لاحظت في آخر اسبوعين عدم وجود الفئة الثانية في كثير من معارض الاسكندرية وكلها بالحجز وهناك من يقول بأنها لن تتوفر قبل شهر أو شهرين وهناك من يقول بأن سعرها كان غلطة وحيترفع عن كده؟
يا ريت اللي عنده معلومة يشارك معنا...
ويا ريت حد يكتب المعارض المتفرة فيها في اسكندرية....
بص يا فندم فية ناس كتير عنده البضاعة حاضرة بس هتدفع اوفر بريس عن سعرها الاساسى
وسعرها الاساسى هو 184.900 في توكيل تويوتا
لو هتشترى وتستلم العربية في وقتها بس هيبقى من معارض برضة هيبقى سعرها 190.000
كلمنا التوكيل تويتا مصر في العباسية ان الفئة دى عليها سحب غير عادى وحجوزات ليس لها اول من اخر من كلام احد العاملين في الشركه ومفيش عربيات بالفعل والمعروض محجوز
فبتددفع فلوس وتستلم بعدها بشهر او حد اقضى شهرين
كل دة ماشى كلام جميل وظريف مفيش فية مشاكل
المشكلة الكبيره ان العربية سعرها يغلى في التوكيل نفسه هتبقى مشكلة كبيره على الناس الى حجزت لان كدة هيتضر الى دفع فلوس يدفع فرق الزيادة الى على العربية يااما يسترد فلوسه الى دفعها .
حتى لو كنت دافع فلوس العربية كامله واكرر كامله لو الفلوس العربية كلها انت مسددها ففية شرط في الوصل انك لو دفعت تمن العربية كامله وزادات انت متكفل انك تدفع الزيادة
هى حاجة غريبة وانا مستغربها وحاسس ان العربية هيزيد سعرها الشهر القادم للحوجزات الكبيره الى عليها فالتوكيل طبعا فرحان وهيزود سعرها والى عايزها يدفع مهرها وياخدها والى مش عايز فلوسه ياخدها تانى سوا كان مقدم او فلوس العربية كامله
فربنا يستر ويهدى الناس وميبقوش طمعييين اكتر من كدة
ولذلك انا احساسى بيقولى ان هيبقى فية مشكلة في التوكيل الايام الجاية وهيبقى فية زيادة انا حاسس بكدة ( اتمنى ان احساسى يبقى غلط )
انا واحد من الناس دافع تمن العربية كاملا وحاجز ولو حصل زيادة قالى هتدفع الفرق ولو حصل نقصان هتسترد الى اخدناه منك زيادة عن تمن العربية (( دة في المشمش طبعا لان مفيش حاجة بتقل في مصر ))
واول لما نزل الفئة دى بالسعر دة اقبال غير عادى عليها والناس بتتخطفها بدليل
1 - الهيونداى قل السحب منها بطريقة ملحوظة في المبيعات في الشهرين الاخرييين بنزول تويتا
لدرجة انك بتسمع ان من 3 ايام بقى نسبة العرض على خصومات الالنترا زادات 3 الاف جنية بعد ما كانوا عاملين عليها عرض 5 الالف العرض وصل 8 الاف جنيه خصم على السياره علشان ترجع المنافسة تانى في الفئة السعرية
2 - كذلك الحال مع الكيا سيراتو الجديدة كان الناس مقبله عليها جدا قبل ما نسمع ان تويوتنا هتنزل عربية والاسعار تتكشف للاسواق والتجار اول لما الاسعار نزلت واتسعرت وبدا الحجز والاستلام الناس تركتها وبدات انظارها تتجه للتويتا
فية لغز في ان العربية عملين عليها كمية الحوجزات دى واكاد اشك هو طمع تويتا ان تعطش السوق للعربية فيزيد السحب والحجز عليها فبالتالى عرض وطلب فيزيد سعرها في التوكيل الاساسى فتزيد سعرها على التجار فتزيد على المستهلك نفسة بالتبعية
ولو زادت انا اول الناس هسحب فلوس الى دفعتها وهتجه الى انا اجيب 2013 الخليجى الى متقفلة في اليابان رسمى .. (( مش كفاية ان كنت بالع تقفيل تركيا دى وكاتم في قلبى وساكت هههه ))
يلة الله المستعان ولا نستبق الاحداث الايام الجاية هتوضح كل حاجة ويا خبر النهاردة بفلوس بكره يبقى بلاش
بمجرد وصول الشحنات و بدء تسليم الحاجزين .... حتتوفر بدون اى اوفربرايس ... حاله سوق الزيرو اليوم به ركود شديد ...
و الدليل وجود اول فئه ١٧٥ الف بكتره تسليم فورى ...
و الفئه التانيه ١٨٥ الف مميزه بالاوبشنات يا دوب الناس متقبلاها بالعافيه ... و اى زياده اخرى مش فى صالحها ...
عندك الفلوانس ٢٠١٤ كان عليها حجوزات كتيره من شهر ٥ و اوفر برايس يوصل ٧/٨ الاف !! لكن بمجرد تسليمها فى شهر ٨ ... الان متوافره بالسعر الرسمى تسليم فورى فى كل حته ...
تحياتى ...
كلام جميل اوى واتمنى يارب ان مفيش يبقى فية زياده في السعر ان شاء الله
ويارب الشحنه الجديدة توصل في اقرب وقت علشان جشع الناس
خير ان شاءالله ...اقتباس:
المشاركة الأصلية كتبت بواسطة abofandy
و كلاء اسكندريه شكرى و رمسيس بيأكدوا ان يوجد شحنه كبيره داخله 25 سبتمبر ...
تحياتى ...
مهندس صفوت.... واحشنا جدا والله و دايما مغرقنا بأرائك و أخبارك السديدة في عالم السيارات.اقتباس:
المشاركة الأصلية كتبت بواسطة batman372
حضرتك كنت غايب عن المنتدي فترة كدة.... لعله خير إن شاء الله
تقديري و تحياتي.....
محمود يونس
أشكركم جميعا على الرد... وأتمنى ربنا يكرمكم جميعا بالخير....
شكرا لك محمود باشا :)اقتباس:
المشاركة الأصلية كتبت بواسطة my3fox
الغياب بسبب السفر المتكرر ..
تحياتى ...