الموضوع: افيدوني مياة التبريد موبيلexxon mobil coolant advanced ready mixed 33%

هيا أصلاً موبيل كانت ب 45 من سنتين,, ومفيش مبرر لأرتفاع سعر جركن المية بتاعهم ل 80 جنيه
سواء للخضراء أو الحمراء ال premixed 33%
لأن عندك كدا 67% مية مقطرة, ودي تكلفتها 6 جنية لل 3 لتر, لو أفترضنا إن ال 33 هما اللي فيهم إيثلين جليكول بس اللي هوا سائل التبريد اللي مشار ليه بتركيز 33%

أنا مبحبش مية موبيل, والخضراء بتاعتهم مش مناسبة لعربيتك لو لانسر لانها outdated ومناسبة للعربيات القديمة أكتر اللي قبل موديلات 96 وهتلاقي دا مكتوب علي الجركن بتاعهم بتاع المية الخضراء واللي بتكون براديتاير نحاس مش ألومونيوم.

ممكن تدور علي وتجيب مياة IADA دي المفروض أسباني, وتركيزها 10% لونها أحمر ودي تركيزها مناسب لظروف مصر ومش وحش.

عشان تنزل المية اللي جوا الموتور لازم تفك الترموستات وتحط خرطوم مية في الفتحة دي هتلاقيه نزلك باقي المية اللي فاضلة جوا الموتور,
لأنك لما تفتح طبة الرادياتير السفلية هتنزلك اللي في الرادياتير والخراطيم بس, مش هتنزل اللي جوا الموتور,

شوف في الفيديو دا لما يفك خرطوم الرادياتير السفلي هينزل مية خضراء, هيفضل ينضف لحد ما تنزل مية صافية,
بعدين لما يفك الترموستات, هينزل مية خضراء كتييييييييير كانت محبوسة جوا بلوك الموتور,,
Coolant and Thermostat Change - YouTube

بالنسبة لفك الترموستات وتركيبه تاني فيه ناس بتقولي الجوان الكاوتش اللي بيكون حوالين الترموستات بيبوظ أو بيتقطع, وفي الحالة دي لو ركبته تاني زي ما هو عليه هيحصل تسريب للمياء من ناحية كوعة الترموستات..
والجوان الكاوتش دا مش بيتباع لوحدة, لو حد يعرف حد بيبعه يقولي مكانه ؟ فا هتغير ترموستات كله,, وانا لحد دلوقتي عايز أفكة وأنزل المية اللي جو الموتور برضه زيك عشان انزل كل المية القديمة,

بس زي مانت شايف في الرد دا في زميل معانا نضف الدورة من ناحية الترموستات قبل كدا ودا الصح,
وعلي حسب ماهو مذكرش انو غير الجوان الكاوتش ممكن يكون ركبه تاني من غير مشكلة,, هبقي أبعت أسئلة.

المشاركة الأصلية كتبت بواسطة tito_amara2002

انظفة والحمد لله الحرارة دلوقتى86 ولوزادت تبقى تسعين عمرها ماترفع عن كدة والحمد لله
---------نصيحة مهمة منى بقى بما انى راجل خبرة دلوقتى ولو غلط ممكن حد يصحح لى----------
اللى يحاول ينظف دورة المياه لازم وهو بيحط مصدر المياه الدائم فى القربة يفك كوعة ترموستات المياه علشان الوساخة والصدأ اللى جوة الماكينة مايدخلش على الرياديتير ويسده وبعد مايطمن ان المياة اللى خارجة من الماكينة نظيفة يركب ترموستا الكوعة ويفك خرطوم الراجع اللى جاى من الريادتير على القربة علشان يطلع المياه الوسخة اللى فى الريادتير
----------------اخيرا شكرى وتقديرى للاستاذ فادى ولكل اعضاء المنتدى ويارب الكل يستفيد-------------------------------------------------------------------------------

http://www.nilemotors.net/Nile/375406-a.html