الموضوع: رحلة مع جوليت 2001 لمدة شهر .... وربنا يخليلنا العربيات ونصرف كمان وكمان :)

هكتبكم تقرير عن رحلة تجديد العربية لانوس جوليت 2001 في كل بند من البنود اللى انا عملتها بالاسعار للاستفادة (مع ملاحظة انى هعمل تقرير منفصل لتجربتي مع مركز نايل موتورز بالصور بكرة أن شاء الله عشان معرفتش اصور العربية النهاردة في الضلمة).

أولا في اعمال الميكانيكا:
تغيير تيل الفرامل نوع كوري مش فاكر اسمه ايه 60 جنيه
تغيير طلمبة الباور استيراد 150 جنيه
تغيير طلمبة المياه جديدة 100 جنيه
تغيير البوجيهات أن جي كي واحد شمعة 60 جنيه
طقم سلوك بوجيهات كوري 60 جنيه
فلتر هواء 30 جنيه
فلتر بنزين 20 جنيه
زيت شل هيلكس 5000 كيلو 125 جنيه
جوان غطاء التاكيهات وجوان استك الموبينة 25 جنيه
رجلشة الفرامل وسحب الهواء منها
ربط عفشة السيارة بالكامل
اجمالي المصنعيات 270 جنيه

ثانيا:اعمال الكهرباء
تنظيف مكن الزجاج الكهرباء بالكامل
لمبات وفيوزات للفوانيس كلها 150 جنيه
تغيير مجموعة فوانيس كانت حالتها وحشة (هكتب اسعارها مع اعمال السمكرة والدوكو)
اجمالي مصنعيات 180 جنيه

ثالثا أعمال السمكرة والدوكو (الزغلول الكبير اللى خرب بيتي البند دا)
طقم دلايات لانوس 60 جنيه
مساطر للاكصدام الامامي (بتوع الفوج لايت) 40 جنيه
2 فانوس أمامي صيني 200 جنيه (الواحد ب 100)
2 شنب الفوانيس 30 جنيه (الواحد ب 15 جنيه)
2 كارتيرة للعجل 70 جنيه (35 الواحدة)
مراية يمين عادة 100 جنيه
اكصدام امامي تايواني 170 جنيه
لوجو لانوس امامي وخلفي وكلمة دايو وكلمة لانوس 85 جنيه
طقم باكتات ابواب بالكلبسات 70 جنيه
فانوس مارشيدير استيراد 50 جنيه
كبوت امامي تايواني 450 جنيه
2 رفف يمين وشمال تايواني 340 جنيه (الواحد 170 جنيه)
كاوتش بخط نيكل لحماية الاكصدام الامامي والخلفي 50 جنيه
فانوس خلفي (اشارة وفرامل) استيراد 200 جنيه
السيارة بالكامل سمكرة ودوكو ورش الجنوط بتاع العربية في مركز نايل موتورز (مش هكتب التلكفة بتاعت دا ... اللى عاوز يعرف يسأل كريم منير عشان كل عربية وليها حالتها وتكاليفها)

رابعا: كماليات وحركات بقي (هركبهم بكرة أن شاء الله)
جهاز انزار وولف 150 جنيه
كاسيت ادريان حلو كده 210 جنيه على قدي
طقم سماعات ادريان 500 وات ب 120 جنيه (هما اللى فاضوا في الاخر)
شماسة للازاز الامامي 15 جنيه
اريال عادة كورى 60 جنيه
غطاء للعربية قطن 80 جنيه
طقم دواسات 75 جنيه
غطاء للطارة قطيفة في جلد 45 جنيه
فرش جلد للكراسي وارضية داخلية (حجزت معاد يوم الثلاثاء هركبهم عند اليجانس اللى فمكرم عبيد) 1150 جنيه

الحاجات دي كلها اشترتها من اماكن مختلفة شوية من شارع شبرا وشوية من التوفيقية وشوية من الحرفيين وشوية من محلات في السكة وانا ماشي .... وبكده تبقى الجوليت اتعمل معاها الصح ... وانا اتعمل معايا الغلط ... وياريت تلمولي بقى عشان مش فايض فلوس ادفع اشتراك النت وشكلى هشحت لحد اخر الشهر :) :) :)