلاقتها بحاجه فى مصر حستفسر عنها نهايه الموضوع
....من قاذفات القنابل "تو 160 " وطبعا جميع طائرات"السوخوى " و"سو-30 أم كا" و"تى 50 "
....من منظومه الصواريخ "توبل م" و"مجمع club-k" و"براموس اللى اسرع من الصاروخ -توماهوك-الامريكى 3 مرات " و "ياخونت اللى عدد منه قادر على اغراق حامله طائرات "
....وطبعا من الاسلحه الخفيفه السلاح اللى اخدت معلومات اكتر عنه "الكلاشنكوف "
....من انظمه المدفعيه بصراحه ماهتمتش بحاجه
....والغواصات كلها بصراحه حاجه مشرفه
....ومن الطرادات اكتشافى ان حاملات الطائرات العملاقه لا تسيطر عليها امريكا وان في حامله الطائرات الروسيه"الاميرال كوزنيتسوف" .
*برضه اللى لفت نظري فكره ان في اسلحه عندهم من السبعينات وقبل كده وما زالت مدرجه فى الترسانه الروسيه وطبعا ده انا كنت فاكر ان المعدات القديمه فى الجيش المصري مفروض تعدم ولكن اكتشفت ان عادى جدا طالما السلاح شغال بكفاءه يعتبر ضمن الترسانه مهما مر عليه من زمن
*اللى لفت نظرى اكتر وخلانى اطرح تساؤل هو تقرير ويكيبيديا عن الجيش المصري وطبعا بعيدا عن كل اللى مكتوب ولكن جزءيه فى فقره القوات الجويه واللى بتقول"و تصنع مصر طائرة التدريب القتالى المتطور K-8E الصينية الأصل بموجب رخصة تصنيع، وقد وصل نسبة المكون المحلى في التصنيع إلى ما يزيد على 95% حيث تستهدف مصر في الفترة المقبله التوجه نحو التصنيع المحلى للمقاتلات."وكمان فقره "كما منحت فرنسا مصر رخصة إنتاج المروحية من طراز غزال (إيروسباسيال غازيل). وبدأت مصر بإنتاج الطائرات JF-17 ثاندر محليا من خط إنتاج الطائرات K-8E لاستبدال الطائرات الصينية F-7 و F- 6 وذلك وفق الاتفاق المصري الصينى الذي ضم شراء مصر لعدد 48 مقاتله من طراز JF-17." تمام فكره ان القوات المسلحه بتصنع طائرات "ولو كانت طائرات تدريب مش مقاتلات " بشكل شبه كامل وده فى حد ذاته شئ جيد جدا لان المهندسين اللى بيشتغلوا فى الطائرات دى اكيد حيبقى عندهم خبره تصنيع الطائرات المقاتله وعلشان كده حبيت اسأل خبراء التسليح فى المنتدى هل الكلام ده مؤكد خصوصا كمان انى اعرف ان مصانع الانتاج الحربي بتنتج مدرعات صناعه مصريه فالموضوع بالتالى يدعو للتفاؤل
وده رابط ويكيبديا القوات المسلحة المصرية - ويكيبيديا، الموسوعة الحرة
* وكمان لفت نظرى اهتمام الروس بتطوير الاسلحه من العتاد وقوه الاسلحه التقليديه الى التكنولوجيا فى تصريح بوتين بوتين: السلاح الوطني الروسي يجب أن يتفوق على سلاح العدو المحتمل - روسيا اليوم
والفكره فى الموضوع هو وجود مصادر تسليحيه اخري للجيش المصري وقدرتنا على استبدال السلاح الامريكى بالسلاح الروسي اللى شايفه منافس كويس جدا نقدر نسند عليه فى حاله غدر الطرف الامريكي اللى حيحصل فى يوم من الايام ولذلك الجيش المصري "حسب قراءاتى " عنده تنويع فى مصادر التسليح من امريكا ومن روسيا ومن المانيا ومن دول تانيه .
فى النهايه احب اعرف رأيكم فى ترسانه السلاح الروسي واجابتكم على التساؤل الخاص بمصر ويا ريت لو حد عنده معلومات اضافيه عن التسليح فى العالم يفيدنا بيها .
http://store2.up-00.com/2015-11/1448722430351.jpeg
my new car
رقم العضوية : 57630
تاريخ التسجيل : 01Jan2010
المشاركات : 4,129
النوع : ذكر
الاقامة : Cairo / Port Said
السيارة: Kia Carens 1.6 2010
السيارة[2]: Nissan Sunny 2014
دراجة بخارية: -
الحالة :
مبفهمش قوى فى السلاح بس نصيحه عامه ... متعتمدش على ويكيبيديا كمصدر معلومات لان اللى بيكتبها انا و انت و زينا فممكن معلومات غلط تتكتب و عادى الناس تصدقها ... دور على المعلومات من مصادرها و ويكيبيديا مش مصدر :)
[justify]الشيخ الشعراوى رحمه الله : حينما ترى المجرم يُحاَكم لا تنظر إليه وتشفق عليه، بل انظر الى جريمته[/justify]
رقم العضوية : 33348
تاريخ التسجيل : 18Feb2009
المشاركات : 1,869
النوع : ذكر
الاقامة : alexandria
السيارة: ........
السيارة[2]: bmw 318I e46
دراجة بخارية: ........
الحالة :
مهو انا مش معتمد عليها بس فى فيديوهات للطيارات انتاج مصرى زى
‫طائرة صناعة مصرية‬‎ - YouTube
‫الطائرة المصرية K8E‬‎ - YouTube
وفى تقارير فى مواقع كتير زىتعرف على الجيش المصرى واللى بيذكر فيه موضوع التصنيع ده
وفى تقارير بتقول اننا بنصنع كمان طيارات بدون طيار للاستكشافات العسكريه وطبعا لانى مش واثق فى ويكيبديا ومع البحث ولقيت مصادر تانيه حبيت اتأكد من حد صاحب معلومه مؤكده .
تحياتى.
http://store2.up-00.com/2015-11/1448722430351.jpeg
my new car
رقم العضوية : 21839
تاريخ التسجيل : 11Oct2008
المشاركات : 3,688
النوع : ذكر
الاقامة : cairo/ism3lia
السيارة: اوبل كورسا,كيا سيفيا
السيارة[2]: bmw 316I
دراجة بخارية: no
الحالة :
موضوع شيق
متابع ..
..لا اله الا الله ..
..سبحان الله و بحمدة سبحان الله العظيم ..
http://www.nilemotors.net/Nile/284167-3.htmlرابطة الوحوش ملاك السيفيا
رقم العضوية : 147451
تاريخ التسجيل : 18Aug2013
المشاركات : 678
النوع : ذكر
الاقامة : Cairo
السيارة: Speranza A516
السيارة[2]: Huyndai Elantra GLS 2013
الحالة :
شوف يا باشا الموضوع ده في صفحة الجيش العربي كان كاتبو زمييلي في المنتدى هناك اسمو محمد علام أكيد هيفيدك لأني لو كتبت هنا مش هخلص من كتر الكلام شوف الموضوع و بعدين لو في أي سؤال أنا تحت أمرك لأني مهتم جداً و من زمان بنظم التسليح على مستوى العالم و الحمد لله عندي خبره اكتسبتها عل مر السنين من القراءة و المتابعة و السؤال
[url=http://www.arabic-military.com/t15314-topic]
رقم العضوية : 70186
تاريخ التسجيل : 09May2010
المشاركات : 618
النوع : ذكر
الاقامة : ----------
السيارة: -----------
السيارة[2]: -----------
الحالة :
موضوع لذيذ جدا وتعالوا نبص علي مقارنة بين التسليح الروسي اللي ان شخصيا بعشقه وبعتبره افضل من التسليح الامريكي بمراحل لكن شهرة التسليح الامريكي راجع اللي قوة النفوذ الامريكي في العالم وسياسة التسويق والدعاية واستخدام الضغوط الاقتصادية ومن ابرز معارك السلاح بين التسليح الروسي والامريكي في العالم هي حرب ٧٣ اللي انتصر فيها التسليح الروسي بمراحل علي التسليح الامريكي وموضوع ثغرة الدفرسوار تم تركه لاسباب سياسيه وليست عسكرية من ضمنها ترك نقطه لصالح اسرائيل تستطيع الضغط بيها علي مصر وايضا رغبه مصر بعدم اثبات الفشل الكامل للتسليح الامريكي امام السوفيتي واسباب اخري سياسيه بحته
ولمقارنة التسليح الروسي والامريكي نقف عند بعض النقاط الهامة
تتفوق روسيا بسلاح المدرعات وخاصة تي ٩٠ علي امريكا
تتفوق روسيا بسلاح الدفاع الجوي وخاصة منظومة اس ٣٠٠ وملحقاتها واس٤٠٠ علي امريكا
تتفوق امريكا بسلاحي القوات الجوية والغواصات وحاملات الطائرات علي روسيا
ومن المعروف ان احسن رشاش في العالم هو اي كا ٤٧ بملحقاتة وتتطوراتة يليه الرشاش ام ١٦ الامريكي
الصواريخ البالستية او العابرة للقارات الاثنان متكافئان لكن تتفوق امريكا بنظام الاتصالات وتتفوق روسيا بسرعة الصاروخ ودقة اصابة الهدف
من ناحية التسليح النووي الاثنان قادرين علي ابادة الكرة الارضية لكن تمتلك روسيا ام القنابل وهي القنبلة الهيدروجينية
والمختصر المفيد في فكر تصدير السلاح فالمتبع هو التصدير التكنولوجي بح ذاته وليس تصدير السلاح فامريكا تصدر الينا السلاح وعاملة حسابها اننا سوف نعمل تتطوير للاسلحة لكن حتي بعض تطوير السلاح لا يمكن ان نصل اللي مرحلة ابعد من توقعاتها حتي تظل اسير السلاح الامريكي علي العكس السياسة الاروسية في تصدير السلاح ممكن تعطيك اسلحة متتطورة شرط ضمان عدم وقوعها في ايدي الامريكان
علي فكرة مصر بتصنع اكثر من ثلاث ارباع مكونات الدبابة m1a1 و m1 a2ا
انت خلتني افتح في الكلام وانا مقاطع السياسة كفاية كده
رقم العضوية : 33348
تاريخ التسجيل : 18Feb2009
المشاركات : 1,869
النوع : ذكر
الاقامة : alexandria
السيارة: ........
السيارة[2]: bmw 318I e46
دراجة بخارية: ........
الحالة :
تمام جدا يا هيثم باشا موضوع ممتاز خصوصا انه جايب تفاصيل للمعدات اللى بتنتج فى مصانع الانتاج الحربي ولكن الموضوع الاصلى بخصوص صناعه طائره مصريه مختلف عن صناعه المدرعات والمجنزرات "برغم اهميتها"انما احنا فى وقت اللى بيمتلك الجو يعتبر ضمن المعركه لان صناعه وتكنولوجيا الطائرات مختلفه عن صناعه المدرعات
فبالتالى يبقى السؤال قائما هل هناك تأكيد بوجود صناعه لطائره مصريه خاصه بالتدريب او مقاتله او بدون طيار وتفاصيل تلك الصناعه
وطلبي الشخصى من حضرتك لو عندك اى معلومات عن الاسلحه المصريه وقدراتها او مصادر الاسلحه المصريه اوملومات عن تسليح دول عظمى فى مجال التسليح زى الصين وكوريا ودول اوروبا اتمنى تفيدنا بيها.
تحياتى.
http://store2.up-00.com/2015-11/1448722430351.jpeg
my new car
رقم العضوية : 33348
تاريخ التسجيل : 18Feb2009
المشاركات : 1,869
النوع : ذكر
الاقامة : alexandria
السيارة: ........
السيارة[2]: bmw 318I e46
دراجة بخارية: ........
الحالة :
ايوه هو ده الكلام محتاجين معلوماتك عن التسليح العالمى وشويه تفاصيل
والموضوع بعيد تماما عن السياسه الموضوع عن التسليح الدولى وبجد اتمنى تكمل تفاصيل عن تسليح الدول الغربيه وشرق اسيا
التسليح العربي وخاصه المصري لو عندك معلومه عن تصنيع الطائرهk8_e فى مصر رجاء افادتنا.
تحياتى.
http://store2.up-00.com/2015-11/1448722430351.jpeg
my new car
رقم العضوية : 22719
تاريخ التسجيل : 20Oct2008
المشاركات : 3,543
النوع : ذكر
الاقامة : Egypt
السيارة: none
السيارة[2]: Accent rb
دراجة بخارية: none
الحالة :
بتجر شكلى انت بالمواضيع الحلوة دى يا اسلام بك :)
مبدئيا...... و لانك تعرف انى احب اجيب المواضيع من قرارها :) فأنا هرجع لورا شوية كتير حاجة بتاعة حوالى 70 سنة...... مع نهاية الحرب العالمية التانية اللى اسست لواقع جديد و كانت بداية لحقبة جديدة مختلفة تماما عما قبلها فيما يخص التسليح...... اللى فى قاعدة معينة بتحكمه هى الاتى...... ان التقدم العلمى كله اللى البشرية عرفته طوال تاريخها و لسه هتشوفه سببه كله الابحاث العلمية لاغراض عسكرية...... الابحاث دى كانت مثل كبير على قاعدة ان الحاجة ام الاختراع...... و الحروب كانت و ستظل توجد (بكسر الجيم) احتياجات ملحة و عاجلة لحلول جديدة لمشاكل عاجلة ايضا..... و من هنا تأتى الاختراعات و الاكتشافات...... حتى الاكتشافات السلمية او اللى بتتم فى وقت السلم...... لا يتم التسريع بتعميم استخدامها على نطاق واسع الا وقت الحروب....... خد عندك مثلا ان الكسندر فليمنج اكتشف البنسلين سنة 1928...... لكن مرت حوالى 15 سنة عقبال ما بدأ الاستخدام التجارى له على نطاق واسع كأول مضاد حيوى فى العالم...... ليه؟ لان العلاج الميدانى اللى كان بيقوم بوظيفة المضاد الحيوى حتى قيام الحرب العالمية التانية و هو (السلفا) كان خلاص ابتدا ميبقاش فعال مع سلالات البكتيريا المختلفة مما سرع من وتيرة الاحتياج الى بديل اقوى و من هنا تم التوسع فى الانتاج و استخدام البنسلين على نظاق واسع....... و هكذا
الحرب العالمية التانية كانت نقطة تحول لتكنولوجيات التسليح فى العالم ككل...... و من اخطر مجالاتها هو ظهور السلاح اللى كان هيتحكم فى فضاء الكرة الارضية كلها بعد كده...... الصواريخ
بس قبل ما ندخل فى تفاصيل الاسلحة والتسليح محتاجين نوضح شوية الكتل العالمية اللى هيبقى ليها بصماتها المختلفة على التكنولوجيا العسكرية بعد كده
الحرب العالمية التانية انتهت بكتلتين او معسكرين الشرقى و الغربى...... المعسكر الشرقى ابرز اعضاؤه الاتحاد السوفيتى....... الاتحاد السوفيتى اتكون بعد الثورة البلشفية اللى اطاحت بآخر قياصرة روسيا و بأسرة رومانوف بأكملها سنة 1917...... و اتشكل بشكل حاسم مع تولى الطاغية لينين الحكم سنة 1924...... و هنا بدأت العجلة فى الدوران...... عجلة الايديولوجية الشيوعية اللى هدفها تكريس كل الامكانيات لخدمة الدولة بما فى ذلك ملكية الدولة لكل المشاريع الكبيرة و التضييق على الملكية الخاصة و غير ذلك من المبادئ الشيوعية اللى ضمنها كارل ماركس فى النظرية الشيوعية اللى عبر عن اهم مبادئها فى كتابه Das Kapital او رأس المال اللى كتبه فى الجزء الاخير من القرن ال19 (حوالى عام 1870 لو تخدمنى الذاكرة)....... بدأت موارد الدولة فى التعاظم و التراكم نتيجة للتوسع فى سياسات نزع الملكية الفردية من اراضى زراعية و مصانع و تكريس انتاجها لصالح الدولة....... النتيجة النهائية لكده هى وجود موارد كبيرة تم تكريس معظمها لانشاء القوة العسكرية الروسية كأهم مظهر من مظاهر العظمة الروسية التى تقول للعالم بوضوح ان ماردا جديدا قد ظهر فى العالم....... القدرة العسكرية الروسية ظهرت فى جيش كبير العدد بمقاييس هذا الزمن..... لكن بعد مرور 15 عام على تولى لينين الحكم و بدء الحرب العالمية التانية كانت هذه القدرة العسكرية لم تتكامل عناصرها بعد لانه كان ينقصها دخول عصر التصنيع الكبير mass production و خطوط الانتاج الكبيرة assembly lines اللى كان بيتميز بيها الانتاج الرأسمالى الغربى اللى كان دخل المرحلة دى بقوة ادت الى وجود اسلحة مميكنة كتير موجودة بأعداد كبيرة فى جيوشه....... و العامل ده بالتحديد هو اللى خلى دخول امريكا للحرب سنة 1940 يبقى هو عامل الحسم فى تحول دفتها بعد الاجتياحات و الانتصارات الكبيرة لدول المحور بقيادة المانيا...... لان دخول امريكا الحرب قام بمعادلة الماكينة الصناعية التسليحية الالمانية بماكينة تعادلها فى القوة ان لم تكن تتفوق عليها كما سيحدث فيما بعد...... لانه فى الوقت اللى كان وضع الروس زى ما وضحنا عبارة عن جيش كبير عددا لكن غير متقدم تكنولوجيا بمقاييس وقته كان الغرب من اوائل القرن العشرين بيرحب بكل جديد فى مجال التصنيع...... و ظهرت ميكنة لاشياء كتير غيرت من طبيعة الحياة البشرية و اصبح لها ايضا استخدامات عسكرية مهمة كالسيارة و الطائرة و اصبح لهذه الاخترعات اللى عمرها اقل من 40 سنة وقت نشوب الحرب العالمية التانية اصبح لهذه الوسائل خطوط انتاج كبيرة ادت الى تراكم اعدادها و الاعتماد عليها بشكل كبير فى الاستخدامات المدنية و العسكرية بس ده كان فى المعسكر الغربى بشكل اساسى
ده كان تمهيد سريع جيو-سياسى كخلفية للتقدم العلمى الكبير اللى شافته البشرية عمرما فى النصف الثانى من القرن العشرين فى كل المجالات خاصة المجال العسكرى و كانت شرارة البدء له هى الحرب العالمية التانية....... و يتبع التمهيد ده بالدخول فى الموضوع و هو تكنولوجيا التسليح فى العالم و تطورها من ذلك الوقت و حتى الان...... التمهيد ده كان لابد منه لانه هو اللى هيحدد بعد كده اتجاهات التسليح للدول الكبرى زى ما هيتضح بعد كده
رقم العضوية : 147451
تاريخ التسجيل : 18Aug2013
المشاركات : 678
النوع : ذكر
الاقامة : Cairo
السيارة: Speranza A516
السيارة[2]: Huyndai Elantra GLS 2013
الحالة :
شكلك كده ناويلي على نيه و شكل المشرفين في القسم مش هيسبوني في حالي و هتوقف ههههههههههه وشكلك ناوي على وضع قسم خاص بالتسليح و التسلح المصري و غير المصري ...
شوف يا كبير بالنسبة للطائرات المصرية فسوف أحدثك عن الطائرة الحربية حلوان 300 و هي كالآتي :
حلوان هـ أ 300 - Helwan HA 300
الصناعات الجوية المصرية - البداية الكبري
حلوان 300 طائرة حربية إعتراضية صنعت وطورت بالجمهورية العربية المتحدة بالإقليم الجنوبي - مصر - في فترة أواخر الخمسينات في عهد الرئيس جمال عبد الناصر ، و هي أول طائرة على المستويين المدني و الحربي التى تصنعها مصر أو دولة عربية أو إسلامية أو أفريقية في التاريخ ، و هي أيضا أول طائرة تصنع بالكامل في دولة من دول العالم الثالث ، و كان مصمم الطائرة المصمم الألماني الشهير بالإضافة لطاقم عمله و مهندسين مصريين من القوات المسلحة و أساتذه جامعيون و خريجون من كليات الهندسة المصرية و البروفيسور فيرديناند براندنار قد قاموا بصناعة الطائرة و تطويرها على مر مراحل التصميم و الإختبار
و كانت شركة هيسبانو أفياسيون قامت بتصميمها في البداية كطائرة اعتراضية للقوات الجوية الإسبانية ولكن تم رفع الدعم عن المشروع وإلغائه و هو لم يتجاوز مرحلة الطائرة الشراعية و بتجارب طيران محدوده جدا.
ثم طلبت مصر تنفيذ المشروع وتقديم الدعم فحول المشروع لمصر ، و بنيت من الطائرة حلوان 300 ثلاثة نماذج أولية حتى ألغى المشروع في مايو من عام 1969.
و كانت مصر في بداية الستينيات قد بدأت بتوجيه من الرئيس جمال عبد الناصر صناعة طيران مدني وحربي على السواء
فبدء مشروع طموح لإنتاج وتطوير طائرة أسرع من الصوت في وقت لم يكن به سوي أمريكا و بريطانيا و فرنسا و الإتحاد السوفيتيي هم فقط الدول المصنعه للطائئرات النفاثة على مستوي العالم ، وكان المهندس الألمانى المشهور ويلي مسيريشميت المسئول عن المشروع قد قام بتصميم طائرة شراعية خفيفة الوزن وتمت تسميتها بـ"HA-300P أو HA-23P" ، لتكون أساس لمشروع طائرة أسرع من الصوت، لكن ونظرا لضعف الموارد وعدم وجود دعم سار المشروع ببطيء حتي توقف إلى أن تم تمويله من قبل القوات الجوية الإسبانية التي سرعان ما ألغت دعمها له ليتوقف مرة أخرى ، ثم تطلب مصر الحصول على المشروع وتقديم التمويل والدعم بأكشاله له.
بدء المشروع في مصر بشراء التصميم الذي لم ينفذ بعد إنهاء إسبانيا دعمها للمشروع أواخر عام 1959 و بداية عام 1960 ، وبذلك انتقل المشروع إلى مصر.
أختبر محرك من طراز بريستول أورفيوس 703 من إنتاج شركة رولز رويس عليها، إلا أن مصر لم تقتنع بأدائه الضعيف ، كما أن الرئيس المصري جمال عبد الناصر رأي أن الاعتماد على محرك بريطاني يشكل تهديدا للأمن القومي المصري ذلك نظرا لحالة العداء المتبادل بين مصر وبريطانيا وقتها خاصة أن حربا قامت بينهما عام 1956 (العدوان الثلاثي )
وقامت مصر بتصنيع وإنتاج المحرك الوطني ( E-300-ِِA ) الأفضل
كما تم تطوير المحرك و عمل عدة نسخ أخري منه ، واحده لطائرة مدنية متوسطة الحجم ثلاثية المحركات ( E-300-C1 ) و هذه الطائرة معروفة بإسم المشروع 206
و نسخة محرك أخر لطائرات النقل المدني و الحربي الثقيل ( E-300-C2 )، و نسخة أخيرة تربو فان( E-300-AF ).
تم تجربة المحرك الجديد E-300 أول مرة في يوليو 1693 في حين أن النموذج التجريبى للطائرة HA-300 تم تجربته في 7 مارس 1964، وحقق المحرك المصري نجاح باهر وأداء عاليا أدي إلى اقتناع الهند بالمشاركة في تمويل المحرك حتي تستخدمه لطائراتها من طراز ماروت HF-24 Marut ، وتم إرسال اثنان من الطيارين المصريين لكلية الطيران بالهند للاستعداد لقيادة الطائرة حلوان 300 ووفرت الهند طائرة من طراز Marut لتجربة المحرك E-300 المصري ، و ما تزال تلك الطائرة موجوده بمخازن القوات الجوية المصرية.
و إيمانا من القيادة الوطنيةالجزائرية بالقومية العربية و الوحدة العربية و مواجهة قوي الإستعمار و الصهيونية ، أجري الرئيس الجزائري أحمد بن بله مفاوضات لشراء الطائرة مع الرئيس جمال عبد الناصر وشاهدا عرضا جويا لأحد نماذج الطائرة وقد وافق الرئيس المصري على بيع الطائرة للجزائر بنظام الأجل الطويل نظرا للظروف الاقتصادية للجزائر بعد تحررها من الاستعمار وذلك فور دخول الطائرة لخطوط الإنتاج بعد انتهاء تطويرها ، إلا أن نكسة عام 1967 وتوقف المشروع عام 1969 أدي إلى تجميد الصفقة إلى أن ألغيت.
تعرضت مصر لضغوط سياسية و إقتصادية و عسكرية من كل من الولايات المتحدة الأمريكية و بريطانيا و فرنسا لوقف المشروع إلغائه نهائيا و الإكتفاء بشراء السلاح منهم مع وعود بتخفيضات في الأسعار و تقدم أحدث أنواع السلاح و أجودها ، كما تعرضت مصر لحمله صهيونية لتشويه صورتها بالعالم و إظهارها كدولة نازية لأنها إعتمدت في نهضتها على علماء ألمان عملوا لصالح ألمانيا النازية في عهد هتلر بالرغم من قيام أمريكا و الإتحاد السوفيتيي و أغلب دول أوروبا بالقيام بنفس الخطوة منذ نهايات الحرب العالمية الثانية
بعد نكسة مايو 1967 زاد السوفييت من ممارسة الضغط المتواصل منذ ما قبل النكسه لإيقاف المشروع وإلا فلن يمد مصر بالسلاح في وقت كان فيه هو المورد الأوحد للسلاح إلى مصر في ظل التحالف الغربي الصهيوني ، و كان الإتحاد السوفيتيي يطمح لإبقاء مصر معتمده على سلاحه فقط و لا تصنع سلاحها الوطني خصوصا أن مشروع الطائرة كان ناجحا لدرجة أن قدرات الطائرة كانت أفضل بمراحل من الطائرة السوفيتيية ميج 21 الأضعف والأقل قدرة ومناورة ومدي وتسليح، ما جعلها تشكل خطرأعلى مبيعات طائرات ميج 21 وبالتالي خسارة كبيرة للإتحاد السوفيتيي خاصة أن الطائرة المصرية كانت ستسوق للدول الاشتراكية المعادية للغرب وهذا السوق هو نفسه السوق المستهدف لمبيعات السلاح السوفيتيية ، كذلك الوضع العسكري السئ لمصر بعد حرب عام 1967 والتي أدت إلى تدمير أجزاء كبيره من الجيش المصري وعدم وجود أى دعم عربي لمصر حينها سواء دعم بقوات عسكرية أو دعم بالسلاح أو المال عدا دعم جزائري إشترت به مصر ذخائر.
بالإضافة لما سبق، وأيضا كنتيجة للمشاكل المالية وتوافر عدد كبير من الطائرات الروسية التي تم تخفيض سعرها فقط وخصيصا لمصر لتدعيم موقف مصر في الحرب و لإثنائها عن مشروع الطائرة ، إضطرت الحكومة المصرية إلى إلغاء المشروع في مايو من عام 1969 وذلك بعد إنتاج النموذج الثالث من المحرك E-300 وتجربته ونجاح الطائره وتوقفها عند حد الإنتاج الكمى لها.
المواصفات //-
الصفات العامة
الطاقم : 1.
الطول: 12.4 متر.
المسافة بين الجناحين: 5.84 متر.
الارتفاع : 3.15 متر.
مساحة الأجنحة : 16.7 متر مربع.
الوزن فارغة : 2,100كجم.
الوزن محملة : 5,443 كجم.
المحرك : محرك واحد من نوع (بريستول اورفياس 703) أو (براندنر E-300 تربوجيت).
الأداء
السرعة القصوي :2.1 ماك عبر محرك E-300 في النموذج الثالث للطائرة
المدي : 1,400 كيلومتر.
أقصى ارتفاع: 12,000 متر.
معدل الصعود: 203 متر/ثانية.
التسليح
المدفع: مدفعان 30 ملليمتر من نوع هيسبانو أو 4 مدافع 23 ملليمتر من نوع (Nudelmann-Suranov NS-23 cannon).
الصواريخ: 4 صواريخ جو - جو (infra-red).
نقاط مضيئة //-
مقارنة بسيطة بالميج 21 وفق المعلومات المحدوده المتوافره ( حلوان 300 = ح ، ميج 21 = م )
زمن الطيران /
ح - 162 دقيقة ، م - 45 دقيقة
( مدي حلوان 300 أكبر نظرا للإستفادة بمساحة الجسم الداخلي للطائرة بإستخدام مداخل هواء جانبية و ليس أمامية كما بالميج 21 )
أقصي إرتفاع /
ح- 12192 متر ، م - 19000 متر
( إرتفاع حلوان 300 إختباري ، و لم يتم تنفيذ إختارات الإرتفاعات العالية التي حدد موعدها في نهاية يونيو 1967 بسبب النكسه ، و كان مخططا لها أن تصل إرتفاع 18000 متر وفقا لوظيفتها كطائرة إعتراضية )
حمولة الأسلحة /
ح - عدد 2 رشاش عيار 30 مم ، أو عدد 4 رشاش عيار 23 مم ، م - عدد 1 رشاش عيار 30 مم ، و بعض النسخ التصديرية بدون رشاش إطلاقا
ح - عدد 4 صواريخ وجهة بالأشعة تحت الحمراء بالإضافة لخزان وقود خارجي ، م - عدد 4 صواريخ غير موجهة ، و في حالة إضافة خزاني الوقود الخارجيين كي يصل وقت الطيران إلى 45 دقيقة تكون الحمولة عدد 2 صاروخ فقط
الرادار /
ح - رادار مصري ألماني إيجابي لتوجيه صواريخ الأشعة تحت الحمراء بمدي تقريبي غير مؤكد 65 إلى 80 كم ، م - ماسح جوي سلبي يعتمد على التوجيه الأرضي بمدي 30 إلى 45 كم
معدل الصعود /
ح - 209 متر في الثانية ، م - 237 متر في الثانية
أقصي سرعة /
ح - 2.1 ماك ، م - 2.05 ماك مع إهتزازات و تراجع ثقلل الطائرة للخلف بعد إستهلاك ثلث الوقود
ملحوظة الطائرة الآن قيد التصنيع في المصانع الحربية المصرية منذ أكثر من خمسه عشر عاماً بشكل مبهر و بتطوير ينافس تنافساً شرساً مع طائرات التدريب و القتال القصير المدى الأمركي و الفرنسي ... وقد تم إضافة الكثير على الطائرة من حيث أنظمة الرادار و القوة النارية و الصاروخية و تعديل جزري في المحركات المستخدمة و قدرة المناورة و زمن الطيران و لكن للأسف أغلب التعديلات سرية للغاية ...
المفضلات