تعديل سيفيك 99 الي sir

الاستفسار ده للهونداويه الكبار أصحاب الخبره. أنا معايا سيفيك ٩٩ أي أكس أي بحاله شاذه و فبريقه بره و جوه موتور d15z4 كيلومتر قليل و حاله السيارة ممتازه و الموتور كبسه راءع و صعب تلاقي حالته بس أنا اتمني اعدل الي sir و سالت علي الموتور بالعفشه بالضفيره شمال عامل ١٥ ألف بس لو عملت كده هعمل ايه في الحاجة بتاعتي و خاصه أنها بحاله ممتازه ممكن حد يشتريها و لا ايه و طبعا اللي يشتريهم يجربهم و هما راكبين في العربيه و مستعد للفحص بالتوكيل و قياس كبس الموتور و الفاسي تمام و العفشه جديده و لسه نغيرها ومساعدين kyb جديده كمان عندي استفسار هو ممكن اشتري عربيه تقطيع من بره sir و أخد كل حاجه منها أركبها عندي و أجيبها أزلي و منين و اضمن حالتها ابل ما اشتريها لان طبعا معروف اللي بيركب sir بيضغط علي الموتور أنا دوشتكو معايا جامد بس أنا بعشق الهوندا و مبركبش غيرها من اكتر من ١٠ سنين و أمنيتي اركب sir نظيفه العربيه دي عندي أحسن من ألبي ام ومليون شكر و تحيه كبيره لكل عشاق الهوندا

ياجماعه لو حد متخصص و عاوز يكلمني يسيب رقمه مشكورا و أنا اتشرف بالاتصال بيه

لو معاك فلوس هات كروسليه كامل اس اي ار وفضيه عندك وشيل وركب


والي معاك هتبيع منه كويس كمان

يعني الكروسليه هيبقى معاك كرسيين والكنبه بكل حاجه الاس اي ار

لو عايز تعديل موتور بس حاول تجيب نص قداماني او حتى ممكن تسيب الصاج للتاجر وتاخد الحوضض كله بالي فيه بالعفشه وفك روكب

وهتعوز تعديل الكهرباء جوه حسني يعملهالك في الحرفيين احسن واحد ممكن تشتغل معاه واغلب الي على المنتدى هينصحوك بيه

موتورك القديم

ممكن حد ياخده منه كامل وممكن تفككه وتبيعه بس على كلامك ممكن حد ياخده كامل وواضح من كلامك الثقه وانه حالته كويسه فشوفله بيعه لاخر لحظه قبل متركب الثاني ولو ركبته برضه قول للي هيشتريه يكبسه بدل منتا تخسر فيه وحالته كويسه

لو عايز تركب sir نضيفة وفر فلوس مش اقل من 16 الف
زى ما احمد قالك تشترى نص كامل

وتخلع وتركب عندك دة افضل وبعيد عن العك وتشوف ميكانيكى وكهربائى نضاف يشتغلو فيها

وبص على عداد الكروسليه مش يبقى ماشي كثير ده لو مش فاكك حاجه والمواتير الي على الارض دي طبعا عمرك متعرف ماشيه كام كيلو


وربنا يوفقك وتلاقي حاجه كويسه

اشكر الاخوه الكرام للرد و الاهتمام و تحيه من القلب أنا فعلا موصي ناس تجيبلي عربيه كامله مواصفات امريكي بس للأسف قالًو إيطاليا اللي موجود فيها هاتش باك و كيلو متر فوق ال ٢٠٠٠٠٠ يعني مش عارف أشيل مكنه عامله ميت ألف بس و اركب مكنه ماشيه اكتر من الضعف عشان أقوي حاجه تحير و كمان هنا مش موجود مش عارف اجيبها أبو قصه قالي الكراسي الجلد الكهرباء و الصالون الأسود و العداد اللي بستور لما الآر بي أم يعلي المواصفات دي لازم من أمريكا و قلت مش مهم. عاوز العادية و برده مفيش لو حد يعرف حد عنده نص نضيف أنا شاري بس علي الكبس طبعا و أشكركم مره تأتيه علي ردكم الكريم

200 الف كثير جداا من رايي حاول تشوف حد عارفه او تاجر بيسافر حتى لو يجبهالك معا شغله

واشترط عليه طلباتك ان الموتور مش يكون ماشي كثير وربنا معاك

شوف فى بورسعيج عند واحد اسمه الحجرى بيجيب sir نظيييف اووى اووى

يا جماعة فى موتور بيبقى ماشى 300 الف واقوى من اى موتور ماشى 100 اللاف
الموضوع دة حصل معايا فى عربيتين واحدة لانسر وواحدة اوبل انا بمشى كتير والموتورين عدو ال 300 الف والله العظيم الموتورين كانوا كانهم عليهم عفريت شد وجرى ومكنش حد يعرف يجبنى على الطريق وحالتهم كانت ممتازة

المهم حالة الموتور لو نظيفة يبقى كلة تمام