الموضوع: طلب شراء سياره فى حدود 40الف الى 45 الف

المشاركة الأصلية كتبت بواسطة mhopa2440

ان شاء الله هتكون احسن واحد بيسوق وبتفهم ف العربيات بس تكون هاوي الموضوع

بالنسبة للاسبرانزا والتمبرا انساهم خالص (بلاش صيني في اول حياتك) والتمبرا محترمة بس فئة 33 35 الف مش اربعين خالص

في ترشيحات عندي وانت صاحب القرار

المبلغ دا افضل عربيه متاحه فيه هيا الكيا شوما (لو متعرفهاش اسئل عليها بس اسئل ناس فاهمة)

بعدها النوبيرا (ممتازة بس استهلاك بنزين غبي جوه البلد)

اللانوس والسيفيا عربيات حلوه بس السيفيا احلى وربنا يوفقك إن شاء الله

يعني لو انا بشتري لنفسي او اخويا والمبلغ وصل 43 الف هيبقى شوما سيفيا نوبيرا لانوس

الف شكر على ردك يا باشا وانا دورت على الكيا شوما وفعلا عربيه ممتازه واحسن عربيه فى الفئه دى
ربنا يسهل ان شاء الله انا خلاص استقريت على انى هجيب كيا شوما ان شاء الله
طيب انا دلوقتى عاوز اعرف عنها كل حاجه لو سمحت عيوب ومميزات الكيا شوما
وايه الفرق بين موديل كل سنه
وايه الاحسن المانوال ولا الاتوماتيك
والمبلغ الى معايا لحد 45 الف ياباشا
والف شكر على الرد والمساعده

ممكن تدور على كرستاله حاله كويسه والعربيه دى بالذات ماسكه سعر بغباء وممكن تبيعها بعد كده اغلى ما كنت جايبها

شوف اللانشيا دي واسال يعني ايه لانشيا

لانشيا ديدرا موديل 94 لونها فيراني - لانسيا سيارات في 6 أوكتوبر | دوبيزل مصر

المشاركة الأصلية كتبت بواسطة mhopa2440

هقولك على الموضوع بتاع الشوما

مميزاتها هي فعلا الإفضل ف الفئة السعرية دي وهي عربية واسعة وثابتة واستهلاك بنزين معقول جدا وقطع غيار ف نفس رنج اسعار الدايو وبالعكس خامات العربية والموتور هي الأفضل من الدايوا

عيوبها لو عندك عشر محلات قطع غيار سيارات هتلاقي 8 بيبيعوا دايو وهيونداي واثنين يبيعوا كيا (شوما وسيفيا) بس نفس الأسعار والله ومعلومة هامة جادا الكيا شوما 1 هي نفسها من حيث الموتور الفتيس العفشة الطابلوه مع السيفيا والكيا شوما 2 هي نفسها السبكترا

المانيوال والأوتوماتيك -- طبعا المانيوال ارخص وصياته تمام والاوتوماتيك غالي وملوش صيانه بس عايز الصراحة خليك ف الاوتو اريح واجمل وكل حاجة بس اعرف ازاي تحافظ على فتيسك عشان يعيش معاك اطول عمر ممكن والدليل ان الكيا شوما موديلات 2000 لسة فيها فتيس بلدها زي الفل (اهم حاجة تحافظ على الفتيس)

طبعا شوما من 1998 حتى 2001 دي شوما 1 ، الشوما 2 من 2002 حتى 2004 وانا شفت اعلانات شوما 2 موديل 2001

وفي عربيات هاي لاين (فتحة سقف - جنوط كيا - اي بي اس - اير باج)

اسف على التأخير لظروف انقطاع الانترنت والف شكر على ردك ياباشا وان شاء الله اجيب كيا شوما
انا ارتحت للعربيه دى خلاص خصوصا بعد ما شفتها قدامى
ربنا يسهل واشتريها ان شاء الله
فاضل بس حاجه اخيره دلوقتى اشتريها منين وايه الى بيتم فى عمليه الشراء
وازاى اكشف عن العربيه
معلش اصلى جديد فى الموضوع دا
والف شكر ليكم جميعا على الرد