مساعده عاجله بخصوص عمليه زراعه الكبد

**medo_2060** · 21-09-2013 11:14 AM

السلام عليكم

حد هنا يا جماعه ليه تجربه مع عمليه زراعه الكبد او يعرف حد عملها ..لان والدى حالته متاخره والدكتور طلب منه يعملها بسرعه ... محتاج مساعده ابتدى ازاى فى الموضوع دا او اتكلم مع حد ليه تجربه فى الموضوع دا يفيدنى.

**الفجر** · 21-09-2013 11:48 AM

بتتعمل ف الصين بس طبعا عملية سعرها مش تقل من 80 الف دولار

**wawamoha** · 21-09-2013 12:12 PM

بننعكل في معهد الكبد في المنوفيه - و غيره - بس للاسف مش عارف الاليه دي ازاي و النتايج مش كلها 100% بس حالات بتنجح برضه
ربنا يشفيهولك شفاء لا يغادر سقما

**mr_vampire** · 21-09-2013 12:47 PM

ربنا يشفيه يارب.

**dr-hoshos** · 21-09-2013 05:11 PM

تعالى معهد الكبد القومى بالمنوفية و هنقيم الحالة كويس و هتفعم كل حاجه بالتفصيل و هى فى حدود 250 الف جنيه

**mo3tazanas** · 21-09-2013 05:16 PM

اولا ربنا يشفى ولدك
ثانيا انا عاندى نفس المشكلة ولاسف العملية دى فاشلة فى مصر وكان زمان بتتعمل فى الصين بحوالى ما يعادل 2مليون جنية مصرى ولكن الموضوع بتاع الصين بقى صعب دلواتى ولا يوجد حل لاسف وكمان مش اى حد يعمل العملية للانها ليها مقومات زى سن المريض وحالتة الصحية وحاجات تانية كتير ولاسف هتفضل مستسلم للمرض وتمر بمراحلة الى ان يشاء اللى عزوجل .انا اسف انى بقولك كدة بس لانى والدى عاندة نفس المشكلة ولكنة فى المراحل الاخيرة من المرض فانا بفهمك الحقيقة علشان متلفش زى ما احنا لفينا
وربنا يشفية ويشفى كل مريض باذن اللة

**DODGE2013** · 21-09-2013 05:51 PM

ربنا يشفيه ان شاء الله

**medo_2060** · 21-09-2013 07:15 PM

المشاركة الأصلية كتبت بواسطة dr-hoshos

تعالى معهد الكبد القومى بالمنوفية و هنقيم الحالة كويس و هتفعم كل حاجه بالتفصيل و هى فى حدود 250 الف جنيه

الاول شكرا لكل من رد او دعى لوالدى بالشفاء...
بالنسبه للعمليه حضرتك انا دورت شويه لقيت معهد الكبد بالمنوفيه ومستشفى وادى النيل والمكز العالمى والجهاز الهضمى بالمنصوره ودا فيه الدكتور الى متابع حاله الحاج... فى خيارات كتير مش عارف ايه الافضل
اسمع ان مستشفى وادى النيل رعايه احسن مع انها اغلاهم
ومعهد الكبد بتاع شبين الكوم اسمع ان فيه خبرات بس بيشتكى من جو المستشفيات الحكوميه بتاع قله الاهتمام مش عارف الكلام دا صحيح ولا لا
والاهم من كل دا لما سئلت كل المستشفيات الى بتعملها كله بيقولى المتبرع دى مشكلتك
طيب الماديات مقدور عليها ان شاء الله لكن هنجيب متبرع منين؟ مفيش حد من العايله ومش بيقبلوا نجيب متبرع من بره.... نعمل ايه فى الموضوع بتاع المتبرع دا يا جماعه لو حد عنده حل

**medo_2060** · 21-09-2013 07:21 PM

المشاركة الأصلية كتبت بواسطة mo3tazanas

اولا ربنا يشفى ولدك
ثانيا انا عاندى نفس المشكلة ولاسف العملية دى فاشلة فى مصر وكان زمان بتتعمل فى الصين بحوالى ما يعادل 2مليون جنية مصرى ولكن الموضوع بتاع الصين بقى صعب دلواتى ولا يوجد حل لاسف وكمان مش اى حد يعمل العملية للانها ليها مقومات زى سن المريض وحالتة الصحية وحاجات تانية كتير ولاسف هتفضل مستسلم للمرض وتمر بمراحلة الى ان يشاء اللى عزوجل .انا اسف انى بقولك كدة بس لانى والدى عاندة نفس المشكلة ولكنة فى المراحل الاخيرة من المرض فانا بفهمك الحقيقة علشان متلفش زى ما احنا لفينا
وربنا يشفية ويشفى كل مريض باذن الله

ربنا يشفى والدك وكل مرضانا ان شاء الله
موضوع الصين فعلا احسن عشان حاجتين
- انها بتوفر زراعه كبد كامل من شخص متوفى حديثا ودا احسن من زراعه فص بس دا مش متاح عندنا لان قوانينا مش بتسمح بالموضوع دا
- بيوفروا الكبد الى هتتزرع للمريض ضمن تكلفه العمليه يعنى بيشيل عنك هم انك تدور على متبرع
بس معرفش ايه نظام السفر والمستشفيات بره لان مفيش تجربه
طيب ايه الى وقف الموضوع عند حضرتك ووصلت لايه فى الموضوع دا تفيدنى بيه

الموضوع: مساعده عاجله بخصوص عمليه زراعه الكبد

LinkBack

أدوات الموضوع

عرض

مساعده عاجله بخصوص عمليه زراعه الكبد - انشر الموضوع فى :

-

-

-

المواضيع المتشابهه

مساعده عاجله بخصوص تكييف الاكسيل

مطلوب مساعده من الاعضاء بخصوص موبينيل بصفه عاجله

طلب مساعده عاجله من اهل الخبره بخصوص كاربراتير فليشيا 96

مساعده عاجله بخصوص شيري qq

مساعده عاجله بخصوص كاسيت سي دي

الكلمات الدلالية لهذا الموضوع

المفضلات

المفضلات

ضوابط المشاركة